Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Deutelonomi 33:1-29

NUHE E BẸHẸN LẸ

  • Mose dona hẹnnu lẹ (1-29)

    • “Awà madopodo” Jehovah tọn lẹ (27)

33  Todin, dona he Mose omẹ Jiwheyẹwhe nugbo lọ tọn lá do Islaelivi lẹ ji whẹpo do kú lọ die.+  E dọmọ: “Sinai wẹ Jehovah wá sọn,+E sọ họnwun do yé ji sọn Seili. E họnwun to gigo mẹ sọn lẹdo osó tọn Palani tọn mẹ,+Angẹli wiwe* fọtọ́n donu ao lẹ sọ tin to ewọ dè,+Awhànfuntọ etọn lẹ to adusilọ etọn mẹ.+   Ewọ tindo owanyi sisosiso na omẹ etọn lẹ;+Omẹ wiwe yetọn lẹpo wẹ tin to alọ towe mẹ.+ Yé sinai to afọ towe lẹ kọ̀n;+Yé jẹ todoaina ohó towe lẹ ji.+   (Mose na mí gbedide de, yèdọ osẹ́n de,+Taidi nutindo de na agun Jakọbu tọn.)+   Jiwheyẹwhe sọ lẹzun ahọlu to Jeṣuluni,*+To whenue nukọntọ akọta lọ tọn lẹ pli dopọ,+To pọmẹ hẹ hẹnnu Islaeli tọn lẹpo.+   Gbọ Leubẹni ni nọgbẹ̀ bo ma kú blo,+Podọ sunnu etọn lẹ ni ma depò to sọha mẹ blo.”+   Ewọ sọ lá dona ehe do Juda ji+ dọmọ: “Jehovah E, sè ogbè Juda tọn,+Podọ na hiẹ ni plan ẹn lẹkọwa omẹ etọn lẹ dè. Awà etọn lẹ ko hoavùn nado basi hihọ́na* nuhe yin etọn,Na hiẹ nisọ gọalọna ẹn sọta kẹntọ etọn lẹ.”+   Gando Levi go,+ e dọmọ: “Tumimi po Ulimi*+ towe* po yin sunnu he yin nugbonọ na we lọ tọn,+Mẹhe hiẹ whlepọn to Masa.+ Osin Mẹliba tọn lẹ kọ̀n+ wẹ hiẹ jẹ nudọn hẹ ẹ ji te,   Dawe lọ he dọna otọ́ etọn po onọ̀ etọn po dọ, ‘Yẹn ma to mìtọn hòpọn.’ E ma tlẹ na ayidonugo nọvisunnu etọn lẹ,+E sọ gbẹkọ visunnu etọn titi lẹ go. Na yé setonuna ohó towe lẹ,Yé sọ payi alẹnu towe go.+ 10  Gbọ yé ni yí nudide whẹdida tọn towe lẹ do plọn Jakọbu+Podọ Osẹ́n towe do plọn Islaeli.+ Gbọ yé ni mẹ̀ nuyọnwan taidi owán dagbe de hlan we*+Podọ avọ́nunina blebu to agbà towe ji.+ 11  Jehovah E, dona huhlọn etọn,Podọ na hiẹ ni mọ homẹhunhun to azọ́n alọ etọn lẹ tọn mẹ. Gídí afọ* mẹhe fọ́n do e ji lẹ tọn,Na mẹhe gbẹwanna ẹn lẹ ma nado fọ́n ba.” 12  Gando Bẹnjamini go,+ e dọmọ: “Gbọ mẹyiwanna Jehovah tọn ni nọ nọ̀ hihọ́ mẹ to ewọ dè;Dile ewọ na to hihọ́-basina ẹn to azán lọ pete ji,Ewọ na nọ nọ̀ abọ́ etọn lẹ ṣẹnṣẹn.” 13  Gando Josẹfu go,+ e dọmọ: “Na Jehovah ni dona aigba etọn+Po onú dagbedagbe olọn tọn lẹ po,Po ahun po gọna osin sọn asisa he to aigba glọ lẹ mẹ,+ 14  Po onú dagbedagbe he owhè nọ detọ́n lẹ poPodọ jinukun dagbedagbe lẹ to sunmẹsunmẹ,+ 15  Po nudagbe hugan lẹ po sọn osó hohowhenu tọn* lẹ ji+Podọ onú dagbedagbe lẹ sọn okọ́ta he gbọṣi aimẹ lẹ ji, 16  Po onú dagbedagbe aigba ji tọn lẹ po gọna nuhe gọ́ e ji lẹ,+Podọ alọkẹyi Mẹhe nọ nọ̀ wùnkan mẹ lọ tọn.+ Na ehelẹ ni kọndo ota na Josẹfu,Do ahọ̀ndòmẹ ewọ he yin didedovo sọn nọvisunnu etọn lẹ ṣẹnṣẹn lọ tọn.