Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Deutelonomi 14:1-29

NUHE E BẸHẸN LẸ

  • Dohia aluẹmẹninọ tọn he ma jẹ (1, 2)

  • Núdùdù he wé po mawé lẹ po (3-21)

  • Mado-aotọ na Jehovah (22-29)

14  “Visunnu Jehovah Jiwheyẹwhe mìtọn tọn lẹ wẹ mì. Mì gbleawuna mìde+ kavi whlẹ́ ota mìtọn nukọn,* na mẹhe kú de wutu blo.+  Na akọta wiwe de wẹ hiẹ yin+ na Jehovah Jiwheyẹwhe towe, podọ Jehovah ko de we nado lẹzun akọta etọn, yèdọ nutindo vonọtaun* etọn, sọn akọta he tin to nukunmẹ aigba tọn ji lẹpo mẹ.+  “Hiẹ ma dona dù nudepope he yin osùnú.+  Kanlin he hiẹ sọgan dù lẹ die:+ oyìnsú, lẹngbọ, gbọgbọẹ,  agbanlin, otẹgbọẹ, olùwa, gbọgbọẹ gbémẹ tọn, owhín, lẹngbọ gbémẹ tọn po lẹngbọ osó ji tọn po.  Mì sọgan dù kanlin depope he ofẹ̀n etọn zẹ̀ do awe bo nọ dù dùkọ́.  Ṣigba, mì ma dona dù kanlin he bọdego ehelẹ he nọ dù dùkọ́ kavi he ofẹ̀n yetọn zẹ̀: kanklosọ́, azui po agidipanun po, na yé nọ dù dùkọ́, amọ́ ofẹ̀n yetọn ma zẹ̀. Enẹwutu, yé yin mawé na mì.+  Ohàn lọsu, na ofẹ̀n etọn zẹ̀, ṣigba e ma nọ dù dùkọ́. Enẹwutu, e yin mawé na mì. Mìwlẹ ma dona dù olàn yetọn kavi doalọ oṣiọ yetọn go.  “Sọn nuhe nọ nọ̀ osin mẹ lẹpo mẹ, dehe mì sọgan dù lẹ die: Nudepope he tindo ajà po ofló po to agbasa go wẹ mì sọgan dù.+ 10  Ṣigba, mì ma dona dù nudepope he ma tindo ajà po ofló po to agbasa go. Mawé wẹ yé yin na mì. 11  “Mì sọgan dù ohẹ̀ depope he yin wiwe. 12  Ṣigba, dehe mì ma dona dù lẹ die: akùn, gàngàn tọ̀tó tọn, aklasu yuu,+ 13  gàngàn vẹẹ, gàngàn yuu, gàngàn wunmẹ devo depope, 14  ohọ́n wunmẹ lẹpo, 15  ogongo, ajankusu, odòkloe huto tọn, gàngàn-gbó wunmẹ lẹpo, 16  ajankusu pẹvi, ajankusu otó-gbónọ, tọ̀pápá-kọ̀gaa, 17  tọ̀pápá-bẹ́gaa, aklasu, tọ̀pápá, 18  adọwé, adọwé gbàmẹ tọn wunmẹ lẹpo, ahlinhán po toké po. 19  Humọ, nudida awànọ he nọ doawhàn zọnpọ* lẹpo wẹ yin mawé na mì. Yé ma dona yin dùdù. 20  Mì sọgan dù nudida he nọ zlọn depope he yin wiwe. 21  “Mìwlẹ ma dona dù kanlin depope he mì mọ bọ e ko kú.+ Hiẹ sọgan na ẹn mẹhe to jonọ-gbéji de he nọ nọ̀ tòdaho* towe lẹ mẹ, bọ ewọ sọgan dù i, kavi e sọgan yin sisà na jonọ de. Na akọta wiwe de wẹ hiẹ yin na Jehovah Jiwheyẹwhe towe. “Hiẹ ma dona sọakusìn gbọgbọẹvu de to anọ́sin onọ̀ etọn tọn mẹ.+ 22  “Hiẹ dona nọ na mado-ao jinukun he ogle towe detọ́n lẹpo tọn dandan to whemẹwhemẹ.+ 23  Hiẹ na nọ dù sọn mado-ao onú ehelẹ tọn mẹ, enẹ wẹ jinukun towe lẹ, ovẹn yọyọ towe, amì towe, gọna plọnji kanlinpa po lẹngbọpa towe lẹ tọn po to Jehovah Jiwheyẹwhe towe nukọn to fihe ewọ ko de nado ze oyín etọn doai do,+ na hiẹ nido sọgan plọn nado nọ dibusi Jehovah Jiwheyẹwhe towe to whepoponu.+ 24  “Ṣigba, eyin gbejizọnlin lọ dẹn gbau na we bọ hiẹ ma sọgan bẹ popolẹpo yì fihe Jehovah Jiwheyẹwhe towe ko de nado ze oyín etọn doai do,+ na filọ dẹn gbau na we wutu (na Jehovah Jiwheyẹwhe towe na dona we), 25  to whenẹnu hiẹ sọgan sà yé bo zingbejizọnlin po akuẹ lọ po yì fihe Jehovah Jiwheyẹwhe towe na de. 26  Enẹgodo, hiẹ sọgan yí akuẹ lọ do họ̀ nudepope he jlo we*—oyìn, lẹngbọ, gbọgbọẹ, ovẹn po ahàn sinsinyẹn devo lẹ po, gọna nudevo depope he jlo we;* hiẹ nasọ dù yé to finẹ to Jehovah Jiwheyẹwhe towe nukọn bo jaya, yèdọ hiẹ po whédo towe po.+ 27  Humọ, hiẹ gbẹkọ Levinu he nọ nọ̀ tòdaho towe lẹ mẹ go blo,+ na e ma tindo mimá kavi ogú de hẹ we.+ 28  “To vivọnu owhe atọ̀n lẹpo tọn, hiẹ dona nọ bẹ mado-ao jinukun he a mọ to owhe enẹ mẹ lẹpo tọn tọ́njẹgbonu bo bẹ yé do tòdaho towe lẹ mẹ.+ 29  Enẹgodo, Levinu he ma tindo mimá kavi ogú de hẹ we, mẹhe to jonọ-gbéji lẹ, tọṣiọvi lẹ po asuṣiọsi lẹ po he tin to tòdaho towe lẹ mẹ na wá bo dù gọ́ho,+ na Jehovah Jiwheyẹwhe towe nido dona we to nuhe a to wiwà lẹpo mẹ.+

Nudọnamẹ Odò Tọn

To paa mẹ, “hẹn ota mìtọn zun pipá to nukun mìtọn lẹ ṣẹnṣẹn.”
Kavi “họakuẹ.”
Kavi “wánvú.”
To paa mẹ, “họngbo.”
Kavi “alindọn towe.”
Kavi “nudevo depope he alindọn towe na biọ we.”