Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Deutelonomi 32:1-52

NUHE E BẸHẸN LẸ

  • Ohàn Mose tọn (1-47)

    • Jehovah, Osé lọ (4)

    • Islaeli wọn Osé etọn (18)

    • “Ṣie wẹ ahọsuyi” (35)

    • “Mì akọta lẹ emi, mì jaya hẹ omẹ etọn lẹ” (43)

  • Mose na kú do Osó Nebo ji (48-52)

32  “Olọn lẹ Emi, mì tuntoai, na yẹn na dọho, Podọ gbọ aigba ni sè ohó onù ṣie mẹ tọn lẹ.   Anademẹ ṣie na ja di jikun; Ohó ṣie lẹ na kùn di ahun, Yèdọ di jikun ṣẹ́nṣẹ́n do ogbé lẹ ji Podọ taidi jikun katakata do ogbé-mú lẹ ji.   Na yẹn na lá oyín Jehovah tọn.+ Mì dọho gando kiklo-yinyin Jiwheyẹwhe mítọn tọn go!+   Osé lọ, pipé wẹ azọ́n etọn,+ Aliho etọn lẹpo wẹ nọ do whẹdida dodo hia.+ Jiwheyẹwhe nugbonọ+ de wẹ bo ma nọ dawhẹ agọ̀ gbede;+ Dodonọ podọ nugbonọ wẹ ewọ.+   Yewlẹ wẹ ko yinuwa to aliho gblezọn mẹ.+ Yé ma yin ovi etọn lẹ, yelọsu go wẹ oblọ lọ wá sọn.+ Whẹndo bublunọ podọ jijọ gbíngbánnọ de wẹ yé!+   Be aliho he mẹ mì dona nọ yinuwa hẹ Jehovah te die+ ya, Mì omẹ nulunọ he ma yọnnuin lẹ?+ Be e ma yin ewọ wẹ Otọ́ towe he zọ́n bọ hiẹ do tin,+ Yèdọ Mẹhe dá we bo zọ́n bọ hiẹ hẹnai ya?   Flin azán hoho lẹ; Lẹnnupọndo owhe whẹndo he ko wayi lẹ tọn ji. Kanbiọ otọ́ towe, ewọ nasọ dọna we;+ Mẹho towe lẹ, yé nasọ hẹn ẹn zun yinyọnẹn na we.   Whenue Gigogán lọ má ogú na akọta lẹ,+ Whenue ewọ klan visunnu Adam tọn lẹ* sọn yenọzo go,+ E de dogbó na akọta lẹ+ Sọgbe hẹ sọha visunnu Islaeli tọn lẹ tọn.+   Na omẹ Jehovah tọn lẹ wẹ mimá etọn;+ Jakọbu wẹ ogú etọn.+ 10  Ewọ mọ Jakọbu to danfafa de ji,+ Yèdọ to danfafa he jẹvọ́ bọ gbekanlin lẹ nọ dawhá to e ji de ji.+ E lẹdo e nado basi hihọ́na ẹn bo penukundo e go,+ E sọ whlá ẹ di nukunzìn etọn.+ 11  Kẹdẹdi akùn he nọ wlu adọ́ etọn, Bo nọ nọte to jẹhọn mẹ, to aga na ovi etọn lẹ, Nọ kẹ̀ awà etọn lẹ bo nọ bẹ yé, Bosọ nọ ze yé do awàfún etọn lẹ ji,+ 12  Jehovah kẹdẹ wẹ to anadena ẹn;*+ Yẹwhe jonọ de ma gọna ẹn.+ 13  Ewọ hẹn ẹn nado pavava do ofi yiaga aigba tọn lẹ ji,+ Bọ e dù sinsẹ́n aigba lọ tọn.