+ 17  Whanpẹ daho etọn taidi oyìnsú plọnji de tọn,Podọ azò etọn lẹ taidi azò oyìnsú gbémẹ tọn de tọn. E na yí yé do sisẹ́* akọta lẹYemẹpo dopọ kaka yì opodo aigba tọn lẹ. Yewlẹ wẹ fọtọ́n donu ao Eflaimi tọn lẹ,+Podọ yewlẹ wẹ fọtọ́n Manasse tọn lẹ.” 18  Gando Zebuluni go,+ e dọmọ: “Zebuluni E, jaya to whẹ̀ntintọ́n towe lẹ mẹ,Podọ hiẹ Isakali, to gòhọ towe lẹ mẹ.+ 19  Yé na nọ ylọ gbẹtọ lẹ wá osó ji. Finẹ wẹ yé na nọ basi avọ́sinsan dodowiwa tọn lẹ te. Na yé na nọ mọaleyi sọn adọkun susugege ohù tọn lẹ mẹPodọ sọn adọkun* whiwhla aigba tọn lẹ mẹ.” 20  Gando Gad go,+ e dọmọ: “Donanọ wẹ mẹlọ he to dogbó Gad tọn lẹ hẹngblodeji.+ Ewọ mlọnai do finẹ taidi kinnikinni de,He ko wleawufo nado tlẹ́n awà, mọwẹ, yèdọ ahọ̀ndòmẹ nuhe e wle tọn. 21  Ewọ na de adà aigba lọ tọn he yọ́n hugan na ede,+Na finẹ wẹ mimá osẹ́n-namẹtọ de tọn yin hihla dai do.+ Nukọntọ akọta lọ tọn lẹ na pli dopọ. Dodowiwa Jehovah tọn wẹ ewọ na zedaga,Podọ nudide whẹdida tọn etọn lẹ na Islaeli.” 22  Gando Dani go,+ e dọmọ: “Kinnikinni-vu de wẹ Dani yin.+ E na lọ́n jẹgbonu sọn Baṣani.”+ 23  Gando Naftali go,+ e dọmọ: “Naftali ko mọ alọkẹyi to gigọ́ mẹBo mọ dona Jehovah tọn yí susugege. Ewọ ni yí whèyihọ-waji po hùwaji po.” 24  Gando Aṣeli go,+ e dọmọ: “Aṣeli yin didona po visunnu lẹ po. Na ewọ ni mọ nukundagbe nọvisunnu etọn lẹ tọn,Podọ na ewọ ni ylọn afọ etọn lẹ do amì mẹ.* 25  Gànyuu po gànvẹẹ po wẹ yin agasagodo họngbo etọn tọn lẹ,+Hiẹ nasọ tindo hihọ́ to gbẹzan towe lẹpo mẹ.* 26  Mẹdepope ma tin he taidi Jiwheyẹwhe nugbo+ Jeṣuluni+ tọn,Mẹhe wá sọn olọn mẹ nado gọalọna wePodọ mẹhe gbọn aslọ olọn tọn lẹ mẹ to gigo daho etọn mẹ.+ 27  Fibẹtado de wẹ Jiwheyẹwhe yin sọn ojlẹ hohowhenu tọn lẹ mẹ,+Awà madopodo etọn lẹ tin to oglọ na we.+ Ewọ nasọ yàn kẹntọ lẹ sẹ̀ sọn nukọn towe,+Podọ ewọ na dọmọ, ‘Hù yé sudo!’+ 28  Islaeli na nọ nọ̀ hihọ́ mẹ,Podọ asisa Jakọbu tọn na nọ nọ̀ edeṣoTo aigba jinukun po ovẹn yọyọ po tọn de ji,+Fihe ahun na nọ ja sọn agahomẹ te.+ 29  Islaeli E, ayajẹnọ wẹ hiẹ!+ Mẹnu wẹ to finẹ he taidi hiẹ,+Akọta de he to whlẹngán mọyi sọn Jehovah dè,+Yèdọ awọ̀yinu towe+Podọ ohí daho towe? Kẹntọ towe lẹ na nọ sisọ to nukọn towe,+Bọ hiẹ na nọ zinzọnlin gbọn nẹgbé yetọn.”*

Nudọnamẹ Odò Tọn

Kavi “Omẹ wiwe.”
Zẹẹmẹdo “Nugbonọ,” yèdọ tẹnmẹ-yinkọ gigonọ de na Islaeli.
Kavi “ko yiavùnlọna.”
Pọ́n Zẹm.
To wefọ ehe mẹ, hogbe lọ lẹ “towe” po “we” po dlẹnalọdo Jiwheyẹwhe.
To paa mẹ, “na awọntin towe.”
Kavi “alìn.”
Kavi vlavo, “osó whèzẹtẹn-waji tọn.”
Kavi “sọ́.”
Kavi “nuhọakuẹ.”
Kavi “ni yí amì do klọ́ afọ etọn lẹ.”
To paa mẹ, “Azán towe lẹ nasọ taidi huhlọn towe.”
Kavi vlavo, “ofi yiaga yetọn lẹ.”