Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Whẹdatọ lẹ 7:1-25

NUHE E BẸHẸN LẸ

  • Gideoni po sunnu 300 etọn lẹ po (1-8)

  • Awhànpa Gideoni tọn gbawhàn Midiani tọn (9-25)

    • “Ohí Jehovah tọn po Gideoni tọn po!” (20)

    • Bẹwlu to osla Midiani tọn mẹ (21, 22)

7  To whenẹnu, Jelubaali, enẹ wẹ Gideoni,+ po mẹhe to e dè lẹpo po fọ́n to afọnnu fuu bo dosla do dotọ̀ Halọdi tọn tó, bọ osla Midiani tọn tin to agewaji na ẹn to pópló Molẹ tọn ji to dankló* lọ ji.  Todin, Jehovah dọna Gideoni dọmọ: “Mẹhe tin to dè we lọ lẹ ko sù gbau na yẹn nido jo Midiani do alọ yetọn mẹ.+ Eyin e ma yinmọ, Islaeli sọgan wá ze ede daga do ji e bo dọmọ, ‘Alọ ṣie titi wẹ whlẹn mi.’+  Todin jaale, lá na gbẹtọ lọ lẹ dọmọ: ‘Mẹdepope he to budi kavi to sisọsisọ to mì mẹ, mì gbọ e ni lẹkọyi whé.’”+ Enẹwutu, Gideoni tẹ́n yé pọ́n. To whenẹnu, 22 000 to gbẹtọ lọ lẹ mẹ lẹkọyi whé, bọ e pò omẹ 10 000.  Ṣogan, Jehovah dọna Gideoni dọmọ: “Gbẹtọ lọ lẹ gbẹ́ sù gbau. Hẹn yé jẹte yì osin lọ tó, na yẹn nido tẹ́n yé pọ́n na we to finẹ. Eyin yẹn dọna we dọ, ‘Omẹ ehe na hodo we yì,’ ewọ wẹ na hodo we yì, ṣigba eyin yẹn dọna we dọ, ‘Omẹ ehe ma na hodo we yì,’ ewọ ma na hodo we yì.”  Enẹwutu, e hẹn gbẹtọ lọ lẹ jẹte yì osin lọ tó. To whenẹnu, Jehovah dọna Gideoni dọmọ: “Mẹdepope he yí odẹ́ etọn do didọ́ osin lọ kẹdẹdile avún de nọ didọ́ do, hiẹ na de e dovo sọn mẹhe jẹklo nado nù lẹ go.”  Sọha mẹhe didọ́ osin lọ sọn alọ yetọn mẹ lẹ tọn yin sunnu 300. Mẹhe pò lẹpo wẹ jẹklo do nùsin.  Todin, Jehovah dọna Gideoni dọmọ: “Gbọn sunnu 300 he didọ́ osin lọ lẹ gblamẹ wẹ yẹn na whlẹn mì, podọ yẹn na jo Midiani do alọ mìtọn mẹ.+ Ṣigba, gbọ mẹhe pò lọ lẹpo ni lẹkọyi whé.”  Enẹwutu, whenue yé ko yí núdùdù po azò gbẹtọ lọ lẹ tọn lẹ po sọn yé si godo, ewọ do sunnu Islaeli tọn he pò lọ lẹpo hlan whé, e sọ hẹn sunnu 300 lọ lẹ kẹdẹ gbọṣi ai. Osla Midiani tọn sọ tin to odò na ẹn to dankló lọ ji.+  To ozán enẹ mẹ, Jehovah dọna ẹn dọmọ: “Fọ́n bo tọ́nawhàn osla lọ, na yẹn ko jo e do alọ towe mẹ.+ 10  Ṣigba, eyin hiẹ to budi nado tọ́nawhàn yé janwẹ, jẹte yì osla lọ mẹ po Pula devizọnwatọ towe po. 11  Dotoaina nuhe dọ yé te, enẹgodo hiẹ na tindo adọgbigbo* nado tọ́nawhàn osla lọ.” Enẹwutu, ewọ po Pula devizọnwatọ etọn po jẹte yì bo sẹpọ fie awhànfuntọ lọ lẹ dosla do. 12  Midiani, Amalẹki po mẹhe nọ nọ̀ Whèzẹtẹn-waji lẹpo po+ ko gọ́ dankló lọ ji bo sù di owẹ̀n lẹ, podọ kanklosọ́ yetọn lẹ ma tindo sọha,+ na yé sù di tọkẹ́n huto tọn lẹ. 13  Todin, Gideoni wá, bọ dawe de to odlọ de dọna hatọ etọn bo dọmọ: “Odlọ he yẹn kú die. Akla mimlin balekun tọn de to bibli ja osla Midiani tọn mẹ. E wá gòhọ de kọ̀n bo hò do e go sinsinyẹn bọ e họ́.