Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Whẹdatọ lẹ 5:1-31

NUHE E BẸHẸN LẸ

  • Debola po Balak po jihàn awhàngbigba tọn (1-31)

    • Sunwhlẹvu lẹ hoavùn hẹ Sisela (20)

    • Agbàdo Kiṣọni tọn gọfla (21)

    • Mẹhe yiwanna Jehovah lẹ taidi owhè (31)

5  To azán enẹ gbè, Debola+ po Balak+ visunnu Abinoami tọn po kehàn+ dọmọ:   “Na oda lẹ yin jijodo* to Islaeli wutu, Na gbẹtọ lẹ to yede zejo sọn ojlo mẹ wá wutu,+ Mì pà Jehovah!   Mì dotoai, mì ahọlu lẹ! Mì tuntoai, mì ogán lẹ! Yẹn na jihàn hlan Jehovah. Yẹn na jihàn pipà tọn lẹ hlan Jehovah,+ Jiwheyẹwhe Islaeli tọn.+   Jehovah, to whenue hiẹ tọ́njẹgbonu sọn Seili,+ To whenue hiẹ zinzọnlin sọn aigba Edomi tọn ji, Aigba sisọ, olọn lẹ sọ kọ̀n osin, Aslọ lẹ kọ̀n osin wududu.   Osó lẹ yọ́* to Jehovah nukọn,+ Yèdọ Sinai ga to Jehovah, Jiwheyẹwhe Islaeli tọn+ nukọn.+   To azán visunnu Anati tọn he yin Ṣamgali+ tọn lẹ gbè, To azán Jaeli+ tọn lẹ gbè, ali lẹ jẹvọ́; Ali nugodo tọn lẹ kẹdẹ gbọn wẹ gbejizọnlinzintọ lẹ te.   Mẹhe nọ nọ̀ gbétatò mẹ to Islaeli lẹ hán;* Yé hán kakajẹ whenue yẹn Debola+ fọ́n, Yèdọ kakajẹ whenue yẹn fọ́n taidi onọ̀ de to Islaeli.+   Yé de yẹwhe yọyọ lẹ;+ Whenẹnu wẹ awhàn fọ́n to họngbo lẹ homẹ.+ Awọ̀yinu de ma sọgan yin mimọ, kavi owhán de, To omẹ 40 000 ṣẹnṣẹn to Islaeli.   Ahun ṣie tin hẹ awhàngán daho Islaeli tọn lẹ,+ Mẹhe ze yede jo sọn ojlo mẹ wá bo yì hẹ gbẹtọ lọ lẹ.+ Mì pà Jehovah! 10  Mì mẹhe to kẹtẹkẹtẹ he tindo sinmẹ taidi wlanwlan vẹẹ kùn lẹ, Mì mẹhe sinai do avọ̀ dagbedagbe he yin titẹdo kọmẹ ji lẹ, Podọ mì mẹhe to zọnlinzin to aliji lẹ, Mì lẹnnupọn! 11  Ogbè mẹhe nọ dọ̀n osin na kanlin lẹ tọn yin sisè sọn fie osin nọ yin dindọn te; Finẹ wẹ yé to azọ́n dodo tọn Jehovah tọn lẹ hodọ te, Azọ́n dodo tọn omẹ etọn he nọ nọ̀ gbétatò Islaeli tọn mẹ lẹ tọn lẹ. Whenẹnu wẹ omẹ Jehovah tọn lẹ jẹte wá họngbo lẹ kọ̀n. 12  Fọ́n, fọ́n Debola E!+ Fọ́n, fọ́n bo jihàn!+ Fọ́n, hiẹ Balak!+ Plan kanlinmọ towe lẹ yì, hiẹ visunnu Abinoami tọn! 13  Whenẹnu wẹ mẹhe pò lẹ jẹte wá omẹ nukundeji lẹ dè; Omẹ Jehovah tọn lẹ jẹte wá dè e sọta huhlọnnọ lẹ. 14  Eflaimi wẹ yé he to agbàdo mẹ lẹ tọ́n sọn; Yé to hihodo we, Bẹnjamini E, to omẹ towe lẹ ṣẹnṣẹn. Makili+ wẹ awhàngán daho lẹ jẹte sọn yì, Podọ Zebuluni wẹ mẹhe hẹn nuyizan wekantọ tọn lẹ wá sọn. 15  Ahọvi Isakali tọn lẹ tin hẹ Debola, Dile Isakali wà do, mọ wẹ Balak+ wà do. Afọ wẹ e zọ̀n yì dankló lọ ji.*+ To mimá Leubẹni tọn lẹ ṣẹnṣẹn, dodinnanu ahun mẹ tọn susu wẹ yin bibasi. 16  Naegbọn hiẹ do sinai to aglò awe he nọ yin pipla do osọ́ go lẹ ṣẹnṣẹn, Bo to todoaina ován he yé to kúnkún na lẹngbọpa lẹ?