Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Hosea 2:1-23

NUHE E BẸHẸN LẸ

  • Islaeli he ma yin nugbonọ yin yasana (1-13)

  • Hinhẹngọwa Jehovah dè taidi asu (14-23)

    • “Hiẹ na ylọ mi dọ asu Ṣie” (16)

2  “Mì dọna nọvisunnu mìtọn lẹ dọ, ‘Mìwlẹ wẹ omẹ ṣie lẹ!’*+ Podọ na nọviyọnnu mìtọn lẹ dọ, ‘Mìwlẹ wẹ yọnnu he lẹblanu yin didohia lẹ!’*+   Mì sawhẹdokọna onọ̀ mìtọn; mì sawhẹdokọna ẹn,Na ewọ ma yin asi ṣie,+ mọ yẹn ma yin asu etọn. Ewọ dona de galilọ* etọn sẹ̀ sọn ede goPodọ ayọdide etọn sọn akọ́n etọn nù,   Eyin e ma yinmọ, n’na de e jẹmẹ́ bo na hẹn ẹn nado tin taidi azán he gbè ewọ yin jiji,Bo na diọ ẹ zun danfafa de nkọ,Bo na hẹn ẹn zun aigba húhú,Bo nasọ hẹn ẹn nado kú na nugbla wutu.   Yẹn ma nasọ do lẹblanu hia visunnu etọn lẹ,Na ayọvi* lẹ wẹ yé.   Na onọ̀ yetọn ko lọga.*+ Mẹhe mọhò yetọn ko yinuwa po winyan po,+ na e dọ dọ,‘N’na hodo mẹhe tindo owanyi zogbe na mi lẹ,+Yèdọ mẹhe ko na mi akla po osin po,Awù kanlin-fún tọn lẹ po alavọ po, amì po ahàn po.’   Enẹwutu, n’na yí pákàn owùnnọ de do súali do we;Yẹn nasọ do adó zannu tọn de nado glọnalina ẹn,Bọ ewọ ma na penugo nado mọ ali etọn lẹ.   E na dómọna mẹhe tindo owanyi zogbe na ẹn lẹ, ṣigba e ma na plá yé;+Ewọ na dín yé, ṣigba e ma na mọ yé. Whenẹnu wẹ e na dọ dọ, ‘N’na lẹkọyi asu ṣie tintan dè,+Na ninọmẹ ṣie pọnte to ojlẹ enẹ mẹ hú lehe n’te do todin.’+   E masọ flindọ yẹn wẹ na ẹn jinukun,+ ovẹn yọyọ po amì po,Podọ yẹn wẹ na ẹn fataka susugegeGọna sika he yé ko yizan nado basi sinsẹ̀n hlan Baali.+   ‘Enẹwutu, yẹn na lẹkọ bo bẹ jinukun ṣie yì to ojlẹ etọn mẹPodọ ovẹn yọyọ ṣie to osaa etọn mẹ,+Yẹn nasọ hò awù kanlin-fún tọn gọna alavọ ṣie he e dona yí do ṣinyọ́n omẹ́ ede tọn yí. 10  Todin, yẹn na de e jẹmẹ́ pete to nukun mẹhe tindo owanyi zogbe na ẹn lẹ tọn mẹ,Mẹdepope ma nasọ whlẹn ẹn sọn alọ ṣie mẹ.