+ Mọwẹ, e sọtadona gòhọ lọ bọ gòhọ lọ họ́ sú ai pete.” 14  To whenẹnu, hatọ etọn lọ dọmọ: “Ehe ma sọgan yin nudevo de hú ohí Gideoni,+ visunnu Joaṣi tọn, yèdọ sunnu Islaeli tọn de. Jiwheyẹwhe ko jo Midiani po osla lọ lẹpo po do alọ etọn mẹ.”+ 15  Tlolo he Gideoni sè odlọ lọ po tadena etọn po,+ e dẹ́ do odò nado sẹ̀n. Enẹgodo, e lẹkọyi osla Islaeli tọn mẹ bo dọmọ: “Mì fọ́n, na Jehovah ko jo osla Midiani tọn do alọ mìtọn mẹ.” 16  To whenẹnu, e má sunnu 300 lọ lẹ do awhànfun-gbẹ́ atọ̀n ji bo yí azò lẹ+ po ozẹ́n daho vọ́tọ lẹ po na yemẹpo, bọ zòwhán lẹ tin to ozẹ́n lọ lẹ mẹ. 17  E sọ dọna yé dọmọ: “Mì pọ́n mi bo nọ basi kẹdẹdile yẹn to bibasi do. To whenue yẹn na sẹpọ osla lọ, mìwlẹ dona basi kẹdẹdile yẹn to bibasi do. 18  Eyin yẹn po mẹhe tin to dè e lẹpo po kún azò lọ, mìlọsu dona kún azò lọ lẹ lẹdo osla lọ pete bo dawhá dọ, ‘Na Jehovah podọ na Gideoni!’” 19  Gideoni po sunnu 100 he tin to e dè lọ lẹ po sẹpọ osla lọ to bẹjẹeji mimá awetọ ozán tọn,* to whenue nuṣọ́tọ lẹ ṣẹṣẹ yin dide do otẹn yetọn lẹ mẹ. Yé kún azò lọ lẹ+ bo gbà tọ̀zẹ́n daho he to alọ yetọn mẹ lọ lẹ do flinflin.+ 20  To whenẹnu, awhànfun-gbẹ́ atọ̀n lọ lẹ kún azò lọ lẹ bo gbà ozẹ́n daho lọ lẹ. Yé yí amiyọnlọ do hẹn zòwhán lọ lẹ bo kún azò he tin to adusilọ yetọn mẹ lọ lẹ bosọ dawhá dọmọ: “Ohí Jehovah tọn po Gideoni tọn po!” 21  To ojlẹ enẹ lọ lẹpo gblamẹ, mẹdopodopo gbọṣi otẹn etọn mẹ lẹdo osla lọ pé, bọ awhànfuntọ lọ lẹpo bẹwezun bo to awhádo dile yé to hinhọ̀n yì.+ 22  Sunnu 300 lọ lẹ zindonukọn nado to azò lọ lẹ kún, bọ Jehovah deanana ohí mẹhe to osla lọ mẹ lẹpo tọn sọta ode awetọ yetọn;+ awhànfuntọ lọ lẹ sọ họ̀n kaka yì Bẹti-ṣita, yì Zelela, kaka yì dogbó Abẹli-mẹhola+ tọn ji sẹpọ Tabati. 23  Sunnu Islaeli tọn lẹ sọ yin yiylọ pli dopọ sọn Naftali, Aṣeli po Manasse pete po,+ bọ yé dómọna omẹ Midiani tọn lẹ. 24  Gideoni do wẹnsagun lẹ hlan mẹhe to lẹdo osó tọn Eflaimi tọn lẹpo mẹ dọmọ: “Mì jẹte yì tọ́nawhàn omẹ Midiani tọn lẹ bo gbòalina yé to fie yè sọgan gbọn yì tọ̀sisa kọ̀n lẹ kaka yì Bẹti-bala po Jọdani po.” Enẹwutu, sunnu Eflaimi tọn lẹpo pli dopọ, bo gbòali to fie tọ̀sisa lẹ ma siso te kaka yì Bẹti-bala po Jọdani po. 25  Podọ yé wle ahọvi awe Midiani tọn lẹ, yèdọ Olẹbi po Zeẹbi po; yé hù Olẹbi to osé Olẹbi tọn ji,+ bo hù Zeẹbi to ovẹn-finyọ́ndo Zeẹbi tọn kọ̀n. Yé zindonukọn nado dómọna omẹ Midiani tọn lẹ,+ yé sọ hẹn ota Olẹbi po Zeẹbi po tọn wá Gideoni dè to agbegbe Jọdani tọn ji.

Nudọnamẹ Odò Tọn

Kavi “agbàdo.”
To paa mẹ, “alọ towe lẹ na lẹzun huhlọnnọ.”
Sọn nudi ogàn 10 zánmẹ tọn mẹ jẹ nudi ogàn 2 zánmẹ tọn mẹ.