Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Hosea 1:1-11

NUHE E BẸHẸN LẸ

  • Asi Hosea tọn po ovi etọn lẹ po (1-9)

    • Jezleẹli (4), Lo-luhama (6), gọna Lo-ami (9)

  • Todido hẹngọwa po pọninọ po tọn (10, 11)

1  Ohó Jehovah tọn wá Hosea* visunnu Beẹli tọn dè to ojlẹ Uzia,+ Jotami,+ Ahazi+ po Hẹzekia+ ahọlu Juda tọn lẹ po tọn mẹ,+ podọ to ojlẹ Jeloboami+ visunnu Joaṣi+ ahọlu Islaeli tọn lẹ tọn mẹ.  To whenue Jehovah jẹ ohó etọn dọ gbọn Hosea gblamẹ ji, Jehovah dọna Hosea dọmọ: “Yì bo dà asi de, ewọ nasọ lọga* bo na ji ayọvi* lẹ na we, na galilọ* ko hẹn aigba lọ lẹkọ mlẹnmlẹn sọn hihodo Jehovah mẹ.”+  Enẹwutu, e yì bo dà Gomẹli viyọnnu Diblaimi tọn bọ e mọhò bo ji visunnu de na ẹn.  Whenẹnu, Jehovah dọna ẹn dọmọ: “Ylọ oyín etọn dọ Jezleẹli,* na to ojlẹ vude godo, yẹn na hẹn owhé Jehu tọn+ nado dogbè nuyiwa hùnsọndai tọn Jezleẹli tọn lẹ, yẹn nasọ hẹn gandudu owhé Islaeli tọn wá opodo.+  To azán enẹ gbè, yẹn na wẹ́n ogá Islaeli tọn to Agbàdo Jezleẹli tọn mẹ.”  Yọnnu lọ sọ vọ́ mọhò bo ji viyọnnu de. Jiwheyẹwhe sọ dọna sunnu lọ dọmọ: “Ylọ oyín etọn dọ Lo-luhama,* na yẹn ma nasọ do lẹblanu hia+ owhé Islaeli tọn ba, na e họnwun dọ yẹn na yàn yé dogbé.+  Ṣigba, yẹn na do lẹblanu hia owhé Juda tọn,+ podọ yẹn Jehovah Jiwheyẹwhe yetọn nasọ whlẹn yé;+ yẹn ma na whlẹn yé gbọn ogá, ohí, awhàn, osọ́ lẹ kavi osọ́nọ lẹ gblamẹ.”+  To whenue e deanọ́na Lo-luhama, e mọhò bo ji visunnu de.  Jiwheyẹwhe sọ dọna sunnu lọ dọmọ: “Ylọ oyín etọn dọ Lo-ami,* na mìwlẹ ma yin omẹ ṣie lẹ mọ yẹn ma nasọ yin Jiwheyẹwhe mìtọn. 10  “Sọha omẹ* Islaeli tọn lẹ tọn na wá taidi tọkẹ́n ohù tọn lẹ he ma sọgan yin jijlẹ kavi hihia.+ Podọ to fie e yin didọna yé te dọ, ‘Mì ma yin omẹ ṣie lẹ,’+ e nasọ yin didọna yé dọ, ‘Visunnu Jiwheyẹwhe ogbẹ̀nọ lọ tọn lẹ wẹ mì.’+ 11  Podọ omẹ Juda po Islaeli po tọn lẹ na yin bibẹpli dopọ to kọndopọ mẹ+ bo na de nukọntọ de na yede bosọ hẹji tọ́n sọn aigba lọ ji, na azán daho de wẹ azán enẹ na yin na Jezleẹli.+

Nudọnamẹ Odò Tọn

Sándogli Hoṣaia tọn, ehe zẹẹmẹdo “Yin Whinwhlẹn Gbọn Jah Dali; Jah Ko Whlẹn.”
Kavi “tindo kọndopọ fẹnnuwiwa tọn; zan walọ gblezọn.”
Kavi “ovi fẹnnuwiwa tọn; ovi walọ gblezọn tọn.”
Kavi “fẹnnuwiwa; walọ gblezọn.”
Zẹẹmẹdo “Jiwheyẹwhe Na Do Okún.”
Zẹẹmẹdo “Ma Na Do Lẹblanu Hia.”
Zẹẹmẹdo “Ma Yin Omẹ Ṣie Lẹ.”
To paa mẹ, “visunnu.”