Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Isaia 28:1-29

NUHE E BẸHẸN LẸ

  • Dindọn na ahànnumunọ Eflaimi tọn lẹ! (1-6)

  • Yẹwhenọ po yẹwhegán Juda tọn lẹ po to sàmù (7-13)

  • “Alẹnu de hẹ Okú” (14-22)

    • Zannu họ̀gosu tọn Ziọni tọn he họakuẹ (16)

    • Azọ́n vonọtaun Jehovah tọn (21)

  • Apajlẹ mẹplọnlọ Jehovah tọn (23-29)

28  Dindọn wẹ na jẹgbakun* sakla* tọn ahànnumunọ Eflaimi tọn lẹ tọn+ Gọna vounvoun whanpẹ daho etọn tọn he ko kupẹ́, Ehe tin to aga pete na agbàdo he nọ yọ́n na jinukun lọ, fie mẹhe ovẹn ko mú lẹ nọ nọ̀!   Pọ́n! Jehovah tindo mẹde he yin huhlọnnọ podọ hlọnhlọnnọ. Kẹdẹdi kẹ́njikun he zọnpọ hẹ nudidọ hẹviosò tọn, yèdọ yujẹhọn sinsinyẹn de, Kẹdẹdi singigọ daho he zọnpọ hẹ jẹhọn-ahizi po nudidọ hẹviosò tọn po, Ewọ na sisẹ́ ẹ dlan aigba ji po huhlọn po.   Jẹgbakun sakla* tọn ahànnumunọ Eflaimi tọn lẹ tọn Na yin afọtùn e ji.+   Podọ vounvoun whanpẹ daho etọn tọn he ko kupẹ́, Ehe tin to aga pete na agbàdo he nọ yọ́n na jinukun lọ, Na wá taidi ovò sinsẹ́n he yawu tọ́n jẹnukọnna alunlun. Eyin mẹde mọ ẹn, e nọ ze e mì tlolo he e jẹ alọ etọn mẹ.  To azán enẹ gbè, Jehovah awhànpa lẹ tọn na lẹzun jẹgbakun gigonọ de podọ vounvoun linlọ̀n whanpẹnọ de na omẹ etọn he pò lẹ.+  Ewọ nasọ na gbigbọ whẹdida dodo tọn mẹhe nọ sinai to whẹdaján ji bo nasọ na huhlọn mẹhe to mẹgbeyantọ lẹ yàn dogodo to họngbo ji lẹ.+   Omẹ ehelẹ lọsu to dindanbu na ovẹn wutu; Ahàn sinsinyẹn yetọn lẹ nọ mú yé. Yẹwhenọ po yẹwhegán po nọ danbú na ahàn sinsinyẹn wutu; Ovẹn nọ doflu yé, Bọ yé nọ to sàmù na ahàn sinsinyẹn yetọn wutu; Numimọ he mọ yé te nọ hẹn yé danbú, Bọ yé nọ ṣì whẹda.+   Na tafo yetọn lẹ gọ́ na oslú he hiọawu lẹ —Fidepope ma pò to ovọ́.   Yé nọ to didọ dọ, Mẹnu wẹ yè na na oyọnẹn, Podọ mẹnu wẹ yè na basi zẹẹmẹ owẹ̀n lọ tọn na? Be mẹhe yè ṣẹṣẹ deanọ́na, Yèdọ mẹhe yè ṣẹṣẹ desọn anọ́nù lẹ wẹ ya? 10  Na ewọ nọ to didọ mapote dọ, “Gbedide do gbedide ji, gbedide do gbedide ji, Okàn do okàn ji, okàn do okàn ji,*+ Vude tofi, vude to dọ́n.” 11  Enẹwutu, ewọ na dọhona omẹ ehelẹ gbọn mẹhe to dẹ́ku* lẹ gblamẹ podọ to jonọgbè mẹ.+ 12  Ewọ ko dọna yé pọ́n dọ: “Gbọjẹtẹn lọ die. Mì gbọ mẹhe nuṣikọna ni gbọjẹ; nọtẹn kọfanamẹ tọn lọ die,” ṣigba yé gbẹ́ nado dotoai.+ 13  Enẹwutu, ohó Jehovah tọn na mọ hẹndi do yé ji dọmọ: “Gbedide do gbedide ji, gbedide do gbedide ji, Okàn do okàn ji, okàn do okàn ji,*+ Vude tofi, vude to dọ́n,” Sọmọ bọ whenue yé to zọnlinzin, Yé na dahli bo jai jẹ wẹ̀n, Yé nasọ yin awugblena bo jẹ omọ̀ mẹ bosọ yin wiwle.+ 14  Enẹwutu, mì dotó ohó Jehovah tọn, mì awagundotọ lẹ emi, Yèdọ mì mẹhe yin ogán akọta ehe tọn lẹ to Jelusalẹm, 15  Na mìwlẹ nọ dọmọ: “Mí ko basi alẹnu de hẹ Okú,+ Podọ mí ko basi gbekọndopọ* de hẹ Yọdò.* Whenue singigọ he to zingidi ji lọ na sà wayi, E ma na jẹ mí dè, Na mí ko yí lalo do basi fibẹtado mítọn Bo ko sọ whlá míde do oklọ mẹ.”+ 16  Enẹwutu, nuhe Oklunọ Nupojipetọ Jehovah dọ die: “Todin, yẹn to zannu he ko yin whiwhlepọn de zedai di dodonu to Ziọni,+ Yèdọ zannu họ̀gosu tọn+ he họakuẹ de he yin dodonu dejidego de.+ Mẹdepope he do yise hia to e mẹ ma na dibu.+ 17  Yẹn nasọ yí whẹdida dodo do basi nujlẹkàn+ Podọ dodowiwa do basi nujlẹnu.+ Kẹ́nsu na plọ́ fibẹtado lalo tọn lọ sẹ̀, Bọ osin na hẹn fiwhiwhlá lọ gọfla. 18  Alẹnu he mìwlẹ ko basi hẹ Okú na yin gbigbà, Bọ gbekọndopọ mìtọn hẹ Yọdò* na lẹzun ovọ́.+ Whenue singigọ he to zingidi ji lọ na sà wayi, E na gídí mì sẹ̀. 19  Whedepopenu he e na to sisà wayi, E na nọ plọ́ mì sẹ̀;+ Na afọnnu afọnnu wẹ e na nọ sà wayi, Yèdọ to okle podọ to zánmẹ. Obu kẹdẹ wẹ na wá hẹn yé mọnukunnujẹ nuhe ko yin sisè lọ mẹ.”* 20  Na adọzan lọ whete gbau nado dlẹn to e ji, Podọ avọ̀ ṣinṣinyọn linlọ̀n lọ whè gbau nado bu agbasa pete. 21  Na Jehovah na yinuwa kẹdẹdi to Osó Pelazimi kọ̀n; E na fọ́n kẹdẹdi to agbàdo he sẹpọ Gibeọni lọ mẹ,+ Nado yinuwa—yèdọ nujiawu etọn— Podọ nado wazọ́n etọn dotana—yèdọ azọ́n vonọtaun etọn.+ 22  Todin, mì ṣanmẹko blo,+ Na gẹdẹ mìtọn lẹ nikaa yin hinhẹn nado finyọ́n mì dogọ, Na yẹn ko sè sọn Oklunọ Nupojipetọ lọ, yèdọ Jehovah awhànpa lẹ tọn dè, Dọ nudide ko yin bibasi nado sukúndona aigba lọ pete.+ 23  Mì tuntoai bo dotoaina ogbè ṣie; Mì na ayidonugo bo dotoaina nuhe dọ n’te. 24  Be azán lọ blebu wẹ aigba-jlotọ nọ yí do jlo aigba whẹpo do dó jinukun ya? Be whelẹponu wẹ e nọ to aigba etọn kùn bo nọ to jijlo e ya?+ 25  Whenue e ko jlọ nukunmẹ aigba lọ tọn ganji, Be e ma nọ vúnvún okún kumini yuu tọn pé bo nọ do nuwhẹ́nkun kumini tọn ya, Podọ be e ma nọ do likun, milẹti* po balekun po do otẹn yetọn lẹ mẹ Bo nọ do likun*+ wunmẹ devo gbọn tónu etọn lẹdo pé ya? 26  Na Ewọ wẹ nọ plọn ẹn* aliho he sọgbe lọ; Jiwheyẹwhe etọn wẹ nọ plọnnu in.+ 27  Na yè ma nọ yí nuyizan jinukun fiflé tọn do flé kumini yuu,+ Podọ likun-flénú ma nọ yin kùnkùn gbọn nuwhẹ́nkun kumini tọn ji. Kakatimọ, opò wẹ yè do nọ tùn kumini yuu, Podọ aglọpò wẹ yè do nọ tùn nuwhẹ́nkun kumini tọn. 28  Be mẹde nọ lì likun pọ́dọ́pọ́dọ́ nado basi akla wẹ? Lala, ewọ ma nọ to tùntùn in mapote;+ Whenue e to likun-flénú etọn kùn gbọn e ji po osọ́ etọn lẹ po, E ma nọ lì i pọ́dọ́pọ́dọ́.+ 29  Jehovah awhànpa lẹ tọn dè wẹ ehe lọsu wá sọn, Yèdọ mẹhe lẹndai etọn jiawu Bọ nuwadotana etọn lẹ nọ hẹn awujimẹ.*+

