Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Isaia 15:1-9

NUHE E BẸHẸN LẸ

  • Whẹdida sọta Moabi (1-9)

15  Whẹdida de sọta Moabi:+ Na e ko yin vivasudo to zánto dopo mẹ wutu, Al+ Moabi tọn ko yin hinhẹn nado nabọẹ. Na e ko yin vivasudo to zánto dopo mẹ wutu, Kili+ Moabi tọn ko yin hinhẹn nado nabọẹ.   E ko hẹji yì Ohọ̀* lọ mẹ podọ yì Dibọni,+ Yèdọ yì ofi yiaga lẹ nado viavi. Moabi doavihàn do Nebo+ po Medeba+ po ji. Ota lẹpo wẹ yin whiwhlẹ́,+ bọ ogbì lẹpo yin pipà sẹ̀.+   Yé ze odẹ́vọ̀ lẹ do to tòhomẹ-liho etọn lẹ ji. Yemẹpo wẹ to avihàndo to họta po tòplitẹn yetọn lẹ po; Yé nọ jẹte po avi po.+   Hẹṣbọni po Eleale+ po to awhádo; Ogbè yetọn yin sisè kaka yì Jahazi.+ Enẹ wẹ zọ́n bọ awhànfuntọ Moabi tọn lẹ do to awhádo mapote. Ewọ* to sisọsisọ.   Ahun ṣie nọ dawhá na Moabi tọn wutu. Omẹ etọn he họ̀ngán lẹ ko họnyi kaka Zoali+ po Eglati-ṣeliṣiya+ po. Yé to avivi dile yé hẹji jei agawaji Luhiti tọn; Yé to awhádo na nugbajẹmẹji lọ wutu dile yé to aliji jei Holonaimi.+   Na osin Nimlimi tọn lẹ ko hú pete; Ogbé-mú lẹ ko hú, Ogbé lẹ ko busẹ bọ amamú depope ma pò.   Enẹwutu wẹ yé do to nuhe pò to agbànhọ po adọkunnu yetọn lẹ po mẹ bẹ sọyi; Yé to agbàdo* he mẹ atin pọpila tọn lẹ te dasá.   Na awhágbe lọ gbàpe gbọn aigba Moabi tọn lẹpo ji.+ Avihàn lọ yin sisè kaka yì Eglaimi; Avihàn lọ sọ yin sisè kaka yì Beẹli-elimi.   Na osin Dimọni tọn lẹ gọ́ na ohùn, Yẹn sọ tindo nususu to sẹdotẹnmẹ na Dimọni: Yèdọ kinnikinni de na omẹ Moabi tọn he họ̀ngán lẹ Podọ na mẹhe gbẹ́ pò to aigba lọ ji lẹ.+

Nudọnamẹ Odò Tọn

Kavi “Tẹmpli.”
Kavi “Alindọn etọn.”
Kavi “agbàdo tọ̀sisa tọn.” Pọ́n Zẹm.