Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Hosea 14:1-9

NUHE E BẸHẸN LẸ

  • Tuli nado lẹkọwa Jehovah dè (1-3)

    • Yí nùflo do na pipà (2)

  • Azọ̀nhẹngbọna nugbonọ-mayin Islaeli tọn (4-9)

14  “Islaeli E, lẹkọwa Jehovah Jiwheyẹwhe towe dè,+ Na hiẹ ko dahli, na nuṣiwa towe wutu.   Lẹkọwa Jehovah dè po hogbe ehelẹ po, Dọna ẹn dọ, ‘Jaale jo nuṣiwa mítọn na mí+ bo kẹalọyi nuhe yin dagbe sọn mí dè, Míwlẹ nasọ yí nùflo mítọn lẹ do pà we+ dile mí nọ yí oyìnsú winyanwinyan do sanvọ́ na we do.*   Asilia ma na whlẹn mí.+ Mí ma na hẹ osọ́ lẹ ji,+ Mọ mí ma nasọ nọ dọ, “Jiwheyẹwhe mítọn E!” na azọ́n alọ mítọn tọn ba, Na gbọn hiẹ dali wẹ lẹblanu nọ yin didohia tọṣiọvi lẹ.’+   Yẹn na hẹnazọ̀ngbọna nugbonọ-mayin yetọn.+ Yẹn na yiwanna yé sọn ojlo mẹ wá,+ Na homẹgble ṣie ko lilẹ́ sọn e ji.+   Yẹn na yinuwa taidi jijà ahun tọn hlan Islaeli; Ewọ na gbàsẹ́ taidi vounvoun Bo na doadọ̀do taidi atin Lẹbanọni tọn lẹ.   Alà etọn lẹ na vùn, Whanpẹ daho etọn na taidi atin olivie tọn, Podọ owán vivi etọn taidi Lẹbanọni tọn.   Whladopo dogọ, yé na nọ nọ̀ oyẹ̀ etọn glọ. Yé na nọ do jinukun, yé nasọ nọ jọ amà di vẹntin.+ Yindidi* etọn na taidi ovẹn Lẹbanọni tọn.   Eflaimi na dọ, ‘Etẹwẹ yẹn na gbẹ́ yí boṣiọ lẹ do wà?’+ Yẹn nasọ siọ ẹ bo na penukundo e go.+ Yẹn na yinuwa taidi atin junipeli tọn he vùn de. Dè e wẹ sinsẹ́n towe na nọ wá sọn.”   Mẹnu wẹ yọnnuin? Gbọ ewọ ni mọnukunnujẹ onú ehelẹ mẹ. Mẹnu wẹ zìn? Gbọ ewọ ni yọ́n yé. Na jijlọ wẹ aliho Jehovah tọn lẹ,+ Bọ dodonọ lẹ na nọ zinzọnlin to yé ji; Ṣigba, sẹ́nhẹngbatọ lẹ na nọ dahli to yé ji.

Nudọnamẹ Odò Tọn

To paa mẹ, “yí oyìnsú winyanwinyan nùflo mítọn tọn lẹ do sanvọ́ lẹkọ.”
To paa mẹ, “Oflin.”