Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Yẹwhehodọtọ 4:1-16

NUHE E BẸHẸN LẸ

  • Kọgbidinamẹ ylanhu okú (1-3)

  • Pọndohlan jlẹkaji tọn gando azọ́n go (4-6)

  • Nuhọakuẹ-yinyin họntọn tọn (7-12)

    • Omẹ 2 pọnte hú mẹdopo (9)

  • Ogbẹ̀ ahọlu de tọn gán wá yin ovọ́ (13-16)

4  Humọ, yẹn lẹ́ ayidonugo hlan nuyiwa kọgbidinamẹ tọn he to yìyì to owhè glọ lẹpo. Yẹn mọ dasin mẹhe yin kọgbidina lẹ tọn, podọ yé ma tindo mẹde nado miọnhomẹna yé.+ Kọgbidinamẹtọ yetọn lẹ sọ tindo huhlọn, yé masọ tindo mẹde nado miọnhomẹna yé.  Yẹn sọ mọdọ okú pọnte hú nado togbẹ̀.+  Podọ mẹhe ma ko yin jiji sọ pọnte hú yé omẹ awe lẹ,+ yèdọ mẹhe ma ko mọ nujijọ awufiẹsa tọn he to yìyì to owhè glọ lẹ.+  Yẹn ko sọ mọ lehe agbàwhinwhlẹn to gbẹtọ lẹ ṣẹnṣẹn nọ whàn yé nado dovivẹnu susu* bo bikan to azọ́n yetọn kọ̀n do;+ ovọ́ wẹ ehe lọsu, yèdọ wezundido to jẹhọn godo.  Nulunọ nọ blá alọ dogo bo nọ to awugble hẹnwa ede ji.*+  Gbọjẹ vude* pọnte hú kanvinván zẹjlẹgo* po wezundido to jẹhọn godo po.+  Yẹn lẹ́ ayidonugo ṣie hlan nudevo he yin ovọ́ to owhè glọ:  Mẹde tin he to edeṣo bo ma tindo gbẹdohẹmẹtọ depope; ewọ ma tindo visunnu kavi nọvisunnu depope, ṣogan azọ́n sinsinyẹn etọn lẹpo ma tindo opodo. Nukun etọn lẹ masọ nọ tindo pekọ gbede gando adọkun go.+ Ṣigba, be e ka nọ kanse ede dọ, ‘Mẹnu wutu wẹ yẹn do to azọ́n sinsinyẹn wà bo to nudagbe lẹ tẹ̀ dee’?*+ Ovọ́ wẹ ehe lọsu, podọ azọ́n gúgú wiwà wẹ.+  Omẹ awe pọnte hú mẹdopo,+ na yé tindo ale dagbe* de na azọ́n sinsinyẹn yetọn. 10  Na eyin dopo to yé mẹ jai, omẹ awetọ sọgan ze hatọ etọn ṣite. Ṣigba, etẹwẹ na jọ do mẹhe jai bo ma tindo mẹdepope he na ze e ṣite go? 11  Humọ, eyin omẹ awe mlọnai dopọ, yé na hlá yozò, ṣigba nawẹ mẹdopo gee sọgan hlá yozò do? 12  Podọ mẹde sọgan duto mẹhe to edeṣo ji, ṣigba omẹ awe topọ sọgan nọte pehẹ ẹ. Podọ okàn atọ̀n slo dopọ ma nọ yawu* wẹ́n. 13  Yọpọvu he yin wamọnọ bo yọnnuin pọnte hú ahọlu he whẹ́n mẹho bo yin nulunọ,+ yèdọ mẹhe masọ tindo lẹnpọn dagbe sọmọ nado kẹalọyi avase ba.+ 14  Na ewọ* tọ́n sọn gànpamẹ nado lẹzun ahọlu,+ dile etlẹ yindọ ewọ yin jiji taidi wamọnọ to ahọluduta omẹ ehe tọn mẹ.+ 15  Yẹn doayi mẹhe togbẹ̀ bo to zọnlinzin to owhè glọ lẹpo go, podọ lehe nulẹ nọ yì do na jọja he jẹ otẹn mẹdevo tọn mẹ go. 16  Dile etlẹ yindọ godonọnamẹtọ etọn lẹ nọ sù taun, homẹ mẹhe na wá to godo mẹ lẹ tọn ma na hùn do e go.+ Ovọ́ wẹ ehe lọsu, yèdọ wezundido to jẹhọn godo.

Nudọnamẹ Odò Tọn

Kavi “wazọ́n sinsinyẹn.”
To paa mẹ, “nọ to agbasalan edetiti tọn dù.”
To paa mẹ, “Gbọjẹ alọgogo dopo.”
To paa mẹ, “azọ́n sinsinyẹn alọgogo awe.”
Kavi “alindọn ṣie.”
Kavi “ale daho.”
Kavi “ma nọ bọawu nado.”
Vlavo to alọdlẹndo yọpọvu nuyọnẹntọ lọ.