Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Isaia 14:1-32

NUHE E BẸHẸN LẸ

  • Islaeli na nọ aigba etọn titi ji (1, 2)

  • Mẹṣanko sọta ahọlu Babilọni tọn (3-23)

    • Mẹhe to sisẹ́ lọ na flẹ jai sọn olọn (12)

  • Jehovah na gídí Asilianu lọ (24-27)

  • Whẹdida sọta Filisti (28-32)

14  Na Jehovah na do lẹblanu hia Jakọbu,+ ewọ nasọ vọ́ Islaeli de.+ E na hẹn yé wá* aigba yetọn ji,+ bọ mẹhe to jonọ-gbéji lẹ na wá kọnawudopọ hẹ yé bo na dogbẹ́ hẹ whédo Jakọbu tọn pẹkipẹki.+  Omẹ akọta devo lẹ tọn nasọ plan yé bo hẹn yé wá nọtẹn yetọn titi, podọ yé na lẹzun nutindo de na whédo Islaeli tọn taidi devisunnu po deviyọnnu po+ to aigba Jehovah tọn ji; yewlẹ nasọ hẹn mẹhe wle yé yì kanlinmọgbenu dai lẹ zun kanlinmọ, podọ yé na hẹn mẹhe nọ hẹn yé gánnugánnu nado wazọ́n dai* lẹ zun mẹmẹglọ.  To azán enẹ gbè, to whenue Jehovah na ko na we gbọjẹ sọn awufiẹsa, bẹwlu po oyà kanlinmọgbenu ninọ tọn po mẹ godo,+  hiẹ na dọ ohó milomilo mẹṣanko tọn ehe sọta ahọlu Babilọni tọn: “Mì pọ́n lehe mẹhe nọ hẹnmẹ gánnugánnu nado wazọ́n* ko wá vivọnu do! Lehe kọgbidinamẹ ko doalọte do!+   Jehovah ko wẹ́n opò mẹylankan lẹ tọn,Yèdọ aglọpò gandutọ lẹ tọn,+   Mẹhe yí adi do to nuli gbẹtọ lẹ madoalọte,+Mẹhe yí homẹgble do to akọta lẹ hẹn zun mẹmẹglọ bo to homẹkẹndo yé mapote.+   Todin, aigba pete ko gbọjẹ bo vò sọn tukla mẹ. Gbẹtọ lẹ yí ayajẹ do to awhádo.+   Atin junipeli tọn lẹ lọsu tlẹ jaya do ji we,Gọna kedali Lẹbanọni tọn lẹ. Yé dọ dọ, ‘Sọn whenue gbọ́n hiẹ ko jai,Atin-sántọ de ma ko hẹji wá mí dè.’   Yọdò* he to odò dọ́n lọsu tlẹ hozínNado wá pé we to whenue a wá. Na hiẹ tọn wutu, e fọ́n mẹhe ko lẹzun madogánnọ to okú mẹ lẹ,Yèdọ nukọntọ* he nọ gbidikọnamẹ to aigba ji dai lẹpo. E hẹn ahọlu akọta lẹ tọn lẹpo fọ́n sọn ofìn yetọn lẹ ji. 10  Yemẹpo wẹ dọho bo dọna we dọ,‘Hiẹ lọsu ko lẹzun madogánnọ taidi míwlẹ wẹ ya? A ko lẹzun mílọsu lẹ nkọ wẹ ya? 11  Goyiyi towe ko yin hinhẹnwa odò biọ Yọdò* mẹ,Gọna nudidọ hànjinu okànnọ towe lẹ tọn.+ Owé lẹ ko tẹ́ yede do oglọ na we di adọzan,Podọ owán lẹ wẹ yin avọ̀ ṣinṣinyọn towe.’ 12  Pọ́n lehe hiẹ ko flẹ jai sọn olọn mẹ do,Hiẹ sunwhlẹvu he nọ to sisẹ́, yèdọ visunnu afọnnu fuu tọn E! Pọ́n lehe hiẹ ko yin sinsánsẹ hlan aigba ji do,Hiẹ he nọ gbawhàn akọta lẹ tọn dai!+ 13  Hiẹ dọ to ahun towe mẹ dọ, ‘Yẹn na hẹji yì olọn mẹ.+ Yẹn na ze ofìn ṣie daga hú sunwhlẹvu Jiwheyẹwhe tọn lẹ,+Yẹn nasọ sinai to osó opli tọn lọ ji,To awà agewaji tọn he dẹn hugan lẹ ji.+ 14  Yẹn na hẹji yì aslọ lẹ ji aga;Yẹn na hẹn dee nado taidi Gigogán lọ.’ 15  Kakatimọ, hiẹ na yin hinhẹnwa odò biọ Yọdò* mẹ,Yèdọ yì adà odò lọ tọn he siso hugan lẹ mẹ. 16  Mẹhe mọ we lẹ na bọnukundona we;Yé na pọ́n we tlintlin, bo na dọ dọ,‘Be e ma yin dawe lọ he nọ whàn aigba die,Mẹhe nọ hẹn ahọluduta lẹ sisọ,+ 17  Mẹhe nọ hẹn aigba fininọ lẹ nado taidi danfafaBo nọ zìn tòdaho etọn lẹ dai,+Mẹhe ma nọ dike gàntọ etọn lẹ ni lẹkọyi whé?’