Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu 98:1-9

NUHE E BẸHẸN LẸ

  • Jehovah, Whlẹngántọ po Whẹdatọ dodo po

    • Whlẹngán Jehovah tọn hinhẹn zun yinyọnẹn (2, 3)

Ohàn de. 98  Mì jihàn yọyọ de+ hlan Jehovah, Na ewọ ko wà nujiawu lẹ.+ Adusilọ etọn, yèdọ awà wiwe etọn, ko hẹn whlẹngán wá.*+   Jehovah ko hẹn whlẹngán etọn zun yinyọnẹn;+ E ko do dodowiwa etọn hia to akọta lẹ nukọn.+   Ewọ ko flin opagbe etọn nado do owanyi nugbo po nugbonọ-yinyin po hia whédo Islaeli tọn.+ Opodo aigba tọn lẹpo ko mọ whlẹngán* Jiwheyẹwhe mítọn tọn.+   Mì dawhá awhàngbigba tọn hlan Jehovah, mì aigba lẹpo emi. Mì jẹaglin bo yí ayajẹ do dawhá bosọ jihàn pipà tọn lẹ.+   Mì yí ajalẹn do jihàn pipà tọn lẹ hlan Jehovah, Mọwẹ, ajalẹn po hàngbe milomilo de po.   Mì yí opẹ̀n lẹ po nudidọ azò tọn lẹ po+ Do dawhá awhàngbigba tọn to Jehovah, Ahọlu lọ nukọn.   Mì gbọ ohù po nuhe tin to e mẹ lẹpo po ni dọnú di hẹviosò, Gọna aigba po mẹhe nọ nọ̀ e ji lẹ po.   Mì gbọ tọ̀sisa lẹ ni hopẹ́; Na osó lẹ ni yí ayajẹ do dawhá dopọ+   To Jehovah nukọn, na ewọ ja* nado dawhẹna aigba. Ewọ na dawhẹna aigba to dodo mẹ+ Bo nasọ dawhẹ jijlọ na gbẹtọ lẹ.+

Nudọnamẹ Odò Tọn

Kavi “ko gbawhàn na ẹn.”
Kavi “awhàngbigba.”
Kavi “ko wá.”