+ E na ẹn owín he tọ́n sọn osé mẹ taidi núdùdù Gọna amì he tọ́n sọn osé gángán de mẹ, 14  Limu anọ́sin kanlinpa lọ tọn po anọ́sin lẹngbọpa lọ tọn po, Gọna lẹngbọ dagbe hugan* lọ, Podọ agbò Baṣani tọn lẹ po gbọgbọẹ asu lẹ po, Gọna likun dagbe hugan lọ;+ Hiẹ sọ nù osin ovẹn sinsẹ́n lẹ tọn taidi ovẹn. 15  Whenue Jeṣuluni* klo, ewọ gbọn atẹṣiṣi dali gbẹ́ mi dai. Hiẹ ko klo, bo tọ́nalùn bosọ jí.+ Enẹwutu, e gbẹ́ Jiwheyẹwhe dai, yèdọ mẹhe dá ẹ,+ Bosọ vlẹ Osé whlẹngán etọn tọn. 16  Yé yí yẹwhe jonọ lẹ do doadihomẹna ẹn;+ Yé yí osùnú lẹ do to homẹhẹngble e.+ 17  E ma yin Jiwheyẹwhe wẹ yé to avọ́san hlan gba, ṣigba aovi lẹ wẹ,+ Yèdọ yẹwhe he yé ma yọnẹn dai lẹ, Yẹwhe yọyọ he sọawuhia to agọe lẹ, Yẹwhe he tọgbo mìtọn lẹ ma yọnẹn lẹ. 18  Hiẹ wọnji Osé+ lọ go, yèdọ mẹhe nagbẹ̀ we, Hiẹ masọ flin Jiwheyẹwhe he ji we.+ 19  Whenue Jehovah mọ ehe, e gbẹ́ yé dai,+ Na visunnu etọn lẹ po viyọnnu etọn lẹ po hẹn homẹgble e wutu. 20  Enẹwutu, e dọ dọ, ‘Yẹn na whlá nukunmẹ ṣie do yé;+ Yẹn na pọ́n lehe yé na wá lẹ́ jẹ. Na whẹndo he gblezọn de wẹ yé,+ Yèdọ visunnu he mẹ gbigbọ nugbonọ-yinyin tọn depope ma te lẹ.+ 21  Yé ko yí nuhe ma yin yẹwhe de do doadihomẹna* mi;+ Yé ko yí boṣiọ ovọ́+ yetọn lẹ do hẹn homẹgble mi. Enẹwutu, yẹn na yí pipli he ma yin akọta de+ do fọ́n awuwhàn yetọn dote; Yẹn na yí akọta nulunọ de do hẹn homẹgble yé.+ 22  Na homẹgble ṣie ko flọ miyọ́n de dote+ Ehe na ji kaka biọ Yọdò* mẹ,+ E nasọ fiọ aigba po sinsẹ́n etọn lẹ po Bo nasọ hẹn dodonu osó lẹ tọn jimiyọ́n. 23  Yẹn na hẹn nugbajẹmẹji yetọn lẹ jideji; Yẹn na de ogá ṣie lẹpo do yé. 24  Onú na ṣikọna yé na huvẹ wutu+ Yé na dọ̀n gbọn agbasa-hùnmiyọ́n po vasudo sinsinyẹn po dali.+ Yẹn na do gbekanlin nuwledutọ lẹ hlan yé+ Gọna odàn adínọ he nọ lìn gbọn kọ́gudu mẹ lẹ. 25  Ohí na hù delẹ sọn yé mẹ to gbonu;+ Bọ sijọsijọ na jẹ yé ji to họmẹ,+ Yèdọ dẹpẹ lẹ po awhli lẹ po, To pọmẹ hẹ ovivu lẹ po sunnu owhànọ lẹ po.+ 26  Yẹn na ko dọ dọ: “Yẹn na vúnvún yé pé; Yẹn na hẹn oflin yetọn zun winwọn to gbẹtọ lẹ ṣẹnṣẹn,” 27  Eyin e ma yin nuhe kẹntọ lẹ na wá dọ wẹ yẹn to budina,+ Na kẹntọ lẹ sọgan wá tadona agọ̀ kọ̀n.