Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Hosea 11:1-12

NUHE E BẸHẸN LẸ

  • Owanyi Jiwheyẹwhe tọn na Islaeli sọn ovu (1-12)

    • “Bo ylọ visunnu ṣie jẹgbonu sọn Egipti” (1)

11  “Whenuena Islaeli gbẹ́ yin yọpọ sunnu de, n’yiwanna ẹn,+ Bo ylọ visunnu ṣie jẹgbonu sọn Egipti.+   Dile yé* to yé ylọ sọ, Mọ wẹ yé nọ to yìyì dẹn do yé do.+ Yé nọ to avọ́san hlan boṣiọ Baali tọn lẹ mapote+ Bo nọ to avọ́sinsan basi hlan boṣiọ pipà lẹ.+   Ṣigba, yẹn wẹ plọn zọnlinzinzin Eflaimi+ bo nọ ze yé hẹn do awà ṣie lẹ mẹ;+ Yé masọ yọnẹn dọ yẹn wẹ hẹnazọ̀ngbọna yé.   Okàn gbẹtọ tọn lẹ* wẹ n’nọ yí do dọ̀n yé, yèdọ po okàn owanyi tọn lẹ po;+ Yẹn sọ tin hlan yé taidi mẹhe to zẹgẹ desẹ sọn okọ̀* na yé, Bọ n’nọ wà dẹẹdẹ do hẹn núdùdù wá na dopodopo yetọn.   Yé ma na lẹkọyi aigba Egipti tọn ji, ṣigba Asilia wẹ na dugán do yé ji,+ Na yé gbẹ́ nado lẹkọwa dè e wutu.+   Ohí wẹ na nọ to lilẹpe to tòdaho etọn lẹ mẹ+ Nado gídí dòtin etọn lẹ bo và gbẹtọ lẹ sudo, na ayikinkan yetọn lẹ wutu.+   Omẹ ṣie lẹ ko joawuna nugbonọ-mayin hlan mi.+ Mahopọnna dọ yé ylọ yé nado fọ́n,* mẹde ma fọnṣite.   Nawẹ yẹn na gbẹkọ gowe do, Eflaimi E?+ Nawẹ yẹn na ze we jo do, Islaeli E? Nawẹ yẹn na yinuwa hẹ we di Adma do? Nawẹ yẹn na hẹn we nado taidi Zeboimi do?+ Yẹn ko diọlinlẹn; Awuvẹmẹ ṣie ko sọ yin finfọn daga* to ojlẹ dopolọ mẹ.+   Yẹn ma na túntún homẹgble sinsinyẹn ṣie jẹgbonu. Yẹn ma nasọ và Eflaimi sudo ba,+ Na Jiwheyẹwhe de wẹ yẹn, n’ma yin gbẹtọ, Yèdọ Omẹ Wiwe lọ he to ṣẹnṣẹn mìtọn; Yẹn ma nasọ wá mì ji po adi po. 10  Yewlẹ na zinzọnlin hodo Jehovah bọ ewọ na lì di kinnikinni de;+ Eyin e lì, visunnu etọn lẹ na nọ wá sọn whèyihọ-waji po sisọsisọ po.+ 11  Yé na to sisọsisọ taidi ohẹ̀ de to whenue yé na tọ́njẹgbonu sọn Egipti, Yèdọ taidi apoe de sọn aigba Asilia tọn ji;+ Yẹn nasọ hẹn yé wá owhé yetọn lẹ gbè,” wẹ Jehovah dọ.+ 12  “Eflaimi ko yí lalo lẹ do lẹdo mi pé, Podọ owhé Islaeli tọn ko yí oklọ do lẹdo mi pé.+ Ṣigba, Juda gbẹ́ to yìyì pé* hẹ Jiwheyẹwhe, Bo to nugbonọ yin na Omẹ Wiwe Hugan lọ.”+

Nudọnamẹ Odò Tọn

Enẹ wẹ, yẹwhegán lẹ podọ mẹdevo lẹ he yin didohlan nado na anademẹ Islaeli.
Kavi “Okàn homẹdagbe tọn lẹ,” taidi mẹjitọ de tọn.
To paa mẹ, “aglàn mẹ.”
Enẹ wẹ, hlan sinsẹ̀n-bibasi he yiaga de kọ̀n.
To paa mẹ, “sọ hùnmiyọ́n.”
Kavi “zọnlinzin.”