Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Hosea 6:1-11

NUHE E BẸHẸN LẸ

  • Oylọ de nado lẹkọ do Jehovah dè (1-3)

  • Owanyi nugbo gbẹtọ lọ lẹ tọn nọ yawu busẹ (4-6)

    • Owanyi nugbo pọnte hú avọ́sinsan (6)

  • Walọ gbẹtọ lọ lẹ tọn huwinyan (7-11)

6  “Mì wá bo gbọ mí ni lẹkọ do Jehovah dè, Na e ko tlẹ́n mí do flinflin,+ ṣigba e na hẹnazọ̀ngbọna mí. E linú mí, ṣigba e na blá apà mítọn lẹ.   E na hẹn mí gọwá ogbẹ̀ to azán awe godo. E na fọ́n mí ṣite to azán atọ̀ntọ gbè, Bọ mí na nọgbẹ̀ to nukọn etọn.   Míwlẹ na yọnẹn, mí na yí ahundopo do dín nado yọ́n Jehovah. Taidi wunkinkẹn, e ma na nọma tọ́njẹgbonu; E na wá mí ji taidi jikun he to jijà, Yèdọ taidi jikun amakikọ-whenu tọn he nọ yọ̀n aigba.”   “Eflaimi E, etẹwẹ yẹn na wà na we? Juda E, etẹwẹ yẹn na wà na we? Na owanyi nugbo mìtọn taidi aslọ afọnnu tọn, Yèdọ taidi ahun he nọ yawu busẹ.   Enẹ wẹ zọ́n bọ yẹn na sán yé liai gbọn yẹwhegán lẹ gblamẹ;+ Yẹn na yí ohó onù ṣie mẹ tọn lẹ do hù yé.+ Whẹdida he na wá mì ji lẹ nasọ sẹ́ taidi hinhọ́n.+   Na owanyi nugbo* mẹ wẹ yẹn nọ tindo homẹhunhun te, e ma yin to avọ́sinsan mẹ, Podọ to oyọnẹn Jiwheyẹwhe tọn mẹ, kakati nido yin to avọ́nunina mimẹ̀ blebu lẹ mẹ.+   Ṣigba, yé ko gbà alẹnu ṣie taidi gbẹtọvi tata lẹ.+ Yé ko yí oklọ do yinuwa hẹ mi to finẹ.   Giliadi yin tòpẹvi ylanwatọ lẹ tọn de,+ He gọ́ na hùnsọndai.+   Pipli yẹwhenọ lẹ tọn taidi ogbẹ́ jaguda lẹ tọn he nọ tọ̀pọwu namẹ. Yé nọ hùmẹ to aliji to Ṣekẹmi,+ Na walọ yetọn huwinyan. 10  N’ko mọ nuhe hẹnmẹjọsi de to owhé Islaeli tọn gbè. Eflaimi nọ lọga to finẹ;+ Islaeli ko hẹn ede flu.+ 11  Podọ Juda E, ojijẹ de ko yin awú etọn wle dai na we, To whenue yẹn na vọ́ omẹ ṣie he yì kanlinmọgbenu lẹ bẹpli bo hẹn yé lẹkọ.”+

Nudọnamẹ Odò Tọn

Kavi “Na lẹblanu.”