+ Yé sọgan dọ dọ: “Huhlọn mítọn wẹ gbawhàn;+ E ma yin Jehovah wẹ wà ehe lẹpo gba.” 28  Na akọta nulunọ* de wẹ akọta Islaeli tọn, Podọ yé ma tindo nukunnumọjẹnumẹ depope.+ 29  Eyin yé ko yọnnuin wẹ!+ Yé na lẹnayihamẹpọn do ehe ji.+ Yé na lẹnnupọndo lehe yé wá lẹ́ jẹ ji.+ 30  Nawẹ mẹdopo sọgan dómọna omẹ 1 000, Bọ omẹ awe na yàn omẹ 10 000 dogbé do?+ E ma sọgan jọ eyin Osé yetọn ma ko sà yé+ Bọ Jehovah ma ko de yé jo. 31  Na yẹwhe* yetọn lẹ ma taidi Jiwheyẹwhe mítọn, yèdọ Osé lọ,+ Kẹntọ mítọn lẹ lọsu tlẹ mọnukunnujẹ ehe mẹ.+ 32  Na vẹntin yetọn wá sọn vẹntin Sodọmi tọn mẹ Podọ sọn vẹngle Gomọla tọn lẹ mẹ.+ Ovẹn sinsẹ́n adínọ lẹ wẹ ovẹn sinsẹ́n yetọn lẹ, Vivẹ́ sọ wẹ ohín yetọn lẹ.+ 33  Adí odàn lẹ tọn wẹ ovẹn yetọn, Yèdọ adí ylankan lopa lẹ tọn. 34  Be e ma yin yẹn wẹ sẹ̀ ehe do, Bo sú i do agbànhọ ṣie mẹ?+ 35  Ṣie wẹ ahọsuyi po ahọsumẹ po,+ To ojlẹ dide lọ mẹ, to whenue afọ yetọn na dídí,+ Na azán nugbajẹmẹji yetọn tọn sẹpọ, Podọ nuhe to tepọn yé na wá po awuyiya po.’ 36  Na Jehovah na dawhẹna omẹ etọn lẹ,+ Podọ onú devizọnwatọ etọn lẹ tọn na wàlẹblanuna ẹn,*+ To whenue e na mọdọ huhlọn yetọn ko depò, Bọ agbátọnọ lẹ po madogánnọ lẹ po kẹdẹ wẹ pò. 37  Whenẹnu, e na dọ dọ, ‘Fie wẹ yẹwhe yetọn lẹ te,+ Yèdọ osé he dè yé dín fibẹtado te, 38  He ko nọ dù ojó avọ́sinsan yetọn lẹ tọn,* Bo nọ nù ovẹn avọ́nunina nùnù yetọn lẹ tọn?+ Mì gbọ yé ni fọ́n bo gọalọna mì. Mì gbọ yé ni lẹzun fibẹtado de na mì. 39  Todin, doayi e go dọ yẹn—yèdọ yẹn wẹ Jiwheyẹwhe,+ Yẹwhe devo depope masọ tin gbọnvona mi.+ Yẹn wẹ nọ hù, bosọ nọ hẹn dogbẹ̀.+ Yẹn wẹ nọ hẹn awugble wá,+ yẹn wẹ nasọ hẹngbọ,+ Podọ mẹdepope ma sọgan whlẹngán sọn alọ ṣie mẹ.+ 40  Na yẹn ze alọ ṣie daga hlan olọn, Podọ yẹn whlé dọ: “Dile yẹn togbẹ̀ kakadoi,”+ 41  Eyin yẹn gàn ohí ṣie he nọ to sisẹ́ Bo wleawuna alọ ṣie na whẹdida,+ Yẹn na yiahọsu to kẹntọ ṣie lẹ go+ Bo nasọ suahọ mẹhe gbẹwanna mi lẹ. 42  Yẹn na hẹn ogá ṣie lẹ nado nù ohùn mú, Yèdọ ohùn mẹhe yè hù lẹ po kanlinmọ lẹ po tọn, Bọ ohí ṣie na dù agbasalan, Yèdọ ota nukọntọ kẹntọ lọ tọn lẹ tọn.’ 43  Mì akọta lẹ emi, mì jaya hẹ omẹ etọn lẹ,+ Na ewọ na yiahọsu ohùn devizọnwatọ etọn lẹ tọn,+ Podọ e na yiahọsu to kẹntọ etọn lẹ go+ Bo na basi ovẹsè do* aigba omẹ etọn lẹ tọn tamẹ.” 44  Gbọnmọ dali, Mose wá bo hia hogbe ohàn ehe tọn lẹpo bọ gbẹtọ lọ lẹ sè,+ yèdọ ewọ po Hoṣea*+ visunnu Nuni tọn po. 45  To whenue Mose dotana ohó ehe lẹpo didọna Islaeli pete godo, 46  e dọna yé dọmọ: “Mì hẹn ohó avase tọn he yẹn dọna mì to egbé lẹpo do ayiha mẹ,+ na mì nido degbena visunnu mìtọn lẹ nado yí sọwhiwhe do yinuwa sọgbe hẹ ohó he tin to Osẹ́n ehe mẹ lẹpo.+ 47  Na e ma yin ohó tata de poun na mì gba, ṣigba e zẹẹmẹdo ogbẹ̀ na mì,+ podọ gbọn ohó ehe dali wẹ mìwlẹ sọgan nọgbẹ̀ dẹn to aigba he mì jlo na dasá Jọdani nado yí lọ ji.” 48  Jehovah dọhona Mose to gbenẹgbe dọmọ: 49  “Hẹji yì osó Abalimi+ tọn ehe ji, yèdọ Osó Nebo+ he tin to aigba Moabi tọn ji pannukọn Jẹliko, bo pọ́n aigba Kenani tọn he yẹn jlo na na Islaelivi lẹ taidi nutindo+ lọ hlan. 50  Enẹgodo, hiẹ na kú to osó he ji hiẹ jlo na hẹji yì lọ ji, bọ hiẹ na yin dìdì taidi tọgbo towe lẹ,* kẹdẹdile Aalọn nọvisunnu towe kú to Osó Họli+ ji bo yin dìdì taidi tọgbo etọn lẹ do, 51  na mì omẹ awe lẹ ma yin nugbonọ na mì to Islaelivi lẹ ṣẹnṣẹn to osin Mẹliba+ tọn lẹ kọ̀n to Kadẹṣi to danfafa Zini tọn ji, na mì ma klan mi do wiwe to omẹ Islaeli tọn lẹ nukọn wutu.+ 52  Hiẹ na mọ aigba lọ hlan sọn olá, ṣigba hiẹ ma na yì aigba lọ he yẹn jlo na na omẹ Islaeli tọn lẹ ji gba.”+

Nudọnamẹ Odò Tọn

Kavi vlavo, “klan akọ̀ gbẹtọvi tọn.”
Enẹ wẹ, Jakọbu.
To paa mẹ, “ojó lẹngbọ tọn.”
Zẹẹmẹdo “Nugbonọ,” yèdọ tẹnmẹ-yinkọ gigonọ de na Islaeli.
Kavi “do fọ́n awuwhàn dote na.”
Kavi “Ṣeol,” enẹ wẹ, yọdò paa gbẹtọvi lẹ tọn. Pọ́n Zẹm.
Kavi vlavo, “he do tókú ayinamẹ mẹ.”
To paa mẹ, “osé.”
Kavi “e na diọlinlẹn gando devizọnwatọ etọn lẹ go.”
Kavi “dù avọ́sinsan dagbe hugan yetọn lẹ.”
Kavi “basi klọ́ wé.”
Yinkọ dowhenu tọn Jọṣua tọn. Hoṣea yin sándogli Hoṣaia tọn, ehe zẹẹmẹdo “Yin Whinwhlẹngán Gbọn Jah Dali; Jah Ko Whlẹngán.”
Hogbe milomilo wẹ hogbe ehelẹ yin na okú.