Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Whẹdatọ lẹ 14:1-20

NUHE E BẸHẸN LẸ

  • Samsọni dín asi Filistinu de (1-4)

  • Samsọni hù kinnikinni gbọn gbigbọ Jehovah tọn dali (5-9)

  • Oló Samsọni tọn to alọwle lọ ji (10-19)

  • Asi Samsọni tọn yin nina sunnu devo (20)

14  Enẹgodo, Samsọni jẹte yì Timna bo mọ yọnnu Filistinu de* to Timna.  Enẹwutu, e hẹji yì bo dọna otọ́ etọn po onọ̀ etọn po dọmọ: “Yọnnu Filistinu de dọ̀n ayidonugo ṣie to Timna, yẹn jlo dọ mì ni plan ẹn na mi di asi.”  Ṣigba, otọ́ etọn po onọ̀ etọn po dọna ẹn dọmọ: “Be hiẹ ma sọgan mọ yọnnu depope to hẹnnumẹ towe lẹ ṣẹnṣẹn podọ to omẹ mítọn lẹpo ṣẹnṣẹn wẹ?+ Be Filistinu he ma gboadà lẹ ṣẹnṣẹn wẹ hiẹ na yì dà asi sọn ya?” Ṣigba, Samsọni dọna otọ́ etọn dọmọ: “Saa plan ẹn na mi, na ewọ wẹ yọ́n to nukun ṣie mẹ.”  Otọ́ etọn po onọ̀ etọn po ma yọnẹn dọ Jehovah wẹ to anadena ẹn, na dotẹnmẹ hundote de dín wẹ E te nado tọ́nawhàn Filistinu lẹ, to whenuena e yindọ Filistinu lẹ wẹ to gandu do Islaeli ji to ojlẹ enẹ mẹ.+  Enẹwutu, Samsọni jẹte yì Timna hẹ otọ́ etọn po onọ̀ etọn po. To whenue e jẹ vẹngle Timna tọn lẹ kọ̀n, pọ́n! kinnikinni* de to lìlì wá pé e.  To whenẹnu, gbigbọ Jehovah tọn na ẹn huhlọn+ bọ e yí alọ tata do tlẹ́n ẹn do awe kẹdẹdile mẹde nọ tlẹ́n gbọgbọẹvu de do awe do. Ṣigba, e ma dọ nuhe e wà lọ na otọ́ etọn kavi onọ̀ etọn.  Enẹgodo, e jẹte yì bo dọho hẹ yọnnu lọ, podọ Samsọni gbẹ́ mọdọ yọnnu lọ yọ́n to nukun etọn mẹ.+  To godo mẹ, whenue e lẹkọ jei nado plan yọnnu lọ wá whé,+ e zẹ̀ nado pọ́n oṣiọ kinnikinni lọ tọn, bo mọdọ owín susugege ko bẹ yede pli do oṣiọ kinnikinni lọ tọn mẹ bo ko de owín vivi tọ́n.  Enẹwutu, e whlẹ́ owín lọ do alọmẹ bo to dùdù dile e to yìyì. To whenue e plá otọ́ etọn po onọ̀ etọn po, e na yé sọn e mẹ nado dù. Ṣigba, e ma dọna yé dọ oṣiọ kinnikinni de tọn mẹ wẹ e whlẹ́ owín lọ sọn. 10  Otọ́ etọn jẹte yì yọnnu lọ dè, bọ Samsọni basi hùnwhẹ de to finẹ, na mọ wẹ asisunọ yọyọ lẹ nọ wà do to whenẹnu. 