+ 11  Yẹn na hẹn opodo wá na nuhe nọ hẹn ẹn jaya lẹpo,Yèdọ hùnwhẹ etọn lẹ,+ osun yọyọ etọn lẹ, gbọjẹzan etọn lẹ po opli vonọtaun etọn lẹpo po. 12  Yẹn nasọ hù vẹntin po ovòtin etọn lẹ po sudo, ehe go ewọ ko dọ gando dọmọ: “Onú ehelẹ wẹ ahọsumẹ ṣie, he mẹhe tindo owanyi zogbe na mi lẹ ko na mi”;Yẹn na diọ yé zun zungbo de,Bọ gbekanlin danji tọn lẹ na dù yé sudo. 13  Yẹn na hẹn ẹn nado dogbè azán he e yizan nado basi avọ́sinsan hlan boṣiọ Baali tọn lẹ tọn,+Whenue e nọ yí alọkẹ po aṣọ́donu lẹ po do doaṣọ́na ede bo nọ dómọna mẹhe tindo owanyi zogbe na ẹn lẹ,Bo nọ wọnji yẹn go,’+ wẹ Jehovah dọ. 14  ‘Enẹwutu, yẹn na diọlinlẹnna ẹn,Yẹn na plan ẹn yì danfafa ji,Yẹn nasọ dọho nado duto e ji. 15  Yẹn na gọ̀ vẹngle etọn lẹ jo na ẹn sọn ojlẹ enẹ mẹ sọyi,+Gọna Agbàdo Akọli tọn+ taidi họngbo todido tọn;Ewọ na nọ siọ mi to finẹ taidi to azán jọja whenu etọn tọn lẹ,Taidi to azán he gbè e tọ́njẹgbonu sọn aigba Egipti tọn ji.+ 16  Podọ to azán enẹ gbè,’ wẹ Jehovah dọ,‘Hiẹ na ylọ mi dọ asu Ṣie, hiẹ ma nasọ ylọ mi dọ klunọ Ṣie* ba.’ 17  ‘Yẹn ma na dike yé ni donù yinkọ boṣiọ Baali tọn lẹ tọn go,+Mọ yé ma nasọ flin oyín yetọn ba.+ 18  To azán enẹ gbè, yẹn na basi alẹnu de hẹ gbekanlin danji tọn lẹ do ota yetọn mẹ,+Podọ hẹ ohẹ̀ agahomẹ tọn lẹ po nuhe nọ lìn to aigba ji lẹ po;+Yẹn na de ogá, ohí po awhàn po sẹ̀ sọn aigba lọ ji,+Yẹn nasọ hẹn yé mlọnai to* hihọ́ mẹ.+ 19  Yẹn na dopà alọwle tọn na we kakadoi;Yẹn nasọ dopà alọwle tọn na we to dodowiwa po whẹdida dodo po mẹ,To owanyi nugbo po lẹblanu po mẹ.+ 20  Yẹn na dopà alọwle tọn na we to nugbonọ-yinyin mẹ,Bọ hiẹ nasọ yọnẹn dọ yẹn wẹ Jehovah nugbonugbo.’+ 21  ‘To azán enẹ gbè, yẹn na siọ,’ wẹ Jehovah dọ,‘Yẹn na hẹn pekọ wá na obiọ olọn tọn,Bọ ewọ na hẹn pekọ wá na obiọ aigba tọn;+ 22  Aigba nasọ hẹn pekọ wá na obiọ jinukun, ovẹn yọyọ po amì po tọn;Yé nasọ hẹn pekọ wá na obiọ Jezleẹli* tọn.+ 23  Yẹn na do e na dee taidi jinukun do aigba lọ ji,+Yẹn nasọ do lẹblanu hia ewọ mẹhe lẹblanu ma yin didohia;*Yẹn na dọna mẹhe ma yin omẹ ṣie lẹ* dọmọ: “Mìwlẹ wẹ omẹ ṣie lẹ,”+ Yewlẹ nasọ gblọn dọmọ: “Hiẹ wẹ Jiwheyẹwhe mítọn.”’”+

Nudọnamẹ Odò Tọn

Pọ́n Hos 1:9 Odò.
Pọ́n Hos 1:6 Odò.
Kavi “fẹnnuwiwa; walọ gblezọn.”
Kavi “ovi fẹnnuwiwa tọn; ovi walọ gblezọn tọn.”
Kavi “tindo mahẹ to fẹnnuwiwa (walọ gblezọn) mẹ.”
Kavi “Baali Ṣie.”
Kavi “nasọ gbọ yé ni nọ nọ̀.”
Zẹẹmẹdo “Jiwheyẹwhe Na Do Okún.”
Pọ́n Hos 1:6 Odò.
Pọ́n Hos 1:9 Odò.