+ 18  Ahọlu akọta lẹ tọn he pò lẹpo,Mọwẹ, yemẹpo wẹ mlọnai to gigo mẹ,Yèdọ mẹdopodopo to yọdò* etọn titi mẹ. 19  Ṣigba, hiẹ yin zizedlan matin yọdò,Taidi alà he yin osùnú de,Bo yin lilẹdo pé gbọn mẹhe yè sọ́ ohí bo hù lẹ dali,Mẹhe jẹte yì odò he gọ́ na zannu de mẹ,Taidi oṣiọ he ji yè tùnafọ de. 20  Hiẹ ma na yì kọnawudopọ hẹ yé to yọdò mẹ,Na hiẹ ko hù aigba towe titi sudo,Hiẹ hù omẹ towe titi lẹ. Oyín kúnkan ylanwatọ lẹ tọn ma nasọ yin yiylọ gbede ba. 21  Mì wleawu hùhùtẹn de tọn dai na visunnu etọn lẹNa whẹhuhu tọgbo yetọn lẹ tọn wutu,Na yé nikaa wá fọ́n bo yí aigbaBosọ wá hẹn aigba lọ gọ́ na tòdaho yetọn lẹ.” 22  “Yẹn na fọ́n do yé ji,”+ wẹ Jehovah awhànpa lẹ tọn dọ. “Yẹn nasọ súnsún oyín, pipotọ, kúnkan po ovivi lẹ po sẹ̀ sọn Babilọni,”+ wẹ Jehovah dọ. 23  “Yẹn nasọ hẹn Babilọni zun nutindo ajinján lẹ tọn podọ agbegbe he gọ́ na tándo lẹ, yẹn nasọ yí akiza vasudo tọn do zà ẹ,”+ wẹ Jehovah awhànpa lẹ tọn dọ. 24  Jehovah awhànpa lẹ tọn ko whlé dọmọ: “Kẹdẹdile yẹn ko lẹn do, mọ wẹ e na jọ do,Podọ kẹdẹdile yẹn ko basi nudide etọn do, mọ wẹ e na yin hinhẹndi do. 25  Yẹn na gídí Asilianu lọ sọn aigba ṣie ji,Yẹn nasọ tùnafọ e ji to osó ṣie lẹ ji.+ Zẹgẹ etọn na yin didesẹ sọn yé ji,Podọ agbàn etọn na yin didesẹ sọn abọ́ yetọn ji.”+ 26  Nudide he ko yin bibasi* sọta aigba lẹpo niyẹn,Podọ alọ he ko yin dindlẹn jẹgbonu sọta* akọta lẹpo niyẹn. 27  Na Jehovah awhànpa lẹ tọn ko basi nudide etọn,Mẹnu wẹ sọgan diọ ẹ?+ Alọ etọn ko yin dindlẹn jẹgbonu,Mẹnu wẹ sọgan há ẹ?+ 28  To owhe he mẹ Ahọlu Ahazi kú te,+ nulila ehe yin bibasi: 29  “A jaya blo, Filisti, mẹdepope to hiẹ mẹ ni ma jaya,Na aglọpò mẹhe to nuli we tọn ko yin winwẹ́n wutu blo. Na adọ̀ odàn lọ tọn+ mẹ wẹ odàn adínọ de+ na tọ́njẹgbonu sọn,Podọ kúnkan etọn na yin odàn miyọ́nnọ he nọ zlọn* de. 30  To whenue plọnji agbátọnọ tọn na dùnú gọ́hoBọ wamọnọ na mlọnai to hihọ́ mẹ,Yẹn na yí huvẹ do hù adọ̀ towe,Podọ nudepope he pòai na we na yin hùhù.+ 31  Hiẹ họngbo E, doavihàn! Dawhá jẹgbonu, hiẹ tòdaho E! Ahun mìmẹpo tọn wẹ na gbàdo, hiẹ Filisti E! Na azọ̀ de to tìtì ja sọn agewaji,Podọ mẹde ma na klan ede sọn awhànpa etọn lẹ go.” 32  Gblọndo tẹwẹ yé na na wẹnsagun akọta lọ tọn lẹ? Dọ Jehovah ko ze dodonu Ziọni tọn dai,+Bọ agbátọnọ he to omẹ etọn lẹ ṣẹnṣẹn na dín fibẹtado to e mẹ.

Nudọnamẹ Odò Tọn

Kavi “na na yé gbọjẹ to.”
Kavi “na hẹn azọ́ngán yetọn.”
Kavi “lehe azọ́ngán lọ.”
Kavi “Ṣeol,” enẹ wẹ, yọdò paa gbẹtọvi lẹ tọn. Pọ́n Zẹm.
To paa mẹ, “gbọgbọẹ asu.”
Kavi “Ṣeol,” enẹ wẹ, yọdò paa gbẹtọvi lẹ tọn. Pọ́n Zẹm.
Kavi “Ṣeol,” enẹ wẹ, yọdò paa gbẹtọvi lẹ tọn. Pọ́n Zẹm.
To paa mẹ, “ohọ̀.”
To paa mẹ, “Ayinamẹ he ko yin nina.”
Kavi “he ko wleawufo nado linú.”
Kavi “odàn adínọ he nọ to zinzlọn pé.”