Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Whẹdatọ lẹ 1:1-36

NUHE E BẸHẸN LẸ

  • Awhàngbigba Juda po Simeoni po tọn lẹ (1-20)

  • Jẹbusinu lẹ gbọṣi Jelusalẹm (21)

  • Josẹfu yí Bẹtẹli (22-26)

  • Kenaninu lẹpo ma yin yinyan (27-36)

1  To okú Jọṣua tọn godo,+ Islaelivi* lẹ kanhose Jehovah+ dọmọ: “Mẹnu lẹ whẹ́whẹ́ wẹ na hẹji to mí mẹ nado yì hoavùn hẹ Kenaninu lẹ?”  Jehovah sọ gblọn dọmọ: “Juda wẹ na hẹji yì.+ Mì pọ́n! Yẹn ko jo aigba lọ do alọ etọn mẹ.”  To whenẹnu, Juda dọna nọvisunnu etọn Simeoni dọmọ: “Hẹji hodo mi yì aigba he yin nina mi* ji+ nado hoavùn hẹ Kenaninu lẹ. Enẹgodo, yẹnlọsu na hodo we yì aigba he yin nina we ji.” Enẹwutu, Simeoni hodo e yì.  To whenue Juda hẹji yì, Jehovah jo Kenaninu lẹ po Pelizinu lẹ po do alọ yetọn mẹ+ bọ yé gbawhàn sunnu 10 000 tọn to Bezẹki.  Yé mọ Adoni-bezẹki to Bezẹki, bo hoavùn hẹ ẹ to finẹ bosọ gbawhàn Kenaninu lẹ+ po Pelizinu lẹ+ po tọn.  Whenue Adoni-bezẹki họ̀n, yé dómọna ẹn bo wle e bosọ sán alọsu po afọsu etọn lẹ po.  To whenẹnu, Adoni-bezẹki dọmọ: “Ahọlu 70 he alọsu po afọsu yetọn lẹ po ko yin sinsánsẹ wẹ nọ ṣinyan núdù to tafo ṣie glọ. Kẹdẹdile yẹn ko wà do, mọ wẹ Jiwheyẹwhe suahọ mi do.” Enẹgodo, yé hẹn ẹn wá Jelusalẹm,+ e sọ kú do finẹ.  Humọ, sunnu Juda tọn lẹ funawhàn sọta Jelusalẹm+ bo yí i; yé sọ yí ohí do hù mẹhe nọ nọ̀ e mẹ lẹ bo domiyọ́n tòdaho lọ.  Enẹgodo, sunnu Juda tọn lẹ jẹte yì nado hoavùn hẹ Kenaninu he nọ nọ̀ lẹdo osó tọn gọna Negẹb po Ṣefela po mẹ lẹ.+ 10  To whenẹnu, Juda tọ́nawhàn Kenaninu he nọ nọ̀ Heblọni lẹ (Kiliati-alba wẹ Heblọni nọ yin dai), yé sọ hù Ṣeṣai, Ahimani po Talmai po.+ 11  Sọn finẹ, yé tọ́nawhàn mẹhe nọ nọ̀ Debili lẹ.+ (Kiliati-sefẹli wẹ Debili nọ yin dai.)+ 12  To whenẹnu, Kalẹbi+ dọmọ: “Mẹdepope he gbawhàn Kiliati-sefẹli tọn bo yí i, yẹn na na ẹn Aksa viyọnnu ṣie taidi asi.”+ 13  Kenazi,+ nọvisunnu pẹvi Kalẹbi tọn sin visunnu he nọ yin Otniẹli+ sọ yí otò lọ. Enẹwutu, ewọ na ẹn Aksa viyọnnu etọn taidi asi. 14  To whenuena viyọnnu lọ jei asu etọn whé, e vẹ̀ asu etọn nado biọ aigba de sọn otọ́ etọn si. Enẹgodo, viyọnnu lọ jẹte sọn kẹtẹkẹtẹ etọn ji.* Kalẹbi sọ kanbiọ ẹ dọmọ: “Etẹwẹ hiẹ jlo?” 15  Viyọnnu lọ sọ dọna ẹn dọmọ: “Jaale, dona mi, aigba he tin to hùwaji* wẹ hiẹ kán na mi; na mi Guloti-maimi* ga.” Enẹwutu, Kalẹbi na ẹn Agawaji Guloti tọn po Dòwaji Guloti tọn po. 16  Podọ Keninu+ lọ he yin asi-tọ́ Mose tọn+ sin kúnkan lẹ, hẹji sọn tòdaho odétin lẹ tọn+ mẹ hodo omẹ Juda tọn lẹ yì danfafa Juda tọn ji, to hùwaji Aladi+ tọn. Yé sọ yì bo nọ nọ̀ finẹ hẹ mẹlọ lẹ.+ 17  Ṣigba, Juda hodo nọvisunnu etọn Simeoni bọ yé tọ́nawhàn Kenaninu he nọ nọ̀ Zefati lẹ bo và tòdaho lọ sudo mlẹnmlẹn.+ Enẹwutu, yé ylọ tòdaho lọ dọ Họlma.*+ 18  Enẹgodo, Juda yí Gaza+ po lẹdo etọn po, Aṣikelọni+ po lẹdo etọn po, gọna Eklọni+ po lẹdo etọn po. 19  Jehovah tin hẹ Juda bọ yé yí lẹdo osó tọn lọ, ṣigba yé ma penugo nado yàn mẹhe nọ nọ̀ dankló* lọ ji lẹ sẹ̀, na yé tindo osọ́-kẹkẹ awhàn tọn lẹ he ohí didá lẹ to afọ yetọn go.