Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Isaia 25:1-12

NUHE E BẸHẸN LẸ

  • Dona Jiwheyẹwhe tọn lẹ do omẹ etọn lẹ ji (1-12)

    • Hùnwhẹ Jehovah tọn he gọ́ na ovẹn (6)

    • Okú ma na tin ba (8)

25  Jehovah E, hiẹ wẹ Jiwheyẹwhe ṣie. N’nọ ze we daga bo nọ pà oyín towe, Na hiẹ ko wà nujiawu lẹ,+ Yèdọ nuhe a ko lẹndai* sọn hohowhenu lẹ,+ To nugbonọ-yinyin mẹ+ podọ to aliho dejidego mẹ.   Na hiẹ ko hẹn tòdaho de zun okiti zannu lẹ tọn, Tòpẹvi gángán de zun gbakija mlẹnmlẹn. Atọ̀họ̀ jonọ lẹ tọn masọ yin tòdaho de ba; E ma na yin vivọ́ gbá gbede ba.   Enẹ wẹ zọ́n bọ akọta huhlọnnọ de na nọ pagigona we; Tòdaho akọta kọgbidinamẹtọ lẹ tọn na nọ dibusi we.+   Na hiẹ ko lẹzun figángán de na agbátọnọ, Figángán de na wamọnọ to ayimajai etọn mẹ,+ Fibẹtado de sọn yujẹhọn nù,+ Podọ yẹtẹn de sọn yozò nù. To whenue adi kọgbidinamẹtọ lẹ tọn taidi yujẹhọn de sọta adó,   Taidi yozò to aigba-klo ji, Hiẹ nọ glọnalina zingidi jonọ lẹ tọn. Kẹdẹdile oyẹ̀ aslọ de tọn nọ glọn yozò do, Mọ wẹ ohàn kọgbidinamẹtọ lẹ tọn nọ yin aliglọnna do niyẹn.   To osó ehe ji,+ Jehovah awhànpa lẹ tọn na wleawuna Hùnwhẹ he gọ́ na núdùdù dojó lẹ na gbẹtọ lẹpo,+ Yèdọ hùnwhẹ he gọ́ na vẹnhàn dagbe,* Ehe núdùdù dojó etọn lẹ gọ́ na ojó ohú mẹ tọn, Po vẹnhàn dagbedagbe he yè whí po.   To osó ehe ji, e na de nukunmẹṣinyọnnu he yin ṣinṣinyọn na gbẹtọ lẹpo lọ sẹ̀* Gọna avọ̀* linlọ̀n he yin titẹ́ do akọta lẹpo ji.   Ewọ na ze okú mì* kakadoi,+ Oklunọ Nupojipetọ Jehovah na súnsún dasin sẹ̀ sọn nukun lẹpo mẹ.+ Ewọ na de vlẹko omẹ etọn lẹ tọn sẹ̀ sọn aigba lẹpo ji, Na Jehovah lọsu wẹ ko dọ ẹ.   To azán enẹ gbè, yé na nọ dọmọ: “Mì pọ́n! Jiwheyẹwhe mítọn die!+ Míwlẹ ko ze todido mítọn do ewọ mẹ,+ Ewọ nasọ whlẹn mí.+ Jehovah die! Míwlẹ ko ze todido mítọn do ewọ mẹ. Mì gbọ mí ni nọ jaya bo hùnhomẹ to whlẹngán etọn mẹ.”+ 10  Na alọ Jehovah tọn na gbọṣi osó ehe ji,+ Podọ Moabi na yin afọtùn e ji to fihe e te+ Kẹdẹdile núyọ nọ yin afọtùn e ji nado yin zínzín do ogbó mẹ do. 11  Ewọ na dlẹnalọ etọn bo hò Moabi Kẹdẹdile sinlìntọ de nọ hò awà etọn lẹ dile e to sinlìn do, Bo nasọ zín sakla etọn do odò+ Gbọn anadidena alọ etọn lẹ po azọ́nyinyọnẹn po dali. 12  Tòdaho gángán lọ po adó yiaga hihọ́ tọn towe lẹ po Wẹ ewọ na họ́; E na họ́ ẹ liai petepete.

Nudọnamẹ Odò Tọn

Kavi “ko na ayinamẹ etọn.”
Kavi “gọ́ na vẹnhàn he yin jijodo whàwhá etọn ji.”
To paa mẹ, “e na ze nukunmẹṣinyọnnu he yin ṣinṣinyọn na gbẹtọ lẹpo lọ mì.”
Kavi “nukunmẹṣinyọnnu.”
Kavi “na de okú sẹ̀.”