Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Isaia 1:1-31

NUHE E BẸHẸN LẸ

  • Otọ́ po ovi etọn atẹṣitọ lẹ po (1-9)

  • Jehovah gbẹwanna sinsẹ̀n-bibasi mọmọ tọn (10-17)

  • “Mì wá na mí ni dọwhẹgbọ” (18-20)

  • Ziọni na yin hinhẹngọwa (21-31)

1  Numimọ he Isaia*+ visunnu Amọzi tọn mọ gando Juda po Jelusalẹm po go to azán Uzia,+ Jotami,+ Ahazi+ po Hẹzekia+ po tọn lẹ gbè, yèdọ ahọlu Juda tọn lẹ:+   Mì olọn lẹ emi, mì dotoai, podọ hiẹ aigba E, doayi e go,+ Na Jehovah ko dọho dọmọ: “Yẹn ko pọ́n visunnu lẹ go whẹ́n bo plọn yé,+ Ṣigba, yé wá fọngu do ji e.+   Oyìnsú nọ yọ́n mẹhe họ̀ ẹ hezeheze, Podọ kẹtẹkẹtẹ nọ yọ́n otò he mẹ klunọ etọn nọ na ẹn núdùdù do; Ṣigba, Islaeli ma yọ́n mi,*+ Omẹ ṣie titi lẹ ma nọ yinuwa po nukunnumọjẹnumẹ po.”   “Dindọn hlan akọta ylandonọ lọ,+ Yèdọ mẹhe nuṣiwa yetọn lẹ ko pẹnagbàn, Okún mẹylankan lẹ tọn, ovi he ko gblezọn lẹ! Yé ko gbẹ́ Jehovah dai;+ Yé ko yinuwa hẹ Omẹ Wiwe Islaeli tọn lọ po mẹmasi po; Yé ko dogodo e.   Fidevo tẹwẹ yè na linú mì do todin he mì ko yidogọna atẹṣiṣi mìtọn?+ Ota mìtọn pete wẹ to azọ̀njẹ, Ahun mìtọn blebu sọ yin awutunọ.+   Sọn afọpahomẹ kaka yì ota, fidepope ma pò to gángán. Apà, awugble po agàdá lẹ po kẹdẹ wẹ —Yé ma ko yin nukunpedego* kavi yin biblá kavi yin amisana.+   Aigba mìtọn ko jẹvọ́. Tòdaho mìtọn lẹ ko yin mimẹ̀ po miyọ́n po. Jonọ lẹ to aigba mìtọn dù sudo to nukun mítọn mẹ tlọlọ.+ E wá taidi aigba gbọgbé de he jonọ lẹ ko gbawhàn etọn.+   Viyọnnu Ziọni tọn ko yin jijodai taidi avàtẹn* de to vẹngle mẹ, Taidi azava de to ogle kukumbeli tọn mẹ, Taidi tòdaho de he yè dosla lẹdo.+   Eyin Jehovah awhànpa lẹ tọn ma ko hẹn vude to mí mẹ nado luntọ́n wẹ, Mí na ko lẹzun Sodọmi nkọ, Bo na ko sọ taidi Gomọla.+ 10  Mì aṣẹglanglan-panamẹtọ* Sodọmi tọn lẹ emi, mì sè ohó Jehovah tọn.+ Mì omẹ Gomọla tọn lẹ emi, mì doayi osẹ́n* Jiwheyẹwhe mítọn tọn go.+ 11  “Ale tẹwẹ avọ́sinsan susugege mìtọn lẹ nọ hẹnwa na mi?”+ wẹ Jehovah dọ. “Avọ́nunina mimẹ̀ agbò tọn mìtọn lẹ+ po ojó kanlin dojó mìtọn lẹ tọn po+ ko ṣikọna mi, Podọ n’ma nọ tindo homẹhunhun depope to ohùn+ oyìnsú winyanwinyan,+ lẹngbọvu po gbọgbọẹvu lẹ po+ tọn mẹ. 12  To whenue mìwlẹ wá nado sọawuhia to nukọn ṣie,+ Mẹnu wẹ biọ ehe to mì si, Yèdọ nado nọ tùnafọ awánu ṣie lẹ ji?+ 13  Mì sọ hẹn avọ́nunina jinukun-lili tọn ovọ́ depope wá ba blo. Osùnú de wẹ nuyọnwan mìtọn yin na mi.+ Osun yọyọ,+ gbọjẹzan+ po tito plidopọ tọn lẹ+ po —N’ma sọgan doakọnna nujijlẹ+ mìtọn lẹ to pọmẹ hẹ opli vonọtaun mìtọn lẹ. 14  N’gbẹwanna* osun yọyọ mìtọn lẹ po hùnwhẹ mìtọn lẹ po. Yé ko lẹzun agbàn pinpẹn de na mi; Agbọ́ yetọn ko pé mi. 15  Podọ eyin mì kẹ̀ alọpahomẹ mìtọn lẹ, N’nọ whlá nukunmẹ ṣie do mì.