Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Isaia 12:1-6

NUHE E BẸHẸN LẸ

  • Ohàn pẹdido tọn (1-6)

    • “Jah Jehovah wẹ huhlọn ṣie” (2)

12  Matin ayihaawe, hiẹ na dọ to azán enẹ gbè dọmọ: “N’dopẹna we, Jehovah E, Na dile etlẹ yindọ hiẹ gblehomẹ do go e, Homẹgble towe depò vudevude bọ a wá miọnhomẹna mi.+   Pọ́n! Jiwheyẹwhe wẹ whlẹngán ṣie.+ Yẹn na deji bo ma na dibuna nudepope;+ Na Jah* Jehovah wẹ huhlọn ṣie po hlọnhlọn ṣie po, Ewọ ko sọ lẹzun whlẹngán ṣie.”+   Mìwlẹ na nọ yí ayajẹ do dọ̀n osin Sọn asisa whlẹngán tọn lẹ mẹ.+   Mì nasọ dọ to azán enẹ gbè dọmọ: “Mì nọ dopẹna Jehovah, bo nọ dawhá ylọ oyín etọn, Mì nọ hẹn azọ́n etọn lẹ zun yinyọnẹn to gbẹtọ lẹ ṣẹnṣẹn!+ Mì nọ lá dọ oyín etọn ko yin zizedaga.+   Mì jihàn pipà tọn lẹ hlan Jehovah,+ na ewọ ko wà nujiawu lẹ.+ Mì gbọ ehe ni yin hinhẹn zun yinyọnẹn to aigba lẹpo ji.   Mì ze ogbè daga bo yí ayajẹ do dawhá, mì mẹhe nọ nọ̀* Ziọni lẹ emi, Na kiklo wẹ Omẹ Wiwe Islaeli tọn lọ to ṣẹnṣẹn mìtọn.”

Nudọnamẹ Odò Tọn

“Jah” yin sándogli yinkọ lọ Jehovah tọn.
To paa mẹ, “mì yọnnu he nọ nọ̀,” ehe to alọdlẹndo tòmẹnu lọ lẹ to pọmẹ taidi yọnnu de.