Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Isaia 2:1-22

NUHE E BẸHẸN LẸ

  • Osó Jehovah tọn yin zizedaga (1-5)

    • Ohí do tùn glepọnu (4)

  • Azán Jehovah tọn na whiwhẹ saklanọ (6-22)

2  Nuhe Isaia visunnu Amọzi tọn mọ gando Juda po Jelusalẹm po go+ die:   To azán godo tọn lẹ mẹ, Osó ohọ̀ Jehovah tọn Na yin hinhẹn lodo gligli to aga pete osó lẹ tọn,+ E nasọ yin zizedaga hú okọ́ta lẹ, Bọ akọta lẹpo na nọ wọ̀ wá e ji.+   Mẹsusu nasọ nọ yì bo nọ dọmọ: “Mì wá na mí ni hẹji yì osó Jehovah tọn ji, Yì ohọ̀ Jiwheyẹwhe Jakọbu tọn kọ̀n.+ Ewọ na plọn aliho etọn lẹ mí, Bọ mí na nọ zinzọnlin gbọn ali etọn lẹ ji.”+ Na osẹ́n* na tọ́nyi sọn Ziọni, Podọ ohó Jehovah tọn sọn Jelusalẹm.+   Ewọ na dawhẹ to akọta lẹ ṣẹnṣẹn Bo dọwhẹgbọ* na mẹsusu. Yé na yí ohí yetọn lẹ do tùn glepọnu Podọ owhán yetọn lẹ do tùn agbogọdọẹ.+ Akọta de ma na ze ohí daga do akọta devo ji, Mọ yé ma nasọ plọn awhànfunfun ba.+   Whédo Jakọbu tọn E, mì wá, Mì gbọ mí ni nọ zinzọnlin to hinhọ́n Jehovah tọn mẹ.+   Na hiẹ ko gbẹ́ omẹ towe lẹ, yèdọ whédo Jakọbu tọn dai,+ Na yé ko kẹalọyi nususu sọn Whèzẹtẹn wutu; Yé nọ doalọ to nujijlẹ lẹ mẹ+ taidi Filistinu lẹ, Ovi jonọ tọn lẹ sọ sù to ṣẹnṣẹn yetọn.   Aigba yetọn gọ́ na fataka po sika po, Bọ adọkunnu yetọn lẹ ma tindo dogbó. Aigba yetọn gọ́ na osọ́ lẹ, Bọ sọha osọ́-kẹkẹ yetọn lẹ tọn ma tindo dogbó.+   Aigba yetọn gọ́ na yẹwhe ovọ́ lẹ.+ Yé nọ dẹ́ do odò na alọnuzọ́n yetọn titi, Yèdọ nuhe yelọsu yí alọvi yetọn titi do basi lẹ.   Gbọnmọ dali, gbẹtọ nọ dẹ́ do odò bo nọ de ede pò, Bọ e ma nọ yọnbasi dọ hiẹ ni jona yé. 10  Họ̀n biọ osé-slo mẹ bo whlá dewe do kọ́gudu mẹ Na tintin to finẹ dobu Jehovah tọn Po gigo whanpẹ daho etọn tọn po wutu.+ 11  Nukun saklanọ tọn lẹ na yin hinhẹnwa odò, Bọ goyiyi gbẹtọvi lẹ tọn na yin zínzín do odò.* Jehovah kẹdẹ wẹ na yin zizedaga to azán enẹ gbè. 12  Na azán Jehovah awhànpa lẹ tọn wẹ ehe.+ E na wá mẹhe yin saklanọ bo nọ ze yede daga lẹpo ji, Yèdọ mẹlẹpo, vlavo mẹhe yiaga kavi mẹhe yìdo,+ 13  E na wá kedali Lẹbanọni tọn he yiaga bosọ yin zizedaga lẹpo ji Podọ atin oaki Baṣani tọn lẹpo ji, 14  E na wá osó he yiaga lẹpo ji Podọ okọ́ta he yiji lẹpo ji, 15  E na wá atọ̀họ̀ he yiaga lẹpo gọna adó gángán lẹpo ji, 16  E na wá tọjihun Talṣiṣi tọn lẹpo ji+ Podọ ohún he yè tindo ojlo na lẹpo ji. 17  Sakla gbẹtọ tọn na yin hinhẹnwa odò, Bọ goyiyi gbẹtọvi lẹ tọn na yin zínzín do odò.* Jehovah kẹdẹ wẹ na yin zizedaga to azán enẹ gbè. 18  Yẹwhe ovọ́ lẹ na busẹ mlẹnmlẹn.+ 19  Gbẹtọ lẹ nasọ họ̀n biọ oslò osé lẹ tọn mẹ Podọ biọ odò lẹ mẹ to aigba glọ,+ Na tintin to finẹ dobu Jehovah tọn Po gigo whanpẹ daho etọn tọn po wutu,+ To whenue ewọ na fọ́n nado hẹn aigba sisọ na obu wutu. 20  To azán enẹ gbè, gbẹtọ lẹ na bẹ yẹwhe ovọ́ fataka po sika po tọn yetọn He yelọsu ko basi nado nọ dẹ́ do odò na lẹ Bo na dlan yé hlan oṣọ̀n* lẹ po toké lẹ po,+ 21  Nado sọgan họ̀n biọ odò osé lẹ tọn mẹ Podọ biọ oslò awinyan lẹ tọn mẹ, Na tintin to finẹ dobu Jehovah tọn Po gigo whanpẹ daho etọn tọn po wutu, To whenue ewọ na fọ́n nado hẹn aigba sisọ na obu wutu. 22  Na dagbe mìtọn titi wutu, mì sọ ze jidide mìtọn do gbẹtọvi tata mẹ ba blo, Mẹhe ma yin nudevo hú gbọfufu tata he nọ tọ́n sọn awọntinslo etọn titi lẹ mẹ.* Naegbọn ewọ nado yin hihia gọ́ nude?

Nudọnamẹ Odò Tọn

Kavi “anademẹ.”
Kavi “vọ́ ninọmẹ lẹ jlado.”
Kavi “na whiwhẹ.”
Kavi “na whiwhẹ.”
Kanlin pẹvi nuhẹngbletọ.
Kavi “Mẹhe gbọfufu etọn tin to awọntinslo etọn lẹ mẹ.”