Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Hosea 12:1-14

NUHE E BẸHẸN LẸ

  • Eflaimi dona lẹkọ do Jehovah dè (1-14)

    • Jakọbu diahi hẹ Jiwheyẹwhe (3)

    • Jakọbu viavi nado mọ nukundagbe Jiwheyẹwhe tọn (4)

12  “Jẹhọn dù wẹ Eflaimi te. E nọ to afọdona jẹhọn whèzẹtẹn tọn to azán lẹpo gbè. E nọ to lalo lẹ po danuwiwa po hẹn sudeji. Yé nọ basi alẹnu hẹ Asilia+ bo nọ hẹn amì yì Egipti.+   Jehovah tindo owhẹ̀ de sọta Juda;+ E na hẹn Jakọbu nado dogbè sọgbe hẹ aliho etọn lẹ, Bọ ewọ na suahọ ẹ sọgbe hẹ walọ etọn lẹ.+   Sọn adọ̀mẹ wẹ e ko wle afọgbẹn nọvisunnu etọn tọn hẹn,+ Bosọ yí huhlọn do diahi hẹ Jiwheyẹwhe.+   E zindonukọn nado to ahidi hẹ angẹli de bo duto e ji. E viavi bo vẹvẹ nado biọ nukundagbe etọn.”+ Bẹtẹli wẹ Ewọ mọ ẹn te, podọ finẹ wẹ Ewọ dọho hẹ mí te,+   Yèdọ Jehovah Jiwheyẹwhe awhànpa lẹ tọn,+ Jehovah wẹ oyín he yè nọ yí do flin in.+   “Enẹwutu, lẹkọ do Jiwheyẹwhe towe dè,+ Tẹdo owanyi nugbo po whẹdida dodo po go,+ Bosọ nọ ze todido do Jiwheyẹwhe towe mẹ whepoponu.   Ṣigba, nujlẹgàn oklọ tọn lẹ wẹ tin to alọ ajọwatọ tọn mẹ;E yiwanna nado nọ hòmẹdu.+   Eflaimi nọ to didọ mapote dọ, ‘Na nugbo tọn, n’ko lẹzun adọkunnọ;+ N’ko jẹ adọkun.+ Podọ oylan kavi nuylankan depope ma na yin mimọ to tuklajijẹ ṣie lẹpo mẹ.’   Ṣigba, yẹn wẹ Jehovah Jiwheyẹwhe towe sọn aigba Egipti tọn ji.+ Yẹn na vọ́ hẹn we nado nọ gòhọ lẹ mẹ whladopo dogọ Taidi to azán ojlẹ dide* tọn lẹ mẹ. 10  Yẹn dọhona yẹwhegán lẹ,+ N’hẹn numimọ he mọ yé te lẹ sudeji, Bosọ do oló lẹ gbọn yẹwhegán lẹ gblamẹ. 11  Oklọ* po nugbomadọ po wẹ tin to Giliadi.+ Yé ko yí oyìnsú lẹ do sanvọ́ to Gilgali,+ Podọ agbà yetọn lẹ tin taidi okiti zannu lẹ tọn to owhẹ̀n danji tọn lẹ ṣẹnṣẹn.+ 12  Jakọbu họnyi agbegbe* Alami* tọn ji;+ Finẹ wẹ Islaeli+ sẹ̀n te nado mọ asi yí,+ Bo penukundo lẹngbọ lẹ go nado mọ asi yí.+ 13  Gbọn yẹwhegán de gblamẹ wẹ Jehovah hẹn Islaeli hẹji sọn Egipti,+ Podọ gbọn yẹwhegán de gblamẹ wẹ e penukundo yé go.+ 14  Eflaimi ko hùwhẹ sinsinyẹn;+ Hùnhọ́dudu etọn gbẹ́ to e ji; Oklunọ etọn na suahọ ẹ na vlẹko he e hẹnwa Ewọ ji.”+

Nudọnamẹ Odò Tọn

Kavi vlavo, “hùnwhẹ.”
Kavi “Nudabla; Nudazi.”
To paa mẹ, “danji.”
Kavi “Silia.”