Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Hosea 8:1-14

NUHE E BẸHẸN LẸ

  • Kọdetọn boṣiọ-sinsẹ̀n tọn lẹ (1-14)

    • Yè do jẹhọn bo gbẹ̀n yujẹhọn (7)

    • Islaeli ko wọn Basitọ etọn (14)

8  “Ze azò de do onù!+ Mẹde ja taidi akùn de nado yinuwa sọta ohọ̀ Jehovah tọn,+ Na yé ko gbà alẹnu ṣie+ bo ko tùnafọ osẹ́n ṣie ji.+   Yé nọ to awhádo hlan mi dọ, ‘Jiwheyẹwhe mítọn E, míwlẹ he yin Islaelivi lẹ yọ́n we!’+   Islaeli ko gbẹ́ nuhe yin dagbe dai.+ Gbọ kẹntọ de ni dómọna ẹn.   Yé ko de ahọlu lẹ, ṣigba e ma yin gbọn yẹn gblamẹ. Yé ko de ahọvi lẹ, ṣigba yẹn ma kẹalọyi yé. Yé ko yí fataka po sika yetọn lẹ po do basi boṣiọ lẹ,+ Na vasudo yedetiti tọn.+   Samalia E, oyìnvu towe ko yin gbigbẹdai.+ Homẹgble ṣie fọ́n do yé ji.+ Nawẹ e na dẹnsọ bọ yé na to awugbopo nado klọ́ yede wé?   Na Islaeli dè wẹ ehe wá sọn. Anazọ́nwatọ de wẹ basi i, e ma yin Jiwheyẹwhe; Oyìnvu Samalia tọn na yin gbigbà hányán.   Na jẹhọn do wẹ yé te, Podọ yujẹhọn wẹ yé na gbẹ̀n.+ Getin depope ma nọ sẹ́n jinukun bibia;*+ Nudepope he tọ́nkun ma nọ de linfin tọ́n. Eyin depope sẹ́n janwẹ, be jonọ lẹ wẹ na ze e mì.+   Islaeli na yin zize mì.+ Todin, yé na tin to akọta lẹ ṣẹnṣẹn,+ Taidi núzinzan he ma yọ́n-na-yizan de.   Na yé ko hẹji yì Asilia dè,+ taidi kẹtẹkẹtẹ gbémẹ tọn he to ṣokẹdẹ de. Eflaimi ko haya galọtọ lẹ nado yiwanna.+ 10  Dile etlẹ yindọ akọta lẹ mẹ wẹ yé haya yé sọn, Yẹn na bẹ yé pli dopọ; Yé nasọ jẹ yaji ji,+ na agbàn pinpẹn he ahọlu po ahọvi lẹ po do dó yé ji wutu. 11  Na Eflaimi ko hẹn agbà lẹ sudeji nado waylando.+ Yé ko lẹzun agbà etọn lẹ na ylando wiwà.+ 12  N’kàn nususu na ẹn sọn osẹ́n* ṣie mẹ, Ṣigba, yé yin pinpọnhlan taidi onú yọyọ de.+ 13  Yé nọ basi avọ́nunina lẹ hlan mi bo nọ dù olàn lọ lẹ, Ṣigba, Jehovah ma tindo homẹhunhun depope to yé mẹ.+ Todin, ewọ na flin nuṣiwa yetọn lẹ bo na sayana yé na ylando yetọn lẹ wutu.+ Yé ko lẹhlan* Egipti.+ 14  Islaeli ko wọn Basitọ etọn+ bo ko gbá tẹmpli lẹ,+ Podọ Juda ko hẹn tòdaho gángán lẹ sudeji.+ Ṣigba, yẹn na do miyọ́n hlan tòdaho etọn lẹ mẹ, Bọ e na fiọ atọ̀họ̀ dopodopo yetọn tọn lẹ.”+

Nudọnamẹ Odò Tọn

Kavi “he to ote.”
Kavi “anademẹ.”
Kavi vlavo, “lẹkọyi.”