11  To whenue gbẹtọ lọ lẹ mọ ẹn, yé de sunnu 30 na ẹn taidi họntọn asisunọ yọyọ lọ tọn lẹ, na yé nido nọ nọhẹ ẹ. 12  To whenẹnu, Samsọni dọna yé dọmọ: “Mì jaale, mì gbọ yẹn ni ze oló de donukọnna mì. Eyin mì penugo nado detana ẹn to azán ṣinawe hùnwhẹ lọ tọn lẹ gblamẹ bo dọ gblọndo lọ na mi, yẹn na na mì awù alavọ tọn 30 po avọ̀dido 30 po. 13  Ṣigba, eyin mì ma penugo nado dọ gblọndo lọ na mi, be mìwlẹ wẹ na na mi awù alavọ tọn 30 po avọ̀dido 30 po.” Yé sọ dọna ẹn dọmọ: “Dọ oló towe na mí; e jlo mí nado sè e.” 14  Enẹwutu, e dọna yé dọmọ: “Núdùtọ mẹ wẹ núdùdù wá sọn,Podọ huhlọnnọ mẹ wẹ onú vivi de wá sọn.”+ Yé ma penugo nado detana oló lọ na azán atọ̀n. 15  To azán ẹnẹtọ gbè, yé dọna asi Samsọni tọn dọmọ: “Doyẹklọ asu towe+ na e ni dọ gblọndo oló lọ tọn na mí. E ma yinmọ, mí na yí miyọ́n do fiọ hiẹ po owhé otọ́ towe tọn po. Be nado yí nutindo mítọn lẹ wutu wẹ mì do basi oylọna mí wáfi ya?” 16  Enẹwutu, asi Samsọni tọn viavi dokọna ẹn bo dọmọ: “Hiẹ tlẹ gbẹwanna mi dai wẹ; a ma yiwanna mi.+ Hiẹ ze oló de donukọnna omẹ ṣie lẹ, ṣigba hiẹ ma dọ gblọndo lọ na mi.” Ewọ sọ dọna ẹn dọmọ: “Etẹ nkọ, yẹn ma tlẹ dọ gblọndo lọ na otọ́ ṣie po onọ̀ ṣie titi po! Be hiẹ wẹ yẹn na wá dọ ẹ na ya?” 17  Ṣigba, ewọ to avivi dokọna ẹn na pipotọ azán ṣinawe he hùnwhẹ lọ dẹn na lọ lẹ tọn. To godo mẹ, e gbọ bo dọ gblọndo lọ na yọnnu lọ to azán ṣinawetọ gbè, na e ko dotukla ẹ gbau wutu. Enẹgodo, yọnnu lọ dọ gblọndo oló lọ tọn na omẹ etọn lẹ.+ 18  Enẹwutu, whẹpo owhè na tlẹ do yìhọ* to azán ṣinawetọ lọ gbè, sunnu tòdaho lọ tọn lẹ dọna ẹn dọmọ: “Etẹwẹ sọ vivi hú owín,Podọ etẹwẹ sọ dohuhlọn hú kinnikinni?”+ Ewọ sọ gblọnna yé dọmọ: “Eyin mìwlẹ ma ko yí oyìnsi winyanwinyan ṣie+ do pọ̀gle wẹ,Mì ma na ko detana oló ṣie.” 19  To whenẹnu, gbigbọ Jehovah tọn na ẹn huhlọn+ bọ e jẹte yì Aṣikelọni+ bo hù sunnu 30 sọn omẹ yetọn lẹ mẹ bosọ yí avọ̀ yetọn lẹ, e sọ bẹ avọ̀dido lọ lẹ jo na mẹhe na gblọndo oló lọ tọn lẹ.+ Ewọ sọ hẹji lẹkọyi owhé otọ́ etọn tọn gbè po homẹgble daho po. 20  Enẹgodo, asi Samsọni tọn+ yin nina dopo to họntọn asisunọ yọyọ lọ tọn he ko nọ nọhẹ ẹ dai lẹ mẹ.+

Nudọnamẹ Odò Tọn

To paa mẹ, “yọnnu de sọn viyọnnu Filistinu lẹ tọn mẹ.”
Kavi “kinnikinni winyanwinyan.”
Kavi vlavo, “whẹpo ewọ na tlẹ do biọ abò mẹ.”