Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Hosea 13:1-16

NUHE E BẸHẸN LẸ

  • Eflaimi boṣiọ-sẹ̀ntọ wọn Jehovah (1-16)

    • “Okú E, fie wẹ adí towe lẹ te?” (14)

13  “Eyin Eflaimi dọho, gbẹtọ lẹ nọ sisọ; Ewọ diyin to Islaeli.+ Ṣigba, e ko hùwhẹ na Baali+ sinsẹ̀n wutu bosọ kú.   Todin, yé ko yidogọna ylando yetọn Gbọn fataka yetọn yíyí do basi boṣiọ kinkọ̀n lẹ dali;+ Yé yí azọ́nyinyọnẹn do basi boṣiọ lẹ, bọ popolẹpo yin azọ́n anazọ́nwatọ lẹ tọn. Yewlẹ sọ nọ dọhlan yé dọ, ‘Mì gbọ mẹhe nọ sanvọ́ lẹ ni donùnùgo na oyìnvu lọ lẹ.’+   Enẹwutu, yé na wá taidi aslọ afọnnu tọn lẹ, Yèdọ taidi ahun he nọ yawu busẹ, Taidi ofló he yujẹhọn nọ fú yì sọn likun-flétẹn, Podọ taidi azọ̀ he to tintọ́n sọn odò họta tọn de mẹ.   Ṣigba, yẹn wẹ Jehovah Jiwheyẹwhe towe sọn aigba Egipti tọn ji;+ Hiẹ ma yọ́n Jiwheyẹwhe devo de gbọnvona mi, Podọ whlẹngántọ devo de ma tin gbọnvona yẹn.+   Yẹn ko yọ́n we sọn danfafa ji,+ yèdọ to aigba akúdido tọn lọ ji.   Yé tindo pekọ to kanlindugbo yetọn lẹ mẹ,+ Yé tindo pekọ bọ ahun yetọn wá lẹzun goyitọ. Enẹwutu wẹ yé wọnji go e.+   Yẹn nasọ yinuwa taidi kinnikinni winyanwinyan de na yé,+ Yèdọ taidi opọ̀ he tọ̀wu do aliji de.   Yẹn na jẹ yé ji taidi beali de he hẹn ovivu etọn lẹ bu, Bo na kẹ̀ akọ́nnu yetọn.* Yẹn nasọ tlẹ́n yé dù to finẹ di kinnikinni de; Gbekanlin danji tọn de wẹ na tlẹ́n yé do flinflin.   E na và we sudo, hiẹ Islaeli E, Na hiẹ ko diọnukunsọ mi, yèdọ yẹn alọgọtọ towe. 10  Enẹwutu, fie wẹ ahọlu towe te, na ewọ nido whlẹn we to tòdaho towe lẹpo mẹ,+ Podọ fie wẹ gandutọ* towe lẹ te, mẹhe go hiẹ dọ gando dọ, ‘Na mi ahọlu de po ahọvi lẹ po’?+ 11  Yẹn ko na we ahọlu de to homẹgble ṣie mẹ,+ Yẹn nasọ yí i sọn asi we to adi ṣie mẹ.+ 12  Nuṣiwa Eflaimi tọn ko yin bibladopọ;* Ylando etọn ko yin sisẹdo. 13  Awufiẹsa ajipanu tọn na wá e ji. Ṣigba, ovi he ma yọnnuin de wẹ; E ma jo ede nado tọ́njẹgbonu to whenuena ojlẹ etọn sọ̀ nado yin jiji. 14  Yẹn na fli yé gọ̀ sọn huhlọn Yọdò* tọn si; Yẹn na hò yé yí sọn okú si.+ Okú E, fie wẹ adí towe lẹ te?+ Yọdò E, fie wẹ huhlọn nuvasudo tọn towe te?+ Awuvẹmẹ na yin zizewhla sọn nukun ṣie mẹ. 15  Eyin ewọ tlẹ vùn to ofán lẹ ṣẹnṣẹn, Jẹhọn whèzẹtẹn tọn de na wá, yèdọ jẹhọn Jehovah tọn, E na wá sọn danfafa ji, nado hẹn dotọ̀ etọn hú bosọ hẹn asisa etọn sà yì. Omẹ enẹ nasọ wá bẹ adọkunnu he tin to nuhọakuẹ etọn mẹ lẹpo yì.+ 16  Samalia na yin pinpọn di whẹhutọ,+ na ewọ ko ṣiatẹ sọta Jiwheyẹwhe etọn.+ Gbọn ohí dali wẹ yé na jai,+ Ovi yetọn lẹ na yin hùhù po kanyinylan po, Bọ adọ̀go yọnnu hohonọ yetọn lẹ tọn na yin zizẹ.”

Nudọnamẹ Odò Tọn

To paa mẹ, “kẹ̀ fihe ahun yetọn yin ginglọndo.”
To paa mẹ, “whẹdatọ.”
Kavi “whiwhla dai.”
Kavi “Ṣeol,” enẹ wẹ, yọdò paa gbẹtọvi lẹ tọn. Pọ́n Zẹm.