Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Isaia 24:1-23

NUHE E BẸHẸN LẸ

  • Jehovah na hẹn aigba lọ jẹvọ́ (1-23)

    • Jehovah, Ahọlu to Ziọni (23)

24  Pọ́n! Jehovah na hẹn aigba lọ jẹvọ́ bo nasọ hẹn ẹn gbọgbé.+ E na sọtadona ẹn*+ bo nasọ vúnvún mẹhe nọ nọ̀ e ji lẹ pé.+   Nudopolọ wẹ na jọ do mẹlẹpo go: Gbẹtọ paa lẹ po yẹwhenọ po, Devisunnu po ogán etọn po, Deviyọnnu po klunọ-yọnnu etọn po, Nuhọtọ po nusàtọ po, Mẹhe nọ yàn namẹ po mẹhe nọ yàn po, Mẹhe yè duahọ do po ahọ́tọnọ po.+   Aigba lọ na yin hinhẹn jẹvọ́ mlẹnmlẹn; Nuhe to e mẹ lẹpo pete na yin bibẹ sọyi di ogblànnu,+ Na Jehovah lọsu wẹ ko dọ ehe.   Aigba lọ to aluẹmẹ;*+ e to kukupẹ́. Aigba he dojó lọ to kúkú; e to sisá. Mẹhe diyin to aigba lọ ji lẹ to didepo.   Aigba lọ ko yin hinhẹnflu gbọn mẹhe nọ nọ̀ e ji lẹ dali,+ Na yé ko tùnafọ osẹ́n lẹ ji,+ Bo ko diọ aṣẹdai lọ,+ Bo ko sọ gbà alẹnu dẹn-to-aimẹ* lọ.+   Enẹwutu wẹ dẹ̀hodo ko dù aigba lọ sudo,+ Bọ mẹhe nọ nọ̀ e ji lẹ do yin pinpọn di whẹhutọ. Enẹwutu wẹ mẹhe nọ nọ̀ aigba lọ ji lẹ do depò, Bọ omẹ vude poun wẹ pò.+   Ovẹn yọyọ to aluẹmẹ,* vẹntin sọ yọ́,+ Bọ mẹhe ahun yetọn gọ́ na ayajẹ dai lẹpo to azọ̀nwẹn.+   Ayajẹ ohún lẹ tọn ko doalọte; Awhágbe paṣadutọ lẹ tọn ko wá vivọnu; Nudidọ ayajẹ tọn ajalẹn tọn ko doalọte.+   Yé nọ nù ovẹn matin hànjiji, Podọ ahàn sinsinyẹn nọ vẹ́ to nùmẹ na nùnùtọ lẹ. 10  Tòpẹvi he jẹvọ́ lọ ko yin hihọliai;+ Ohọ̀ lẹpo wẹ ko yin súsú bọ mẹde ma sọgan biọ yé mẹ. 11  Yé nọ to awhádo to tòhomẹ-liho lẹ ji, na ovẹn wutu. Ayajijẹ lẹpo ko busẹ; Ayajẹ ko vọ̀ to aigba lọ ji.+ 12  Tòdaho lọ yin jijodo gbakija mẹ; Họngbo lọ ko yin gbigbà do flinflin bo lẹzun okiti gbakija tọn de.+ 13  Na nuhe na jọ to aigba lọ ji to gbẹtọ lẹ ṣẹnṣẹn die: Taidi to whenue mẹde ko gbẹ̀n sinsẹ́n sọn atin olivie tọn de ji,+ Kẹdẹdi wélu-wiwe to whenue jibẹwawhé ovẹn sinsẹ́n tọn ko wá vivọnu.+ 14  Yé na nọ ze ogbè yetọn daga, Yé na nọ yí ayajẹ do dawhá. Yé na nọ lá gigo daho Jehovah tọn sọn ohù ji.*+ 15  Enẹwutu wẹ yé na nọ pagigona Jehovah to whèzẹtẹn-waji;+ Yé na nọ pagigona oyín Jehovah Jiwheyẹwhe Islaeli tọn to lopo ohù tọn lẹ ji.+ 16  Mí nọ sè ohàn lẹ sọn opodo aigba tọn lẹ dọmọ: “Gigo* hlan Dodonọ lọ!”+ Ṣigba, yẹn dọmọ: “N’to gohú, n’to gohú! Dindọn wẹ na mi! Mẹklọtọ lẹ ko yinuwa po oklọ po; Mẹklọtọ lẹ ko gbọn mẹkiklọ dali yinuwa po oklọ po.”+ 17  Obu, odò po omọ̀ lẹ po wẹ to tepọn we, hiẹ mẹhe nọ nọ̀ aigba lọ ji.+ 18  Mẹdepope he to hinhọ̀nna nudidọ budonamẹ tọn na jai jẹ odò mẹ, Podọ mẹdepope he to tintọ́n sọn odò lọ mẹ na yin wiwle do omọ̀ mẹ.+ Na dogbó osin agahomẹ tọn lẹ tọn na yin hùnhùn, Bọ dodonu aigba lọ tọn lẹ na whàn. 19  Aigba lọ ko zẹ̀ do voovo; Aigba lọ ko yin whinwhàn; Aigba lọ to whinwhàn gìgìgì.+ 20  Aigba lọ to sàmù di ahànnumunọ, Bosọ nọ to mùmù yigodo yinukọn di azava de to jẹhọn nù. Sẹ́nhẹngba etọn to agbàn pẹ̀n ẹn,+ E nasọ jai bo ma na fọ́n ba. 21  To azán enẹ gbè, Jehovah na lẹ́ ayidonugo etọn hlan awhànpa he to oji aga lọ Podọ hlan ahọlu aigba ji tọn lẹ to aigba ji. 22  Yé nasọ yin bibẹpli dopọ Taidi gàntọ he yin bibẹpli do odò de mẹ lẹ, Yé nasọ yin súsú do gànpa dòglọ tọn mẹ; Ayidonugo na wá yin nina yé to azán susu godo. 23  Osun blebu na duwinyan, Bọ winyan na hù owhè ṣádada,+ Na Jehovah awhànpa lẹ tọn ko lẹzun Ahọlu+ to Osó Ziọni+ ji podọ to Jelusalẹm, Bo yin gigonọ to mẹho omẹ etọn lẹ tọn nukọn.*+

Nudọnamẹ Odò Tọn

Kavi “na slo nukunmẹ etọn.”
Kavi vlavo, “hú pete.”
Kavi “hohowhenu tọn.”
Kavi vlavo, “hú pete.”
Kavi “sọn whèyihọ-waji.”
Kavi “Whanpẹ.”
To paa mẹ, “to mẹho etọn lẹ nukọn.”