Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Isaia 22:1-25

NUHE E BẸHẸN LẸ

  • Whẹdida sọta Agbàdo Numimọ tọn (1-14)

  • Eliakimi jẹ họ̀nkọnsi Ṣẹbna tẹnmẹ (15-25)

    • Opò tlọ́ntlọ́n yẹhiadonu tọn (23-25)

22  Whẹdida de sọta Agbàdo Numimọ tọn:*+ Etẹwẹ wà we bọ omẹ towe lẹpo do hẹji yì họta?   Hiẹ he gọ́ na bẹwlu dai, Yèdọ tòdaho he gọ́ na zingidi, tòpẹvi he gọ́ na aglinjijẹ. Omẹ towe he yin hùhù lẹ ma yin hùhù po ohí po, Mọ e ma yin awhàngbenu wẹ yé kú te.+   Aṣẹglanglan-panamẹtọ towe lẹpo pete wẹ ko họnyi.+ Yé ko yin bibẹ sọyi di gàntọ matin ogá de yiyizan. Mẹhe yin mimọ lẹpo wẹ yin bibẹ sọyi di gàntọ,+ Dile etlẹ yindọ yé ko họnyi fidindẹn.   Enẹwutu wẹ yẹn do dọmọ: “Mì lẹ́ nukun mìtọn lẹ sẹ̀ sọn ji e, Yẹn nasọ viavi vivẹvivẹ.+ Mì haji jẹtukla nado miọnhomẹna mi Na vasudo viyọnnu* omẹ ṣie lẹ tọn wutu blo.+   Na azán bẹwlu, awhànṣiṣi po sijọsijọ po tọn de wẹ+ Sọn Oklunọ Nupojipetọ, Jehovah awhànpa lẹ tọn dè, To Agbàdo Numimọ tọn mẹ. Adó lẹ to yinyin hihọliai+ Podọ awhágbe de to dìdì hlan osó lọ.   Elami+ hẹn ogába-hẹnnu lọ Gọna osọ́-kẹkẹ he mẹ gbẹtọ te lẹ po osọ́* lẹ po, Bọ Kili+ hùnnú sọn* awọ̀yinu lọ ji.   Agbàdo towe he yọ́n hugan lẹ Na lẹzun fie gọ́ na osọ́-kẹkẹ awhàn tọn lẹ, Bọ osọ́* lẹ na ṣite to họngbo lọ ji,   Hihọ́-basinamẹnu Juda tọn na yin didesẹ. “To azán enẹ gbè, hiẹ na nọ pọ́n awhànfunnu bẹsẹdotẹn Ohọ̀ Zungbo mẹ tọn lọ hlan,+  mìwlẹ nasọ mọ adó zizẹ susu he to Tòdaho Davidi tọn go lẹ.+ Podọ mì na pli osin do osindò dòwaji tọn lọ mẹ.+ 10  Mìwlẹ na hia sọha ohọ̀ he to Jelusalẹm lẹ tọn, mì nasọ họ́ ohọ̀ lọ lẹ liai nado vọ́ adó lọ hẹn lodo. 11  Mìwlẹ nasọ basi sinhẹnnú de do adó awe lọ lẹ ṣẹnṣẹn na osin he to osindò hoho lọ mẹ, ṣigba mì ma na pọ́n Mẹdatọ Daho etọn dè, mì ma nasọ mọ Mẹlọ he wleawuna ẹn sọn ojlẹ dindẹn die. 12  To azán enẹ gbè, Oklunọ Nupojipetọ, Jehovah awhànpa lẹ tọn, Na biọ avi po aluẹmẹninọ po to mì si,+ Ota lẹ whiwhlẹ́ po odẹ́vọ̀ dido po. 13  Ṣigba kakatimọ, hùnwhẹ bibasi po ayajijẹ po wẹ na tin, Oyìn po lẹngbọ lẹ po hùhù, Olàn dùdù po ovẹn nùnù po.+ ‘Mì gbọ mí ni dù bo nù, na osọ wẹ mí na kú.’”