Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Isaia 20:1-6

NUHE E BẸHẸN LẸ

  • Ohia sọta Egipti po Etiopia po (1-6)

20  To owhe he mẹ Salgọni Ahọlu Asilia tọn do Taltani* hlan Aṣidọdi,+ e hoavùn sọta Aṣidọdi bo yí i.+  To ojlẹ enẹ mẹ, Jehovah dọho gbọn Isaia+ visunnu Amọzi tọn gblamẹ dọmọ: “Yì bo de odẹ́vọ̀ sọn alìn bosọ de afọpa towe lẹ sọn afọ.” Ewọ sọ wàmọ, bo nọ to zọnlinzin pé to omẹ́* podọ to afọ-vọ́.  Jehovah dọ to whenẹnu dọmọ: “Kẹdẹdile devizọnwatọ ṣie Isaia ko zinzọnlin pé to omẹ́ podọ to afọ-vọ́ na owhe atọ̀n taidi ohia+ de po nudabla de po sọta Egipti+ po Etiopia+ po do,  mọ wẹ ahọlu Asilia tọn na deanana kanlinmọ Egipti tọn lẹ+ po mẹmẹglọ Etiopia tọn lẹ po do, yèdọ yọpọ sunnu lẹ po mẹho lẹ po, to omẹ́ podọ to afọ-vọ́ bọ yonu yetọn na to weho, yèdọ omẹ́* Egipti tọn na yin gòhùnna.  Yé nasọ dibu bọ winyan Etiopia he yin todido yetọn podọ Egipti he yin awagundido yetọn* tọn na hù yé.  Mẹhe nọ nọ̀ awà huto tọn ehe ji lẹ na dọ to azán enẹ gbè dọ, ‘Mì pọ́n nuhe jọ do todido mítọn go, yèdọ fie mí họnyi dín alọgọ po whlẹngán po te sọn ahọlu Asilia tọn dè! Nawẹ mí na wagbọn do họ̀ngán todin lo?’”

Nudọnamẹ Odò Tọn

Kavi “awhàngán daho lọ.”
Kavi “to awù kleun de mẹ.”
Kavi “winyan.”
Kavi “he sin whanpẹ yé nọ jlo.”