Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Hosea 10:1-15

NUHE E BẸHẸN LẸ

  • Islaeli, vẹntin gbigble, na yin vivasudo (1-15)

    • Dido po gbingbẹ̀n po (12, 13)

10  Islaeli yin vẹntin gbigble* de he nọ de sinsẹ́n tọ́n.+ Dile sinsẹ́n etọn to susudeji do, mọ wẹ e nọ to agbà etọn lẹ hẹn sudeji do;+ Dile aigba etọn to sinsẹ́n detọ́n do, mọ wẹ dòtin wiwe etọn lẹ nọ yọnwhanpẹ dogọ do.+   Yé tindo ahun yẹnuwiwa tọn;* Todin, yé na yin mimọ taidi whẹhutọ lẹ. Mẹde tin he na gbà agbà yetọn lẹ hányán bo gídí dòtin yetọn lẹ.   Todin, yé na dọ dọ, ‘Mí ma tindo ahọlu,+ na mí ma dibusi Jehovah wutu. Podọ etẹwẹ ahọlu de sọgan wà na mí?’   Yé nọ dọ ohó fúsa lẹ bo nọ whlé whiwhle lalo tọn lẹ+ bosọ nọ basi alẹnu lẹ; Enẹwutu, whẹdida he fọ́n lọ taidi ogbé adínọ lẹ to owhẹ̀n danji tọn lẹ ji.+   Mẹhe nọ nọ̀ Samalia lẹ na dibuna boṣiọ oyìnvu tọn Bẹti-aveni tọn lọ.+ Omẹ etọn lẹ na nọ aluẹmẹ na ẹn, Gọna yẹwhenọ yẹwhe jonọ etọn tọn lẹ he nọ jaya na etọn wutu podọ na gigo etọn wutu, Na e na yin hinhẹn yì kanlinmọgbenu.   E na yin hinhẹn yì Asilia taidi nunina na ahọlu daho de.+ Eflaimi na yin winyando, Bọ winyan na hù Islaeli na ayinamẹ he e hodo wutu.+   E họnwun dọ Samalia po ahọlu etọn po na yin sinsánsẹ,*+ Taidi alà he fẹ́n do osin nukunmẹ.   Ofi yiaga Bẹti-aveni tọn lẹ,+ ylando Islaeli tọn+ na yin vivasudo.+ Owùn po tẹwùn lẹ po wẹ na wú do agbà yetọn lẹ ji.+ Gbẹtọ lẹ na dọna osó lẹ dọ, ‘Mì ṣinyọ́n mí ji!’ Podọ na okọ́ta lẹ dọ, ‘Mì họ́ jẹ mí ji!’+   Islaeli E, hiẹ ko waylando sọn azán Gibea tọn lẹ gbè.+ Yé zindonukọn domọ to finẹ. Awhàn ma gbà* visunnu mawadodo tọn lẹ to Gibea. 10  Yẹn nasọ domẹplọnlọ yé go to whenue e jlo mi. Podọ gbẹtọ lẹ na yin bibẹpli sọta yé, To whenue nuṣiwa yetọn awe lẹ yin biblá do yé ji.* 11  Oyìn asiwhe he yin azọ́nplọn bo yiwanna nado nọ tunnú de wẹ Eflaimi yin, Enẹwutu, n’hlá okọ̀ whanpẹnọ etọn dai. Todin, yẹn na hẹn mẹde nado nọ kùn* Eflaimi.+ Juda na jlo aigba; Jakọbu na kùn aigba na ẹn. 12  Mì do jinukun na mìde to dodowiwa mẹ bo gbẹ̀n owanyi nugbo. Mì jlo aigba he na yọ́n na jinukun na mìde+ To ojlẹ he mẹ e gbẹ́ yọnbasi nado dín Jehovah,+ Kaka ewọ nado wá bo plọn mì to dodowiwa mẹ.+ 13  Ṣigba, mì ko jlo kanyinylan taidi aigba, Mì ko gbẹ̀n mawadodo,+ Mì ko sọ dù sinsẹ́n oklọ tọn; Na mì ko dejido aliho mìtọn titi go, Do awhànfuntọ susugege mìtọn lẹ go. 14  Zingidi de na fọ́n sọta omẹ towe lẹ, Bọ tòdaho gángán towe lẹ na yin vivasudo,+ Dile Ṣalmani và owhé Albẹli tọn sudo do, To awhàn whenu, to whenue onọ̀ lẹ yin hùhù po kanyinylan po to pọmẹ hẹ ovi yetọn lẹ. 15  Bẹtẹli E, nuhe na yin wiwà na we niyẹn,+ na kanyinylan sinsinyẹn towe wutu. E họnwun dọ ahọlu Islaeli tọn na yin sinsánsẹ* to afọnnu fuu.”+

Nudọnamẹ Odò Tọn

Kavi vlavo, “he to vùnvùn.”
Kavi “he dídí.”
To paa mẹ, “nùbọdo na.”
Kavi “hẹn vasudo mlẹnmlẹn wá na.”
Enẹ wẹ, “To whenue yé na hẹn agbàn yasanamẹ yetọn tọn taidi zẹgẹ de.”
Kavi “ze zẹgẹ dokọna.”
To paa mẹ, “nùbọdo na.”