+ 14  To whenẹnu, Jehovah awhànpa lẹ tọn de ede hia to otó ṣie lẹ nù dọmọ: “‘Ovẹsè ma na yin bibasi na nuṣiwa mìtọn ehe kaka mìwlẹ nado kú,’+ wẹ Oklunọ Nupojipetọ, Jehovah awhànpa lẹ tọn dọ.” 15  Nuhe Oklunọ Nupojipetọ, Jehovah awhànpa lẹ tọn dọ die: “Biọ họmẹ yì họ̀nkọnsi ehe, yèdọ Ṣẹbna+ dè, mẹhe yin nukunpedonugotọ owhé* lọ tọn, bo dọmọ, 16  ‘Etẹwẹ a tindo tofi, podọ mẹnu wẹ a tindo tofi, bọ hiẹ do kùn ṣiọditẹn de na dewe dofi?’ Ewọ to ṣiọditẹn etọn kùn do fihe yiji de; e to gbọjẹtẹn* de kùn na ede to osé de mẹ. 17  ‘Pọ́n! hiẹ dawe E, Jehovah na dọ̀n we wá odò po zingidi po bo na wle we gánnugánnu. 18  Matin ayihaawe, ewọ na blá we tánun-tánun bo na dlan we taidi bọlu de hlan aigba gblagada de ji. Finẹ wẹ hiẹ na kú do, podọ finẹ wẹ osọ́-kẹkẹ gigonọ towe lẹ na gbọṣi, yèdọ winyan de na owhé ogán towe tọn. 19  Yẹn nasọ de we sẹ̀ sọn otẹn towe mẹ bo na dlan we sẹ̀ sọn ogántẹn towe mẹ. 20  “‘To azán enẹ gbè, yẹn na ylọ devizọnwatọ ṣie Eliakimi,+ visunnu Hilkia tọn, 21  yẹn nasọ yí tewu towe do na ẹn bo na sìn homẹblanu towe na ẹn+ bo nasọ yí aṣẹpipa* towe do alọ etọn mẹ. Ewọ nasọ lẹzun otọ́ de na mẹhe nọ nọ̀ Jelusalẹm lẹ podọ na whédo Juda tọn. 22  Yẹn nasọ yí họnhungan owhé Davidi tọn do+ abọ́ etọn ji. Ewọ na hùn bọ mẹde ma na sú; podọ ewọ na sú bọ mẹde ma na hùn. 23  Yẹn na whè e taidi opò tlọ́ntlọ́n de do nọtẹn he na nọ aimẹ dẹn de, bọ ewọ na wá taidi ofìn gigo tọn de na whédo otọ́ etọn tọn. 24  Yé nasọ yí gigo* whédo otọ́ etọn tọn pete, kúnkan po ovivi* lẹ po, yèdọ núzinzan pẹvi lẹpo, núzinzan he taidi agbán daho lẹ po ozẹ́n daho lẹpo po plá do ewọ go. 25  “‘To azán enẹ gbè,’ wẹ Jehovah awhànpa lẹ tọn dọ, ‘opò tlọ́ntlọ́n he yin whiwhè do nọtẹn he na nọ aimẹ dẹn lọ na yin súnsúnsẹ̀,+ bọ e na yin sinsánsẹ bo na họliai, podọ agbàn he tin to e ji lọ na jai bo gbà hányán, na Jehovah lọsu wẹ ko dọ ẹ.’”

Nudọnamẹ Odò Tọn

E họnwun dọ ehe to alọdlẹndo Jelusalẹm.
Hogbe milomilo de wẹ ehe yin he to alọdlẹndo tòdaho lọ taidi gbẹtọ, vlavo nado do lẹblanu kavi awuvẹmẹ hia.
Kavi “osọ́nọ.”
Kavi “wleawuna.”
Kavi “osọ́nọ.”
Kavi “họ̀nmẹ.”
To paa mẹ, “fininọ.”
Kavi “gandudu.”
To paa mẹ, “zínpinpẹn.”
Kavi “alà.”