Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Isaia 27:1-13

NUHE E BẸHẸN LẸ

  • Jehovah hù Leviatani (1)

  • Ohàn gando Islaeli go taidi vẹngle (2-13)

27  To azán enẹ gbè, Jehovah na yí ohí didá, daho podọ huhlọnnọ etọn,+ Bo lẹ́ ayidonugo etọn hlan Leviatani,* odàn he nọ dídí, Yèdọ hlan Leviatani, odàn he nọ lìn lọ, Ewọ nasọ hù nudazi he to hùmẹ lọ.   To azán enẹ gbè, mì jihàn hlan ẹn* dọmọ: “Vẹngle he nọ de ovẹn he yẹ̀nfún tọ́n!+   Yẹn, Jehovah wẹ to hihọ́-basina ẹn.+ Whelẹponu wẹ yẹn nọ húsinna ẹn.+ N’nọ basi hihọ́na ẹn to okle po ozán po, Na mẹdepope nikaa gbleawuna ẹn.+   Adi depope ma to ohò ṣie mẹ.+ Mẹnu wẹ na yí wùnkan po ogbé ylankan lẹ po do funawhàn hẹ mi? Yẹn na tùnafọ yé ji bo domiyọ́n yemẹpo dopọ.   Eyin e ma yinmọ, gbọ ewọ ni tẹdo figángán ṣie go. Na ewọ ni basi jijọho hẹ mi; Gbọ ewọ ni basi jijọho hẹ mi.”   To azán he ja lẹ mẹ, adọ̀ Jakọbu tọn na hẹnai, Islaeli na gbàsẹ́ bo tọ́nkun,+ Yé nasọ hẹn aigba lọ gọ́ na sinsẹ́n.+   Be dandan wẹ dọ ewọ ni yin hihò po obá mẹhe to hihò e tọn po ya? Kavi be dandan wẹ dọ ewọ ni yin hùhù dile mẹhe ewọ hù lẹ yin hùhù do ya?   Hiẹ na yí awhágbe dobu do duto e ji dile a to yinyan ẹn dogbé. E na yí gbọfufu huhlọnnọ etọn do yàn ẹn jẹgbonu to azán jẹhọn whèzẹtẹn tọn gbè.+   Gbọnmọ dali, ovẹsè na yin bibasina nuṣiwa Jakọbu tọn,+ Podọ to whenue ylando etọn na ko yin didesẹ, nuhe mẹ e na dekọtọn do die: E na hẹn zannu agbà lọ tọn lẹpo Nado taidi zannu he yè yí owhé do basi he yin gbigbà hányán, Podọ dòtin wiwe* kavi agbà nuyọnwan tọn depope ma na yin pipò dai.+ 10  Na tòdaho gángán lọ na jẹvọ́; Kanlindugbo lẹ na yin jijodo bo yin kọgbẹ́ e go di danfafa.+ Oyìn na nọ dù amà bo mlọnai to finẹ Bo nasọ nọ dù alà etọn lẹ.+ 11  To whenue alà etọn lẹ na ko hú godo, Yọnnu lẹ na wá bo na wẹ́n yé, Bo nasọ yí yé do flọ miyọ́n. Na akọta ehe ma tindo nukunnumọjẹnumẹ.+ Enẹ wẹ zọ́n bọ Mẹdatọ yetọn ma na wàlẹblanuna yé, Podọ Mẹhe do yé ai ma na do nukundagbe hia yé.+ 12  To azán enẹ gbè, Jehovah na gbẹ̀n sinsẹ́n lọ lẹ, sọn asisa Tọ̀sisa* lọ tọn kọ̀n yì Agbàdo Tọ̀sisa tọn* Egipti tọn kọ̀n,+ bọ dopodopo mìtọn na yin bibẹpli, mì omẹ Islaeli tọn lẹ emi.+ 13  To azán enẹ gbè, azò daho de na yin kúnkún,+ bọ mẹhe to dindọn to aigba Asilia tọn ji lẹ+ po mẹhe vúnvún pé gbọn aigba Egipti tọn ji lẹ+ po na wá bo na dẹ́ do odò na Jehovah to osó wiwe lọ ji to Jelusalẹm.+

Nudọnamẹ Odò Tọn

Pọ́n Zẹm.
Ehe na ko to alọdlẹndo Islaeli, he yin didohia tofi taidi yọnnu de bo yin yiyijlẹdo vẹngle de go.
Pọ́n Zẹm.
Enẹ wẹ, Euflate.
Pọ́n Zẹm.