Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Isaia 13:1-22

NUHE E BẸHẸN LẸ

  • Whẹdida sọta Babilọni (1-22)

    • Azán Jehovah tọn ko sẹpọ! (6)

    • Medianu lẹ na duto Babilọni ji (17)

    • Yè ma na nọ Babilọni gbede ba (20)

13  Whẹdida de he Isaia+ visunnu Amọzi tọn mọ to numimọ mẹ sọta Babilọni:+   “Mì ze ohia*+ de daga to osó de he gọ́ na osé lẹ ji. Mì dawhá ylọ yé, mì mìalọ mìtọn, Na yé nido wá biọ họngbo omẹ nukundeji lẹ tọn mẹ.   N’ko degbena mẹhe n’de* lẹ.+ N’ko ylọ awhànfuntọ ṣie lẹ nado do homẹgble ṣie hia, Yèdọ omẹ ṣie he nọ yí awagundido do jẹaglin lẹ.   Mì doto! Gbẹtọgun de to osó lẹ ji; Awhá lọ taidi gbẹtọ susu tọn! Mì doto! Zingidi ahọluduta lẹ tọn, Yèdọ akọta he ko yin bibẹpli lẹ tọn!+ Jehovah awhànpa lẹ tọn wẹ to awuwlena awhànpa lọ na awhàn.+   Yé ja sọn otò dindẹn de mẹ,+ Sọn opodo olọn lẹ tọn, Yèdọ Jehovah po awhànfunnu homẹgble etọn tọn lẹ po, Nado hẹn husudo wá aigba lẹpo ji.+   Mì doavihàn, na azán Jehovah tọn ko sẹpọ! E na wá taidi vasudo de sọn Ganhunupotọ lọ dè.+   Enẹwutu wẹ alọ lẹpo na kuyẹ̀, Bọ ahun gbẹtọ lẹpo tọn na gbàdo.+   Obu jẹ gbẹtọ lẹ ji.+ Yé to sisọsisọ bo to awufiẹsa mẹ Taidi yọnnu he to ajipanu. Yé to budi bo to ode awetọ pọ́n, Bọ nukunmẹ yetọn lẹ gọ́ na awufiẹsa.   Pọ́n! Azán Jehovah tọn to dindọnsẹpọ, Yèdọ azán kanyinylan tọn he gọ́ na adi po homẹgble sinsinyẹn po, Nado hẹn aigba lọ zun nudobu,+ Podọ nado sukúndona ylandonọ he to aigba lọ ji lẹ. 10  Na sunwhlẹvu olọn tọn lẹ po pipli yetọn lẹ po*+ Ma na de hinhọ́n yetọn hia; Owhè na dozinvlu to ojlẹ he mẹ e nọ zẹ̀, Bọ osun ma na tá hinhọ́n etọn. 11  Yẹn na hẹn aigba nado dogbè ylanwiwa etọn tọn,+ Podọ mẹylankan lẹ nado dogbè nuṣiwa yetọn tọn. Yẹn na hẹn goyiyi saklanọ lẹ tọn wá opodo, Bo na whiwhẹ sakla kọgbidinamẹtọ lẹ tọn.+ 12  Yẹn na hẹn gbẹtọ tata vẹ́ mimọ hú sika kinkọ̀n,+ Podọ gbẹtọvi na vẹ́ mimọ hú sika Ofili tọn.+ 13  Enẹwutu wẹ yẹn na hẹn olọn lẹ nado sisọ, Bọ aigba na yin whinwhàn sẹ̀ sọn otẹn etọn mẹ+ Na adi Jehovah awhànpa lẹ tọn wutu, to azán homẹgble sinsinyẹn etọn tọn gbè. 14  Kẹdẹdi otẹgbọẹ he yè yangbé etọn, podọ kẹdẹdi lẹngbọpa de he ma tindo lẹngbọhọtọ de, Mẹdopodopo na lẹkọyi omẹ etọn titi lẹ dè; Mẹdopodopo na họnyi aigba etọn titi ji.+ 15  Mẹdepope he yin mimọ wẹ yè na sọnú luntọ́n, Podọ mẹdepope he yin wiwle na jai gbọn ohí dali.+ 16  Yè na gídí ovi yetọn lẹ to nukun yetọn lẹ mẹ,+ Nutindo he to owhé yetọn lẹ gbè na yin finfin, Bọ asi yetọn lẹ na yin zinzanhẹ gánnugánnu. 17  Todin, yẹn to Medianu lẹ fọ́n do yé ji,+ Yèdọ mẹhe ma nọ yí fataka do mọ nude Bo masọ nọ tindo homẹhunhun depope to sika mẹ. 18  Ogá yetọn lẹ na vúnvún dẹpẹ lẹ;+ Yé ma na wàlẹblanuna sinsẹ́n adọ̀mẹ tọn Kavi wàlẹblanuna ovi lẹ. 19  Podọ Babilọni, he yin gigonọ hugan to ahọluduta lẹ mẹ,*+ Yèdọ gigo po yẹyi Kaldeanu lẹ tọn po,+ Na wá taidi Sodọmi po Gomọla po to whenue Jiwheyẹwhe và yé sudo.+ 20  Mẹdepope ma nasọ nọ nọ̀ e mẹ gbede ba, Mọjanwẹ e ma na yin fininọ de do niyẹn, sọn whẹndo de mẹ jẹ devo mẹ.+ Alabianu depope ma na pẹ́n gòhọ etọn do finẹ, Podọ lẹngbọhọtọ depope ma na hẹn lẹngbọpa etọn nado wá gbọjẹ to finẹ. 21  Gbekanlin danfafa ji tọn lẹ wẹ na nọ mlọn finẹ; Owhé yetọn lẹ na gọ́ na ajankusu lẹ. Ogongo lẹ na nọ nọ̀ finẹ,+ Bọ gbọgbọẹ gbémẹ tọn* lẹ na nọ to linlọ́n pé to finẹ. 22  Gbekanlin he nọ dawhá lẹ wẹ na to awhádo to atọ̀họ̀ etọn lẹ mẹ, Podọ avún gbémẹ tọn lẹ to họ̀nmẹ whanpẹnọ etọn lẹ. Ojlẹ etọn ko dọnsẹpọ podọ azán etọn lẹ ma na yin sisẹ̀ do nukọn.”+

Nudọnamẹ Odò Tọn

Kavi “opò ohia tọn.”
To paa mẹ, “omẹ ṣie he ko yin kinklandowiwe.”
To paa mẹ, “po Kesili yetọn lẹ po,” vlavo ehe to alọdlẹndo Oliọni po pipli sunwhlẹvu lẹ tọn he lẹdo e pé lẹ po.
Kavi “he yin whanpẹ ahọluduta lẹ tọn.”
Kavi vlavo, “aovi he taidi gbọgbọẹ.”