+ Na nuhe dù mimá Leubẹni tọn lẹ, dodinnanu ahun mẹ tọn susu wẹ yin bibasi. 17  Giliadi gbọṣi Jọdani godo;+ Podọ Dani, naegbọn ewọ do gbọṣi tọjihun lẹ kọ̀n?+ Aṣeli sinai do huto ma yí nude wà, Podọ húnglintẹn etọn lẹ wẹ e gbọṣi.+ 18  Omẹ Zebuluni tọn lẹ wẹ ze ogbẹ̀ yetọn do owù mẹ* jẹ kúdonu; Naftali lọsu,+ to ofi yiaga flala lẹ.+ 19  Ahọlu lẹ wá, yé hoavùn; Whenẹnu wẹ ahọlu Kenani tọn lẹ hoavùn+ To Taanaki, to osin Mẹgido tọn lẹ kọ̀n.+ Yé ma bẹ fataka taidi ogblànnu.+ 20  Sunwhlẹvu lẹ hoavùn sọn olọn; Otẹn yetọn lẹ mẹ wẹ yé hoavùn hẹ Sisela sọn. 21  Agbàdo* Kiṣọni tọn plọ́ yé yì,+ Agbàdo* hohowhenu tọn lọ, yèdọ agbàdo* Kiṣọni tọn. Alindọn* ṣie E, hiẹ tùnafọ huhlọnnọ lẹ ji. 22  Whenẹnu wẹ afọ osọ́ lẹ tọn to kọmẹ jlo Dile osọ́ asu etọn lẹ to wezunhọ̀n po zingidi po.+ 23  ‘Mì hodẹ̀do Mẹlọzi,’ wẹ angẹli Jehovah tọn dọ, ‘Mọwẹ, mì hodẹ̀do mẹhe nọ nọ̀ e mẹ lẹ, Na yé ma wá gọalọna Jehovah, Yé ma wá po huhlọnnọ lẹ po nado gọalọna Jehovah.’ 24  Donanọ hugan to yọnnu lẹ ṣẹnṣẹn wẹ Jaeli+ Asi Hebeli+ Keninu lọ tọn; Ewọ wẹ yin donanọ hugan to yọnnu he nọ nọ̀ gòhọ mẹ lẹ mẹ. 25  Osin wẹ dawe lọ biọ; anọ́sin wẹ ewọ na ẹn. Agbán daho yẹyinọ de mẹ wẹ ewọ na ẹn anọ́sin-hihò do.+ 26  E de alọ etọn bo ze opò tlọ́ntlọ́n gòhọ tọn, Adusilọ etọn wẹ e yí do ze ṣówhènú daho azọ́nwatọ lẹ tọn. E sọ yí ṣówhènú do whè Sisela bo gbà ota etọn, E sọ whè onú do topá etọn mẹ bo hányán ẹn.+ 27  Afọ yọnnu lọ tọn lẹ ṣẹnṣẹn wẹ e yọ́ do; e họ́ bo jai; Afọ yọnnu lọ tọn lẹ ṣẹnṣẹn wẹ e yọ́ bo họ́ do; Fihe e yọ́ do, finẹ wẹ e họ́ bo yin dududeji te. 28  Fleṣe nù wẹ yọnnu de pọnnu sọn, Baṣẹ́ he nọ nọ̀ fleṣe nù mẹ wẹ onọ̀ Sisela tọn pọnnu gbọn, ‘Naegbọn awhàn-kẹkẹ etọn do dọngbàn sọmọ? Naegbọn afọgbè osọ́-kẹkẹ etọn lẹ tọn do gbọwhenu sọmọ?’+ 29  Yọnnu nukundeji nawe lọ tọn he yọnnuin hugan lẹ na gblọnna ẹn; Mọwẹ, ewọ lọsu na vọ́ dọna ede dọ, 30  ‘Yé na ko to ogblànnu he yé mọ lẹ má, Awhli* de, yèdọ awhli* awe, na awhànfuntọ dopodopo, Ogblànnu ahóvọ̀ tọn na Sisela, ogblànnu ahóvọ̀ tọn, Awù kikó de, ahóvọ̀, awù kikó awe Na okọ̀ mẹhe bẹ ogblànnu lọ lẹ tọn.’ 31  Mọ wẹ kẹntọ towe lẹpo ni dọ̀n do,+ Jehovah E, Ṣigba, gbọ mẹhe yiwanna we lẹ ni taidi owhè he to sisẹ́ to gigo etọn mẹ.” Aigba lọ sọ vò* na owhe 40.+

Nudọnamẹ Odò Tọn

Kavi “Na awhànfuntọ he oda yetọn yin jijodo lẹ.”
Kavi vlavo, “sisọ.”
Kavi “vọ̀.”
Kavi “yì agbàdo lọ mẹ.”
Kavi “wẹ vlẹ alindọn yetọn kò.”
Kavi “Asisa.”
Kavi “Asisa.”
Kavi “asisa.”
Pọ́n Zẹm.
To paa mẹ, “Vidọ̀.”
To paa mẹ, “vidọ̀.”
Kavi “tindo jijọho.”