Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Whẹdatọ lẹ 8:1-35

NUHE E BẸHẸN LẸ

  • Eflaiminu lẹ tlọ́nu hẹ Gideoni (1-3)

  • Yè yàn ahọlu Midiani tọn lẹ wle bo hù yé (4-21)

  • Gideoni gbẹ́ nado lẹzun ahọlu (22-27)

  • Otàn gbẹzan Gideoni tọn (28-35)

8  To whenẹnu, sunnu Eflaimi tọn lẹ dọna ẹn dọmọ: “Etẹwẹ ehe bọ hiẹ wà do mí? Naegbọn hiẹ ma do ylọ mí to whenue a jei avùnho hẹ Midiani gbé?”+ Yé sọ tlọ́nu hẹ ẹ sinsinyẹn.+  Ṣigba, e dọna yé dọmọ: “Etẹwẹ yẹn wà eyin yè yí i jlẹdo mìwlẹ tọn go? Be wélu-wiwe Eflaimi+ tọn lẹ ma pọnte hú ovẹn sinsẹ́n he Abi-ẹzẹli bẹpli lẹ ya?+  Alọ mìwlẹ tọn mẹ wẹ Jiwheyẹwhe jo ahọvi Midiani tọn lẹ, yèdọ Olẹbi po Zeẹbi po+ do, podọ etẹwẹ yẹn wà eyin yè yí i jlẹdo mìwlẹ tọn go?” To whenue e dọ ehe, yé jo homẹgble yetọn do.*  Enẹgodo, Gideoni wá Jọdani bo dasá ẹ. Agbọ́ ko pé ewọ po sunnu 300 he tin to e dè lẹ po, ṣigba yé gbẹ́ dómọna kẹntọ yetọn lẹ.  Enẹwutu, e dọna sunnu Sukoti tọn lẹ dọmọ: “Mì jaale bo na akla mẹhe to hihodo mi lẹ, na agbọ́ ko pé yé podọ yẹn to mọdona Zeba po Zalmuna po, yèdọ ahọlu Midiani tọn lẹ.”  Ṣigba, ahọvi Sukoti tọn lẹ dọmọ: “Be alọ towe ko jẹ Zeba po Zalmuna po go wẹ bọ míwlẹ nado na akla awhànpa towe?”  To whenẹnu, Gideoni dọmọ: “Na ehe tọn wutu, whenue Jehovah na jo Zeba po Zalmuna po do alọ ṣie mẹ, yẹn na yí owùn po vẹwùn danfafa ji tọn lẹ po do hò mì.”+  Ewọ sọ hẹji sọn finẹ yì Penuẹli bo basi obiọ dopolọ, ṣigba sunnu Penuẹli tọn lẹ gblọnna ẹn kẹdẹdile sunnu Sukoti tọn lẹ ko wà do.  Enẹwutu, e dọna sunnu Penuẹli tọn lẹ lọsu dọmọ: “Whenue yẹn na lẹkọ to jijọho mẹ, yẹn na họ́ atọ̀họ̀ ehe liai.”+ 10  Todin, Zeba po Zalmuna po tin to Kalkọli, gọna awhànpa yetọn lẹ, yèdọ nudi sunnu 15 000. Mẹhe pò sọn awhànpa mẹhe nọ nọ̀ Whèzẹtẹn-waji lẹ tọn mẹ lẹpo niyẹn,+ na sunnu 120 000 sọn mẹhe nọ hẹn ohí lẹ mẹ wẹ ko jai. 11  Gideoni zindonukọn bo hẹji yì gbọn aliho mẹhe nọ nọ̀ gòhọ mẹ lẹ tọn ji, to whèzẹtẹn-waji Noba po Jogbeha po+ tọn bo tọ́nawhàn osla lọ to whenue yé ma donukun. 12  To whenuena Zeba po Zalmuna po doge-wezun mẹ, e dómọna yé bo wle ahọlu Midiani tọn awe lọ lẹ, yèdọ Zeba po Zalmuna po, ehe hẹn mẹhe to osla lọ mẹ lẹpo biọ obu mẹ. 13  Enẹgodo, Gideoni visunnu Joaṣi tọn lẹkọ sọn awhàngbenu gbọn aliho he hẹji yì Helẹsi lọ ji. 14  E wle dẹpẹ de sọn sunnu Sukoti tọn lẹ mẹ to aliji bo kanhose e. Enẹwutu, dẹpẹ lọ kàn oyín ahọvi po mẹho Sukoti tọn lẹ po tọn na ẹn, yèdọ sunnu 77. 15  To whenẹnu, e yì sunnu Sukoti tọn lẹ dè bo dọmọ: “Zeba po Zalmuna po die, mẹhe wutu mìwlẹ do vlẹ mi kò dọ, ‘Be alọ towe ko jẹ Zeba po Zalmuna po go wẹ bọ míwlẹ nado na akla omẹ towe he agbọ́ ko pé lẹ?’”+ 16  Enẹgodo, e plan mẹho tòdaho lọ tọn lẹ bo yí owùn po vẹwùn danfafa ji tọn lẹ po do sayana sunnu Sukoti tọn lẹ.+ 17  Podọ e họ́ atọ̀họ̀ Penuẹli+ tọn lọ liai bo hù sunnu tòdaho lọ tọn lẹ. 18  E kanse Zeba po Zalmuna po dọmọ: “Sunnu nankọ lẹ wẹ mì hù to Taboli?” Yé gblọn dọmọ: “Yé taidi hiẹ nkọ, bọ awusọhia dopodopo yetọn tọn taidi visunnu ahọlu de tọn.” 19  To whenẹnu, ewọ dọmọ: “Nọvisunnu ṣie lẹ wẹ yé, yèdọ visunnu onọ̀ ṣie tọn lẹ. Dile Jehovah togbẹ̀, eyin mì ko jo yé dogbẹ̀ wẹ, yẹn ma na ko to dandannu glọ nado hù mì gba.” 20  Enẹgodo, e dọna Jetẹli plọnji etọn dọmọ: “Fọ́n bo hù yé.” Ṣigba, dẹpẹ lọ ma dọ̀n ohí etọn sún; e to budi, na e gbẹ́ yin jọja de wutu. 21  Enẹwutu, Zeba po Zalmuna po dọmọ: “Hiẹ lọsu ni fọ́n bo hù mí, na huhlọn mẹde tọn wẹ nọ dohia dọ e yin sunnu.”* To whenẹnu, Gideoni fọ́n bo hù Zeba po Zalmuna po+ bosọ yí aṣọ́donu he taidi osun he to okọ̀ na kanklosọ́ yetọn lẹ. 22  To godo mẹ, sunnu Islaeli tọn lẹ dọna Gideoni dọmọ: “Dugán do mí ji, yèdọ hiẹ, visunnu towe po ovivi towe po, na hiẹ ko whlẹn mí sọn alọ Midiani tọn mẹ.”+ 23  Ṣigba, Gideoni dọna yé dọmọ: “Yẹn ma na dugán do mì ji, mọjanwẹ visunnu ṣie ma na dugán do mì ji do niyẹn. Jehovah wẹ na dugán do mì ji.”+ 24  Gideoni zindonukọn dọmọ: “Mì gbọ yẹn ni biọ nude mì: dopodopo mìtọn ni na mi alọkẹ awọntin tọn sọn ogblànnu etọn mẹ.” (Na yé tindo alọkẹ sika tọn he yin awọntin tọn lẹ, na Iṣmaelinu lẹ wẹ yé.)+ 25  Yé sọ gblọn dọmọ: “Matin ayihaawe, mí na bẹ yé jo.” Enẹwutu, yé tẹ́ tewu de bọ sunnu dopodopo dlan alọkẹ awọntin tọn de do e ji sọn ogblànnu etọn mẹ. 26  Zínpinpẹn alọkẹ sika tọn he yin awọntin tọn he e biọ lọ lẹ tọn to pọmẹ yin ṣekẹli* sika tọn 1 700, gbọnvona aṣọ́donu lẹ he taidi osun, kọnú lẹ po awù sopẹ́-vọ̀ tọn vẹẹ lẹ po he tin to ahọlu Midiani tọn lọ lẹ go gọna kọnú he to okọ̀ na kanklosọ́ lọ lẹ.+ 27  Gideoni yí i do basi efọdi*+ de bo tẹ́ ẹ do tòdaho etọn Ofla+ mẹ; omẹ Islaeli tọn lẹpo sọ lọga hẹ ẹ to gbigbọ-liho to finẹ,+ bọ e lẹzun omọ̀ de na Gideoni po whédo etọn po.+ 28  Gbọnmọ dali, Midiani+ yin hinhẹn zun mẹmẹglọ to Islaelivi lẹ nukọn, bo masọ diọnukunsọ yé ba;* aigba lọ sọ vò* na owhe 40 to azán Gideoni tọn lẹ gbè.+ 29  Enẹwutu, Jelubaali*+ visunnu Joaṣi tọn lẹkọyi owhé etọn titi gbè bo nọ nọ̀ finẹ. 30  Gideoni ji visunnu 70,* na asi susu wẹ e tindo. 31  Asimọwhlá etọn he tin to Ṣekẹmi lọsu ji visunnu de na ẹn bọ e ylọ oyín etọn dọ Abimẹlẹki.+ 32  Gideoni visunnu Joaṣi tọn sọ kú to whenuena e ko poyọnho pete bo yin dìdì do yọdò Joaṣi otọ́ etọn tọn mẹ, to Ofla Abi-ẹzẹlinu lẹ tọn.+ 33  Tlolo he Gideoni kú, Islaelivi lẹ sọ vọ́ lọga to gbigbọ-liho hẹ Baali lẹ,+ bọ yé de Baali-bẹliti taidi yẹwhe yetọn.+ 34  Islaelivi lẹ masọ flin Jehovah Jiwheyẹwhe yetọn+ he ko whlẹn yé sọn alọ kẹntọ yetọn lẹpo tọn mẹ lẹdo pé ba;+ 35  mọdopolọ yé ma do owanyi nugbo hia whédo Jelubaali, yèdọ Gideoni tọn, mahopọnna dagbe he ewọ ko wà na Islaeli lẹpo.+

Nudọnamẹ Odò Tọn

To paa mẹ, “gbigbọ yetọn jai gando ewọ go.”
Kavi “na dile sunnu de te, mọ wẹ huhlọn etọn nọ te do.”
Ṣekẹli dopo sọzẹn hẹ g 11,4. Pọ́n Nud. B14.
Pọ́n Zẹm.
To paa mẹ, “masọ ze alọ yetọn daga do yé ji ba.”
Kavi “tindo jijọho.”
Enẹ wẹ, Gideoni. Pọ́n Whẹ 6:32.
To paa mẹ, “tindo visunnu 70 he tọ́n sọn asapada etọn mẹ.”