Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Habakuku 3:1-19

NUHE E BẸHẸN LẸ

  • Yẹwhegán lọ hodẹ̀ na Jehovah nido yinuwa (1-19)

    • Jiwheyẹwhe na whlẹn omẹ etọn lẹ (13)

    • Aglinjijẹ to Jehovah mẹ (17, 18)

3  Odẹ̀ he yẹwhegán Habakuku yí avihàn* do hò:   Jehovah E, n’ko sè linlin gando gowe. Jehovah E, nuyiwa towe nọ hẹn awuji mi. To owhe lọ lẹ gblamẹ,* hẹn ẹn di! To owhe lọ lẹ gblamẹ,* hẹn ẹn zun yinyọnẹn. Na hiẹ ni flin bo do lẹblanu hia mí to homẹgble towe whenu.+   Jiwheyẹwhe wá sọn Temani, Omẹ Wiwe lọ wá sọn Osó Palani ji.+ (Sela)* Gigo daho etọn ṣinyọ́n olọn lẹ;+ Aigba sọ gọ́ na pipà etọn.   E họ́n taidi hinhọ́n owhè tọn.+ Hinhọ́n awe tá sọn alọ etọn mẹ, Yèdọ fie huhlọn etọn yin whiwhla do.   Azọ̀nylankan to yìyì to nukọn etọn,+ Bọ agbasa-hùnmiyọ́n sinsinyẹn hodo afọ etọn lẹ.   E nọte guun bo húnhún aigba.+ To whenue e pọ́n akọta lẹ, e hẹn yé jọsi.+ Osó madopodo lẹ yin gbigbà hányán, Bọ okọ́ta hohowhenu tọn lẹ dẹ́ do odò.+ Ewọ tọn wẹ ali hohowhenu tọn lẹ.   Yẹn mọ tukla to gòhọ Kuṣani tọn lẹ mẹ. Avọ̀ gòhọ tọn aigba Midiani tọn lẹ whàn.+   Jehovah E, be tọ̀sisa lẹ, Yèdọ be tọ̀sisa lẹ go wẹ hiẹ gblehomẹ do ya? Kavi be ohù go wẹ hiẹ duadi do ya?+ Na hiẹ hẹ osọ́ towe lẹ ji;+ Osọ́-kẹkẹ towe lẹ gbawhàn.*+   Ogá towe ko yin didetọn jẹ gbangba bo to gbesisọ mẹ. Whiwhle de wẹ yè yí do má opò* lọ lẹ.* (Sela) Hiẹ yí tọ̀sisa lẹ do má aigba. 10  To whenue osó lẹ mọ we, yé slo na awufiẹsa wutu.+ Jikun daho de zà nulẹpo sẹ̀. Osin he siso dọnú.+ E hò osin yiaga. 11  Owhè po osun po nọte guun to otẹn yetọn mẹ to aga.+ Ogá towe lẹ tọ́nyi taidi hinhọ́n.+ Owhán towe to sisẹ́ taidi hinhọ́n. 12  Hiẹ yí adi do zinzọnlin gbọn aigba ji. Hiẹ yí homẹgble do tùnafọ* akọta lẹ ji. 13  Hiẹ tọ́njẹgbonu na whlẹngán omẹ towe lẹ tọn wutu, nado whlẹn mẹyiamisisadode towe. Hiẹ gídí nukọntọ* owhé mẹylankan lẹ tọn. E yin hunhundonuvo sọn dodonu yiaga.* (Sela) 14  Hiẹ yí awhànfunnu* awhànfuntọ etọn titi lẹ tọn do sọnú ota na yé To whenue yé doawhàn wá nado vúnvún mi. Yé nọ jaya tlala nado hù agbátọnọ sudo to nuglọ. 15  Hiẹ gbọn hùmẹ luntọ́n po osọ́ towe lẹ po, Yèdọ gbọn agbówhẹn osin he sù taun lẹ tọn mẹ. 16  Yẹn sè bosọ sisọ to homẹ;* To whenue n’sè linlin lọ, nùflo ṣie lẹ sisọ. Ohú ṣie lẹ jẹ yinyọ̀n ji;+ Afọ ṣie lẹ jẹ sisọsisọ ji to oglọ na mi. Ṣigba, yẹn nọte whii pọ́n azán ayimajai tọn,+ Na e ja mẹhe tọ́nawhàn mí lẹ ji. 17  Eyin ovòtin ma tlẹ gbàsẹ́, Bọ sinsẹ́n depope ma tin to vẹntin ji; Eyin olivie tlẹ gboawupo nado sẹ́n, Bọ ogle* lẹ ma de sinsẹ́n depope tọ́n; Eyin kanlin tlẹ vọ̀ sọn apó mẹ, Bọ oyìn depope ma pò to apó mẹ; 18  Etomọṣo, na yẹn tọn, yẹn na jẹaglin to Jehovah mẹ; Yẹn na to ayajẹ to Jiwheyẹwhe whlẹngán ṣie tọn mẹ.+ 19  Oklunọ Nupojipetọ Jehovah wẹ huhlọn ṣie;+ E na hẹn afọ ṣie lẹ bikan di agbanlin de tọn Bo na hẹn mi nado zinzọnlin gbọn ofi yiaga lẹ.+ Na anademẹtọ hànjitọ lẹ tọn; ni yin jiji po hànjinu okànnọ ṣie lẹ po.

Nudọnamẹ Odò Tọn

Kavi “ohàn aluẹmẹninọ tọn.”
Kavi vlavo, “To ojlẹ mítọn mẹ.”
Kavi vlavo, “To ojlẹ mítọn mẹ.”
Pọ́n Zẹm.
Kavi “mọ whlẹngán.”
Kavi vlavo, “ogá.”
Kavi vlavo, “Whiwhle hẹnnu lẹ tọn yin nùdego.”
To paa mẹ, “tùn.”
To paa mẹ, “ota.”
To paa mẹ, “jẹ okọ̀.”
To paa mẹ, “opò.”
To paa mẹ, “bọ adọ̀go ṣie sisọ.”
Kavi “vẹngle.”