Nudọnamẹ Odò Tọn

Ehe na ko to alọdlẹndo tòdaho tatọ́-tẹnnọ lọ, yèdọ Samalia.
Kavi “goyiyi; awagundido.”
Kavi “goyiyi; awagundido.”
Kavi “Nujlẹkàn do nujlẹkàn ji, nujlẹkàn do nujlẹkàn ji.”
To paa mẹ, “mẹhe nùflo yetọn nọ kúdẹ́.”
Kavi “Nujlẹkàn do nujlẹkàn ji, nujlẹkàn do nujlẹkàn ji.”
Kavi vlavo, “ko mọ numimọ.”
Kavi “Ṣeol,” enẹ wẹ, yọdò paa gbẹtọvi lẹ tọn. Pọ́n Zẹm.
Kavi “Ṣeol,” enẹ wẹ, yọdò paa gbẹtọvi lẹ tọn. Pọ́n Zẹm.
Kavi vlavo, “Whenue yé na mọnukunnujẹemẹ, yé na gọ́ na obu.”
Jinukun de he okún etọn lẹ nọ whè tlala bo nọ yin yiyizan nado basi akla.
Hogbe Heblugbe tọn lọ to alọdlẹndo likun wunmẹ de he yìdo bo nọ yin dido to Egipti hohowhenu tọn.
Kavi “domẹplọnlọ e go; sayana ẹn sọgbe hẹ.”
Kavi “Bọ nuyọnẹn yọ́n-na-yizan etọn klo.”