Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu 97:1-12

NUHE E BẸHẸN LẸ

  • Jehovah yin zizedaga hú yẹwhe lẹ

    • “Jehovah ko lẹzun Ahọlu!” (1)

    • Yiwanna Jehovah, gbẹwanna oylan (10)

    • Hinhọ́n na dodonọ (11)

97  Jehovah ko lẹzun Ahọlu!+ Mì gbọ aigba ni jaya.+ Mì gbọ lopo lẹ ni jẹaglin.+   Aslọ lẹ po zinvlu gọ́ngọ́n po wẹ lẹdo e pé;+ Dodowiwa po whẹdida dodo po wẹ yin dodonu ofìn etọn tọn.+   Miyọ́n nọ tọ́njẹgbonu sọn nukọn etọn+ Bo nọ fiọ kẹntọ etọn lẹ to awà lẹpo ji.+   Gbigbòdlán abì etọn lẹ tọn nọ tá hinhọ́n do aigba ji; Aigba nọ mọ bo nọ sisọ.+   Osó lẹ nọ yọ́ di osẹ̀n to Jehovah nukọn,+ Yèdọ to Oklunọ aigba lẹpo tọn nukọn.   Olọn lẹ nọ lá dodowiwa etọn, Bọ gbẹtọ lẹpo nọ mọ gigo etọn.+   Mì gbọ mẹhe to boṣiọ pipà sẹ̀n lẹpo ni duwinyan,+ Yèdọ mẹhe nọ doawagun gando yẹwhe ovọ́ yetọn go lẹ.+ Mì dẹ́ do odò na* ẹn, mì yẹwhe lẹpo emi.+   Ziọni sè bosọ jẹaglin;+ Tòpẹvi* Juda tọn lẹ sọ jaya Na whẹdida towe lẹ wutu, Jehovah E.+   Na hiẹ, Jehovah E, hiẹ wẹ Gigogán to aigba lẹpo ji; Hiẹ ko yin zizedaga pete hú yẹwhe he pò lẹpo.+ 10  Mì mẹhe yiwanna Jehovah lẹ emi, mì gbẹwanna oylan.+ Ewọ nọ basi hihọ́na ogbẹ̀* nugbonọ etọn lẹ tọn;+ E nọ whlẹn yé sọn alọ* mẹylankan tọn mẹ.+ 11  Hinhọ́n ko họnwun na dodonọ+ Podọ aglinjijẹ na ahunjijlọnọ lẹ. 12  Mì jaya to Jehovah mẹ, mì dodonọ lẹ emi, Mì pà oyín wiwe* etọn.

Nudọnamẹ Odò Tọn

Kavi “basi sinsẹ̀n hlan.”
To paa mẹ, “Viyọnnu.”
Kavi “alindọn.”
Kavi “huhlọn.”
To paa mẹ, “pà oflin.”