Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Isaia 11:1-16

NUHE E BẸHẸN LẸ

  • Gandudu dodo alà Jẹsse tọn (1-10)

    • Ohla po lẹngbọvu po na nọpọ́ (6)

    • Oyọnẹn Jehovah tọn na gọ́ aigba (9)

  • Pipotọ de na gọwá (11-16)

11  Alà de+ na wujẹgbonu sọn dodonu Jẹsse tọn mẹ,+ Podọ alà he na tọ́nkun+ sọn adọ̀ etọn lẹ mẹ na de sinsẹ́n tọ́n.   Gbigbọ Jehovah tọn nasọ jẹ do e ji,+ Yèdọ gbigbọ nuyọnẹn+ po nukunnumọjẹnumẹ po tọn, Gbigbọ ayinamẹ po huhlọn po tọn,+ Gbigbọ oyọnẹn po budisi Jehovah po tọn.   Ewọ nasọ nọ mọ awuvivi to budisi Jehovah mẹ.+ E ma na nọ dawhẹ sọgbe hẹ awusọhia nukunta tọn, Kavi wọhẹmẹ to dodonu nuhe e sè poun lẹ tọn ji.+   E na nọ dawhẹ jijlọ* na agbátọnọ, E nasọ nọ yí dodowiwa do wọhẹmẹ do ota homẹmimiọnnọ aigba ji tọn lẹ tọn mẹ. E na yí opò he to onù etọn mẹ do linú aigba+ Bosọ yí gbigbọ nùflo etọn lẹ ji tọn do hù mẹylankan lẹ.+   Dodowiwa wẹ na yin gbànnú he e na sìn do alinkàn, Podọ nugbonọ-yinyin wẹ na yin gbànnú adàja etọn mẹ tọn.+   Ohla na nọ nọpọ́ hẹ lẹngbọvu na ojlẹ de,+ Podọ opọ̀ na nọ mlọnai dopọ hẹ gbọgbọẹvu, Oyìnvu po kinnikinni* po gọna kanlin dojó lẹ nasọ nọ nọpọ́;*+ Bọ yọpọ sunnu de na nọ deanana yé.   Oyìnsi po beali po na nọ dùnú dopọ, Bọ ovi yetọn lẹ na nọ mlọnai dopọ. Kinnikinni na nọ dù ogbé di oyìnsú.+   Ovi he to anọ́nù na nọ daihun to odò lopa tọn ji, Podọ ovi he yè ko deanọ́na na nọ ze alọ etọn do odò odàn adínọ de tọn nù.   Yé ma na nọ gbleawunamẹ paali+ Kavi hẹn husudo depope wá to osó wiwe ṣie pete ji,+ Na e họnwun dọ aigba na gọ́ na oyọnẹn Jehovah tọn Dile osin ṣinyọ́n ohù ji do.+ 10  To azán enẹ gbè, adọ̀ Jẹsse tọn+ na fọnṣite taidi ohia* de na gbẹtọ lẹ.+ Ewọ dè wẹ akọta lẹ na nọ lẹhlan na anademẹ,*+ Podọ gbọjẹtẹn etọn na lẹzun gigonọ. 11  To azán enẹ gbè, Jehovah na vọ́ alọ etọn dlẹn, yèdọ whla awetọ, nado bẹ pipotọ omẹ etọn he pò lẹ tọn pli sọn Asilia,+ Egipti,+ Patlosi,+ Kuṣi,+ Elami,+ Ṣinali,* Hamati, podọ sọn lopo ohù tọn lẹ ji.+ 12  Ewọ na ze ohia* de daga na akọta lẹ bo na bẹ omẹ Islaeli tọn he ko vúnvún pé lẹ pli,+ e nasọ bẹ omẹ Juda tọn he ko gbàpe lẹ pli sọn agosu ẹnẹ aigba tọn lẹ mẹ.+ 13  Awuwhàn Eflaimi tọn na doalọte,+ Podọ mẹhe to hùnylan do Juda go lẹ na yin didesẹ sọn aimẹ. Eflaimi ma na nọ whànwu Juda ba, Mọjanwẹ Juda ma na nọ ylanhùn do Eflaimi go do niyẹn.+ 14  Yé na dlí wá dòdòmẹ* Filistinu lẹ tọn to whèyihọ; Yé na nọpọ́ do bẹ ogblànnu mẹhe to Whèzẹtẹn-waji lẹ tọn. Yé na dlẹnalọ yetọn sọta* Edomi+ po Moabi+ po, Bọ Amọninu lẹ na lẹzun mẹmẹglọ na yé.+ 15  Jehovah na má zẹklan* ohù Egipti tọn*+ Bo na mìmì alọ etọn hlan Tọ̀sisa* lọ ji.+ E na yí gbọfufu* miyọ́nawu etọn do linú* agbàdo ṣinawe etọn lẹ, Bo nasọ hẹn gbẹtọ lẹ nado zinzọnlin gbọn e mẹ po afọpa yetọn lẹ po to afọ. 16  Alihogbó de+ nasọ tin sọn Asilia na pipotọ omẹ etọn he pò lẹ tọn,+ Dile e te do na Islaeli to azán he gbè yé tọ́njẹgbonu sọn aigba Egipti tọn ji.

Nudọnamẹ Odò Tọn

Kavi “dawhẹ dodo.”
Kavi “kinnikinni winyanwinyan.”
Kavi vlavo, “Oyìnvu po kinnikinni po nasọ nọ dùnú dopọ.”
Kavi “opò ohia tọn.”
Kavi “Akọta lẹ na nọ dín ewọ.”
Enẹ wẹ, Babilọnia.
Kavi “opò ohia tọn.”
To paa mẹ, “abọ́.”
Kavi “na dlẹnkanna huhlọn yetọn do.”
To paa mẹ, “odẹ́.”
Kavi vlavo, “na hẹn zẹklan ohù Egipti tọn hú pete.”
Enẹ wẹ, Euflate.
Kavi “gbigbọ.”
Kavi vlavo, “do linú in nado lẹzun.”