Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Yẹwhehodọtọ 12:1-14

NUHE E BẸHẸN LẸ

  • Flin Mẹdatọ towe whẹpo yọnhowhe nido wá (1-8)

  • Tadona yẹwhehodọtọ lọ tọn (9-14)

    • Ohó nuyọnẹn tọn di opò tlọ́ntlọ́n (11)

    • Dibusi Jiwheyẹwhe nugbo lọ (13)

12  Todin, flin Mẹdatọ Daho towe to jọja whenu towe,+ whẹpo azán awufiẹsa tọn* lẹ nado wá,+ podọ whẹpo owhe lẹ nado wá whenue hiẹ na dọmọ: “Yẹn ma tindo awuvivi depope to yé mẹ”;  whẹpo owhè, hinhọ́n, osun po sunwhlẹvu lẹ po nado dózin,+ podọ whẹpo aslọ lẹ na súyu bọ jikun wududu na ja;*  to azán he gbè nuhọ́tọ* owhé lọ tọn lẹ na jẹ sisọsisọ* ji bọ sunnu hlọnhlọnnọ lẹ na zọ̀n tọ́tọ́ bọ yọnnu lẹ na doalọtena nulili na sọha yetọn ko depò wutu, bọ yọnnu he to nupọn hlan gbọn fleṣenu lẹ na mọdọ zinvlu do;+  to whenue ohọ̀n he yì tòhomẹ-liho ji lẹ ko yin súsú, whenue nudidọ gilisé tọn nọ yìdo, whenue nudidọ ohẹ̀ tọn nọ fọ́n omẹ, bọ ogbè viyọnnu hànsinọ lẹ tọn nọ yìdo.+  Humọ, yè nọ dibuna fihe yiaga lẹ, bọ owù nọ to tòhomẹ-liho ji. Podọ atin almọndi tọn gbàsẹ́,+ obọ̀ sọ to ede dọ̀n pé, yè masọ tindo ojlo na núdùdù,* na gbẹtọ to zọnlinzin jei owhé he gbè e na nọ dẹn lọ,+ podọ mẹhe to aluẹmẹ lẹ na to dindanpe gbọn tòhomẹ-liho ji;+  whẹpo okàn fataka tọn nado yin didesẹ, bọ agbán sika tọn na yin gbigbà hányán, bọ tọ̀zẹ́n he to tọ̀sisa tó na yin gbigbà, bọ nuyizan he yè nọ yizan nado dọ̀n sindàpanu sọn osindò mẹ na yin gbigbà.  Whenẹnu wẹ kọ́gudu nọ gọ̀ do aigba dè,+ kẹdẹdile e ko te do, podọ gbigbọ* nọ gọ̀ do Jiwheyẹwhe nugbo lọ he na ẹn omẹ dè.+  “Ovọ́ pete!”* wẹ yẹwhehodọtọ+ lọ dọ. “Nulẹpo wẹ yin ovọ́.”+  E ma yindọ yẹwhehodọtọ lọ ko lẹzun nuyọnẹntọ poun wẹ gba, ṣigba e sọ zindonukọn nado to nuhe ewọ yọnẹn lẹ plọn gbẹtọ lẹ,+ ewọ sọ lẹnayihamẹpọn bo yí sọwhiwhe do dindonanu nado sọgan bẹ howhinwhẹn susu lẹ pli.*+ 10  Yẹwhehodọtọ lọ tẹnpọn nado mọ hogbe he vivi lẹ+ podọ nado basi kandai hogbe nugbo he sọgbe lẹ tọn. 11  Ohó nuyọnẹntọ tọn lẹ taidi opò tlọ́ntlọ́n lẹ,+ podọ hodidọ yetọn he yin bibẹpli lẹ taidi oṣó he yin whiwhè gbanun-gbanun lẹ; lẹngbọhọtọ dopo dè wẹ yé wá sọn. 12  Gbọnvona onú ehelẹ, visunnu ṣie, avase de die: Opodo de ma tin na owe susu lẹ kinkan, mẹdezejo susu na ehelẹ sọ nọ hẹn agbọ́ pé agbasa.+ 13  Opodo whẹho lọ tọn, to whenue nulẹpo ko yin sisè die: Dibusi Jiwheyẹwhe nugbo lọ+ bo setonuna gbedide etọn lẹ,+ na ehe wẹ nubiọtomẹsi gbẹtọ tọn lẹpo.+ 14  Na Jiwheyẹwhe nugbo lọ na dawhẹna nuhe yin wiwà lẹpo, gọna nuhe whlá lẹpo, nado yọnẹn eyin e yin dagbe kavi oylan.+

Nudọnamẹ Odò Tọn

Kavi “azán nugbajẹmẹji tọn.”
Kavi vlavo, “po jikun wududu po.”
Kavi “nuṣọ́tọ.”
Kavi “whinwhàn.”
To paa mẹ, ehe to alọdlẹndo atin-sinsẹ́n wunmẹ de he nọ fọnjlodotenamẹ nado dùnú.
Kavi “huhlọn ogbẹ̀ tọn.”
Kavi “Onú tata.”
Kavi “to howhinwhẹn susu lẹ do kannukannu.”