+ 20  Yé na Heblọni Kalẹbi, kẹdẹdile Mose ko dopagbe etọn do,+ bọ e yàn visunnu Anaki+ tọn atọ̀n lẹ sẹ̀ sọn finẹ. 21  Ṣigba, Bẹnjamininu lẹ ma yàn Jẹbusinu he nọ nọ̀ Jelusalẹm lẹ sẹ̀, enẹwutu Jẹbusinu lẹ gbẹ́ nọ nọhẹ Bẹnjamininu lẹ to Jelusalẹm kakajẹ egbehe.+ 22  To ojlẹ enẹ mẹ, whédo Josẹfu tọn+ hẹji yì tọ́nawhàn Bẹtẹli bọ Jehovah tin po yé po.+ 23  Whédo Josẹfu tọn yì bẹ̀ Bẹtẹli pọ́n (nalete, Luzi wẹ tòdaho lọ nọ yin dai),+ 24  podọ amẹ́ lọ lẹ mọ sunnu de he to tintọ́n sọn tòdaho lọ mẹ. Enẹwutu, yé dọna ẹn dọmọ: “Jaale, do ali he biọ tòdaho lọ mẹ hia mí, míwlẹ nasọ do homẹdagbe* hia we.” 25  To whenẹnu, dawe lọ do ali he biọ tòdaho lọ mẹ hia yé, yé sọ yí ohí do hù mẹhe nọ nọ̀ tòdaho lọ mẹ lẹ, ṣigba yé jo dawe lọ po whẹndo etọn blebu po do nado yì.+ 26  Dawe lọ yì aigba Hetinu lẹ tọn ji bo gbá tòdaho de bosọ ylọ oyín etọn dọ Luzi, podọ yinkọ etọn niyẹn kakajẹ egbehe. 27  Manasse ma yí Bẹti-ṣeani po tòpẹvi he to oglọ na ẹn lẹ po, Taanaki+ po tòpẹvi he to oglọ na ẹn lẹ po, Dọli gọna mẹhe nọ nọ̀ e mẹ lẹ po tòpẹvi he to oglọ na ẹn* lẹ po, Ibleami gọna mẹhe nọ nọ̀ e mẹ lẹ po tòpẹvi he to oglọ na ẹn lẹ po, podọ Mẹgido gọna mẹhe nọ nọ̀ e mẹ lẹ po tòpẹvi he to oglọ na ẹn lẹ po.+ Kenaninu lẹ sọ gbọṣi aigba ehe ji. 28  To whenue omẹ Islaeli tọn lẹ wá lẹzun huhlọnnọ dogọ, yé hẹn Kenaninu lọ lẹ gánnugánnu nado nọ wazọ́n sinsinyẹn lẹ,+ ṣigba yé ma yàn yé sẹ̀ pete.+ 29  Mọdopolọ, Eflaimi ma yàn Kenaninu he nọ nọ̀ Gezẹli lẹ sẹ̀. Kenaninu lọ lẹ sọ gbọṣi ṣẹnṣẹn yetọn to Gezẹli.+ 30  Zebuluni ma yàn mẹhe nọ nọ̀ Kitlọni lẹ po mẹhe nọ nọ̀ Nahaloli+ lẹ po sẹ̀. Kenaninu lọ lẹ sọ gbọṣi ṣẹnṣẹn yetọn bo yin hinhẹn gánnugánnu nado nọ wazọ́n sinsinyẹn lẹ.+ 31  Aṣeli ma yàn mẹhe nọ nọ̀ Ako lẹ gọna mẹhe nọ nọ̀ Sidoni,+ Ahlabi, Akzibi,+ Hẹlba, Afiki+ po Lehobi+ po lẹ sẹ̀. 32  Enẹwutu, Aṣelinu lẹ gbọṣi Kenaninu he nọ nọ̀ aigba lọ ji lẹ ṣẹnṣẹn, na yé ma yàn yé sẹ̀ wutu. 33  Naftali ma yàn mẹhe nọ nọ̀ Bẹti-ṣemẹṣi lẹ po mẹhe nọ nọ̀ Bẹti-anati+ lẹ po sẹ̀, ṣigba yé gbọṣi Kenaninu he nọ nọ̀ aigba lọ ji lẹ ṣẹnṣẹn.+ Yé sọ hẹn mẹhe nọ nọ̀ Bẹti-ṣemẹṣi po Bẹti-anati po lẹ gánnugánnu nado nọ wazọ́n sinsinyẹn lẹ. 34  Amolinu lẹ sọ glọn Daninu lẹ do lẹdo osó tọn lọ mẹ, na yé ma na dotẹnmẹ yé nado jẹte wá dankló* lọ ji.+ 35  Enẹwutu, Amolinu lẹ gbọṣi Osó Helẹsi ji podọ Aijalọni+ po Ṣaalbimi+ po. Ṣigba, to whenue whédo Josẹfu tọn wá lẹzun huhlọnnọ dogọ, yé yin hinhẹn gánnugánnu nado nọ wazọ́n sinsinyẹn lẹ. 36  Aigba Amolinu lẹ tọn bẹsọn agawaji Aklabimi tọn,+ podọ sọn Sela dedo aga.

Nudọnamẹ Odò Tọn

To paa mẹ, “visunnu Islaeli tọn.”
To paa mẹ, “yin mimá ṣie.”
Kavi vlavo, “viyọnnu lọ hopẹ́ dile ewọ to kẹtẹkẹtẹ lọ ji.”
Kavi “Negẹb.”
Zẹẹmẹdo “Basia (Agbán) Osin Tọn lẹ.”
Zẹẹmẹdo “Nuhe Yin Kinklandovo Na Vasudo.”
Kavi “agbàdo.”
To paa mẹ, “owanyi nugbo.”
Kavi “he lẹdo e pé.”
Kavi “agbàdo.”