Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 99:1-9

NUHE E BẸHẸN LẸ

  • Jehovah, Ahọlu wiwe

    • Sin ofìn ji to aga kelubimi lẹ tọn (1)

    • Nọ jona bo nọ domẹplọnlọmẹgo (8)

99  Jehovah ko lẹzun Ahọlu.+ Mì gbọ gbẹtọ lẹ ni sisọ. Ewọ sinai to ofìn ji to aga* kelubimi lẹ tọn.+ Mì gbọ aigba ni whàn.   Jehovah ko do kiklo-yinyin etọn hia to Ziọni, Ewọ sọ yiaga hú gbẹtọ lẹpo.+   Gbọ yé ni pà oyín daho towe,+ Na e dobu bosọ yin wiwe.   Ahọlu huhlọnnọ de wẹ ewọ bosọ yiwanna whẹdida dodo.+ Hiẹ ko hẹn dodowiwa lodo gligli. Hiẹ ko sọ hẹn whẹdida dodo po dodowiwa po ṣẹ+ na Jakọbu.   Mì ze Jehovah Jiwheyẹwhe mítọn daga+ bo dẹ́ do odò* to tokloafọligbe etọn;+ Wiwe wẹ ewọ.+   Mose po Aalọn po tin to yẹwhenọ etọn lẹ mẹ,+ Podọ Samuẹli tin to mẹhe nọ dawhá ylọ oyín etọn lẹ mẹ.+ Yewlẹ nọ ylọ Jehovah, Bọ ewọ nọ siọ yé.+   Ewọ nọ dọhona yé sọn dòtin aslọ tọn lọ mẹ.+ Yé sọ hodo nuflinmẹ etọn lẹ bo yìn gbedide he e na yé.+   Jehovah Jiwheyẹwhe mítọn E, hiẹ wẹ siọ yé.+ Hiẹ wẹ Jiwheyẹwhe he jona yé,+ Ṣigba, hiẹ domẹplọnlọ* yé go na ylanwiwa yetọn lẹ wutu.+   Mì ze Jehovah Jiwheyẹwhe mítọn daga+ Bo dẹ́ do odò* to osó wiwe etọn nukọn,+ Na wiwe wẹ Jehovah Jiwheyẹwhe mítọn.+

Nudọnamẹ Odò Tọn

Kavi vlavo, “ṣẹnṣẹn.”
Kavi “basi sinsẹ̀n.”
To paa mẹ, “yiahọsu to.”
Kavi “basi sinsẹ̀n.”