+ Dile etlẹ yindọ mì nọ hodẹ̀ susu,+ N’ma nọ dotoai;+ Alọ mìtọn lẹ ko gọ́ na ohùn.+ 16  Mì klọ́ mìde wé bo hẹn mìde zun wiwe;+ Mì de walọ ylankan mìtọn lẹ sẹ̀ sọn nukọn ṣie; Mì doalọtena ylanwiwa.+ 17  Mì plọn nado nọ wà dagbe bo nọ dín whẹdida dodo,+ Mì nọ gbẹnuna kọgbidinamẹtọ, Bo nọ yiavùnlọna jlọjẹ tọṣiọvi tọn lẹ, Bosọ nọ yí owhẹ̀ asuṣiọsi tọn dọ.”+ 18  “Todin, mì wá na mí ni dọwhẹgbọ to míde ṣẹnṣẹn,” wẹ Jehovah dọ.+ “Dile etlẹ yindọ ylando mìtọn lẹ divẹẹ ṣẹ́ṣẹ́, Yé na yin hinhẹn zun wewe di osin-agó;+ Dile etlẹ yindọ yé bia di ahóvọ̀, Yé na wé di sekanfun. 19  Eyin mìwlẹ do ojlo hia bo dotoai, Mì na dù sọn nudagbe aigba lọ tọn lẹ mẹ.+ 20  Ṣigba, eyin mìwlẹ gbẹ́ bo ṣiatẹ, Mì na yin huhusudo gbọn ohí dali,+ Na onù Jehovah tọn wẹ dọ ẹ.” 21  Lehe tòdaho nugbonọ lọ+ wá lẹzun galọtọ do sọ!+ To ojlẹ de mẹ wayi, e gọ́ na whẹdida dodo;+ Bọ dodowiwa hẹnai to e mẹ,+ Ṣigba, todin hlọnhutọ lẹ kẹdẹ wẹ gọ́ e mẹ.+ 22  Fataka towe ko lẹzun ahaya tata,+ Bọ bia-hàn* towe yin fuflusọ po osin po. 23  Ahọvi towe lẹ nọ sinyẹnta bo nọ dogbẹ́ hẹ ajotọ lẹ.+ Dopodopo yetọn wẹ yiwanna alọgodo-kuẹ bo nọ to wezunhọ̀n to nunina lẹ godo.+ Yé ma nọ dawhẹ dodo na tọṣiọvi, Podọ owhẹ̀ asuṣiọsi tọn ma nọ wá nukọn yetọn gbede.+ 24  Enẹwutu, Oklunọ nugbo lọ, Jehovah awhànpa lẹ tọn, Yèdọ Omẹ Huhlọnnọ Islaeli tọn lọ dọmọ: “Ẹn hẹn! Yẹn na de agọjẹdomẹtọ ṣie lẹ sẹ̀, Bo na yiahọsu to kẹntọ ṣie lẹ go.+ 25  Yẹn na lilẹ́ alọ ṣie sọta we, N’na yọ́ ahaya towe wayi petepete, Bo na de dihó towe lẹpo sẹ̀.+ 26  Yẹn na hẹn whẹdatọ towe lẹ gọwá taidi to bẹjẹeji Podọ ayinamẹtọ towe lẹ taidi to tintan whenu.+ Enẹgodo, hiẹ na nọ yin yiylọdọ Tòdaho Dodowiwa tọn, Tòpẹvi Nugbonọ.+ 27  Ziọni na yin fifligọ gbọn whẹdida dodo dali,+ Podọ omẹ etọn he lẹkọ lẹ, gbọn dodowiwa dali. 28  Atẹṣitọ lẹ po ylandonọ lẹ po na yin sinsánsẹ dopọ,+ Bọ mẹhe to Jehovah gbẹdai lẹ na yin vivasudo.+ 29  Na winyan na hù yé, na atin huhlọnnọ he mì tindo ojlo na lẹ wutu,+ Mì nasọ duwinyan, na jipa* he mì ko de lẹ wutu.+ 30  Na mì na wá taidi atin daho de he amà etọn lẹ to húhú,+ Podọ taidi jipa de he ba osin pò. 31  Sunnu huhlọnnọ na wá taidi sekan tata, Bọ azọ́n etọn na taidi miyọ́n he to jiji; Yé omẹ awe lẹ na fiọ dopọ, Bọ mẹdepope ma na tin nado ṣí miyọ́n lọ.”

Nudọnamẹ Odò Tọn

Zẹẹmẹdo “Whlẹngán Jehovah Tọn.”
Kavi “klunọ etọn.”
To paa mẹ, “finfinyọ́n jẹgbonu.”
Kavi “azava.”
Kavi “gandutọ.”
Kavi “anademẹ.”
Kavi “Alindọn ṣie gbẹwanna.”
Kavi “bia-hàn likun tọn.”
Ehe na ko to alọdlẹndo atin lẹ po jipa lẹ po he tindo kanṣiṣa hẹ boṣiọ-sinsẹ̀n.