Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Isaia 3:1-26

NUHE E BẸHẸN LẸ

  • Nukọntọ Juda tọn lẹ nọ klọmẹ (1-15)

  • Yè dawhẹna viyọnnu Ziọni tọn lẹ he túnwán (16-26)

3  Na, pọ́n! Oklunọ nugbo lọ, yèdọ Jehovah awhànpa lẹ tọn, Na de alọgọ po núdùdù wunmẹ lẹpo po sọn Jelusalẹm po Juda po, Yèdọ núdùdù lẹpo po osin po,+  Gọna huhlọnnọ po awhànfuntọ po, Podọ whẹdatọ, yẹwhegán,+ dọṣẹdọtọ po mẹho po,   Ogán omẹ 50 lẹ tọn,+ omẹ nukundeji po ayinamẹtọ po, Gọna nujlẹtọ akonka po bojlẹtọ he yin azọ́nyọnẹntọ po.+   Yẹn na yí yọpọ sunnu lẹ do basi ahọvi yetọn lẹ, Podọ mẹhe ma whèwhín* wẹ na dugán do yé ji.   Gbẹtọ lẹ na nọ gbidikọna ode awetọ, Yèdọ mẹdopodopo na nọ gbidikọna hatọ etọn.+ Yọpọ sunnu na nọ fọ́n do mẹhomẹ ji, Podọ omẹ tata de poun na nọ diọnukunsọ mẹhe nọ yin sisi na.+   Mẹdopodopo na nọ tẹdo nọvisunnu etọn go to owhé otọ́ etọn tọn gbè bo na nọ dọmọ: “Hiẹ tindo awù daho de—lẹzun awhàngán daho de to mí nù. Penukundo okiti gbakija tọn ehelẹ go.”   Ṣigba, ewọ na gbẹ́ gbidigbidi to azán enẹ gbè dọmọ: “Yẹn ma na yin apà-klọ́tọ* mìtọn gba; Yẹn ma tindo núdùdù kavi avọ̀ to owhé ṣie gbè. Mì yí mi do basi awhàngán daho to gbẹtọ lẹ nù blo.”   Na Jelusalẹm ko dahli, Juda ko sọ jai, Na yé ko jẹagọdo Jehovah to ohó po walọ po mẹ; Yé yí tasinsinyẹn do yinuwa to Omẹ gigonọ lọ nukọn.*+   Awusọhia nukunmẹ yetọn tọn dekunnu sọta yé, Yé sọ lá ylando yetọn taidi Sodọmi;+ Yé ma tlẹ tẹnpọn nado ze e whlá. Dindọn wẹ na yé,* na yé to nugbajẹmẹji hẹnwa yede ji! 10  Mì dọna dodonọ lẹ dọ e na yọ́n na yé; Yé na mọaleyi na nuhe yé ko wà.*+ 11  Dindọn wẹ na mẹylankan! Nugbajẹmẹji na wá e ji, Na nuhe e ko yí alọ etọn lẹ do wà wẹ na yin wiwà na ẹn! 12  Na nuhe dù omẹ ṣie lẹ, azọ́ngán yetọn lẹ to kọgbidina yé, Bọ yọnnu lẹ nọ dugán do yé ji. Omẹ ṣie lẹ emi, nukọntọ mìtọn lẹ wẹ to mì hẹn danbú, Yewlẹ wẹ sọ to mì hẹn buali.+ 13  Jehovah na fọnṣite nado ylọwhẹ; Ewọ na fọnṣite nado dawhẹna gbẹtọ lẹ. 14  Jehovah na ylọwhẹ mẹho lẹ gọna ahọvi omẹ etọn lẹ tọn lẹ. “Mì ko mẹ̀ vẹngle lọ, Podọ nuhe mì fìn sọn wamọnọ lẹ si lẹ tin to owhé mìtọn lẹ gbè.+ 15  Naegbọn mì do gboadọ bo gídí omẹ ṣie lẹ Bosọ gínglín nukunmẹ wamọnọ lẹ tọn do kọmẹ?”+ wẹ Oklunọ Nupojipetọ, Jehovah awhànpa lẹ tọn dọ. 16  Jehovah dọmọ: “Na viyọnnu Ziọni tọn lẹ yin saklanọ, Bo nọ ze ota yetọn daga* to whenue yé to zọnlinzin, Bosọ nọ yí nukun yetọn lẹ do túnwán, bo nọ to gigó, Bọ afọgàn aṣọ́ tọn yetọn lẹ nọ to núdọ, 17  Jehovah nasọ hẹn ota viyọnnu Ziọni tọn lẹ tọn gọ́ na ohán lẹ, Podọ Jehovah na hẹn yé mọ́n ahọ̀n.+ 18  To azán enẹ gbè, Jehovah na hẹn whanpẹ afọgàn sislo yetọn lẹ tọn zun ovọ́, Po ota-blanú lẹ po gọna aṣọ́donu lẹ he taidi osun,+ 19  Tómẹnu* lẹ, alọgàn lẹ po nukunmẹṣinyọnnu lẹ po, 20  Tabla lẹ, afọgàn aṣọ́ tọn lẹ po homẹblanu lẹ po, Ogo nuyọnwan tọn* lẹ po aṣọ́donu lẹ po, 21  Alọkẹ alọvi tọn lẹ po alọkẹ awọntin tọn lẹ po, 22  Tewu hùnwhẹ tọn lẹ, awugbó lẹ, awù daho lẹ po sẹgẹ lẹ po, 23  Mẹpọ́nnu alọmẹ tọn+ lẹ po awù alavọ tọn* lẹ po, Gọna tabla lẹ po nukunmẹṣinyọnnu yetọn lẹ po. 24  Owán gbigble wẹ na yin sisè do otẹn amì balsami* tọn+ mẹ; Okàn do otẹn gbànnú tọn mẹ; Ota pipá+ do otẹn oda dagbedagbe bibasi tọn mẹ; Awù odẹ́vọ̀ tọn do otẹn awù akuẹgegenu tọn mẹ;+ Podọ hiadomẹgo do otẹn whanpẹ tọn mẹ. 25  Gbọn ohí dali wẹ sunnu towe lẹ na yin hùhù, Podọ sunnu huhlọnnọ towe lẹ to awhàngbenu.+ 26  Mẹhe to họngbo etọn mẹ lẹ na blawu bo biọ aluẹmẹ,+ Ewọ lọsu nasọ sinai to kọmẹ bo jẹvọ́.”+

Nudọnamẹ Odò Tọn

Kavi “mẹhe nọ to linlẹn diọ mapote.”
Kavi “azọ̀nhẹngbọtọ.”
To paa mẹ, “to nukun gigo etọn tọn lẹ mẹ.”
Kavi “na alindọn yetọn.”
To paa mẹ, “Yé na dù sinsẹ́n walọ yetọn lẹ tọn.”
To paa mẹ, “nọ dlẹn okọ̀.”
Kavi “Kọnú.”
To paa mẹ, “Ohọ̀ alindọn tọn.”
Kavi “awù odò tọn.”
Pọ́n Zẹm.