Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Yẹwhehodọtọ 6:1-12

NUHE E BẸHẸN LẸ

  • Nutindo lẹ matin awuvivi (1-6)

  • Duvivi nuhe a tindo tọn todin (7-12)

6  Awublanu* devo sọ tin he yẹn ko mọ to owhè glọ, e sọ gbayipe to gbẹtọ lẹ ṣẹnṣẹn:  Jiwheyẹwhe nugbo lọ na gbẹtọ adọkun, nutindo agbasa tọn lẹ po gigo po sọmọ bọ e ma jẹdò nudepope he jlo e tọn;* ṣogan Jiwheyẹwhe nugbo lọ ma hẹn ẹn penugo nado duvivi yetọn, dile etlẹ yindọ jonọ de sọgan duvivi yetọn. Ehe yin ovọ́ po awufiẹsa sinsinyẹn de po.  Eyin sunnu de na lẹzun otọ́ whla kanweko bo nọgbẹ̀ na owhe susu bo wá poyọnho, ṣogan bọ ewọ* ma duvivi nudagbe etọn lẹ tọn whẹpo do yì yọdò mẹ, yẹn mọdọ ovi he yè ma ko ji sọ pọnte hú ewọ.+  Na ovọ́ mẹ wẹ omẹ ehe wá te, e nasọ tọ́nyi to zinvlu mẹ, podọ oyín etọn na yin whiwhla to zinvlu mẹ.  Dile etlẹ yindọ ewọ ma mọ owhè pọ́n kavi yọ́n nudepope, etọn sọ pọnte hú* mẹhe jẹnukọnna ẹn lọ tọn.+  Ale tẹwẹ tin to e mẹ nado nọgbẹ̀ na owhe fọtọ́n donu awe, ṣigba bo ma duvivi etọn? Be e ma yin ofi dopolọ wẹ mẹlẹpo nọ yì ya?+  Azọ́n sinsinyẹn he gbẹtọ nọ wà lẹpo wẹ nado dùnú gọ́ho;+ ṣogan e* ma nọ tindo pekọ gbede.  Na ale tẹwẹ nuyọnẹntọ tindo hú nulunọ,+ kavi ale tẹwẹ tin to e mẹ dọ wamọnọ de ni yọ́n lehe e na wlebòna ede do?*  E pọnte nado duvivi nuhe nukun mọ tọn hú nado to avìdla to godona ojlo mẹdetiti tọn lẹ.* Ovọ́ wẹ ehe lọsu, podọ wezundido to jẹhọn godo. 10  Nudepope he tin ko nọ tindo yinkọ, podọ nuhe gbẹtọ yin ko yin yinyọnẹn; ewọ masọ sọgan dọnnu* hẹ mẹhe tindo huhlọn hú i. 11  Lehe ohó* sù sọ, mọ wẹ yé nọ yin ovọ́ do niyẹn; podọ ale tẹwẹ yé nọ hẹnwa na gbẹtọ? 12  Mẹnu wẹ yọ́n nuhe yin dagbe hugan he gbẹtọ sọgan wà to gbẹ̀mẹ, yèdọ to azán vude gbẹzan ovọ́ tọn he ewọ na yizan taidi oyẹ̀ de whenu?+ Na mẹnu wẹ sọgan dọna gbẹtọ nuhe na jọ to owhè glọ to yìyì etọn godo?

Nudọnamẹ Odò Tọn

Kavi “Nugbajẹmẹji.”
Kavi “ma jẹdò nudepope tọn na alindọn etọn.”
Kavi “alindọn etọn.”
To paa mẹ, “e sọ tindo gbọjẹ hú.”
Kavi “alindọn etọn.”
To paa mẹ, “lehe e na zinzọnlin to nukọnna mẹhe togbẹ̀ do.”
Kavi “hú dọ alindọn ni to zọnlinzin dánpe.”
Kavi “pé-whẹ̀.”
Kavi vlavo, “onú.”