Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 96:1-13

NUHE E BẸHẸN LẸ

  • “Mì jihàn yọyọ de hlan Jehovah”

    • Jehovah jẹna pipà tlala (4)

    • Ovọ́ wẹ yẹwhe gbẹtọ tọn lẹ (5)

    • Sẹ̀n to aṣọ́donu wiwe mẹ (9)

96  Mì jihàn yọyọ+ de hlan Jehovah. Mì jihàn hlan Jehovah, mì aigba lẹpo emi!+   Mì jihàn hlan Jehovah; mì pà oyín etọn. Mì nọ lá wẹndagbe whlẹngán etọn tọn egbesọegbesọ.+   Mì nọ lá gigo etọn to akọta lẹ ṣẹnṣẹn, Podọ azọ́njiawu etọn lẹ to gbẹtọ lẹpo ṣẹnṣẹn.+   Jehovah klo bosọ jẹna pipà tlala. Ewọ wẹ jẹna budisi hugan yẹwhe he pò lẹpo.   Yẹwhe ovọ́ lẹ wẹ yẹwhe gbẹtọ lẹ tọn lẹpo yin,+ Ṣigba, Jehovah wẹ dá olọn lẹ.+   Gigo* po whanpẹ daho po tin to nukọn etọn;+ Huhlọn po whanpẹ po tin to fiwiwe etọn.+   Mì na Jehovah nuhe ewọ jẹna, mì whẹndo gbẹtọ lẹ tọn lẹ emi, Mì na Jehovah nuhe ewọ jẹna, na gigo po huhlọn etọn po wutu.+   Mì na Jehovah gigo he oyín etọn jẹna;+ Mì hẹn nunina wá bo biọ awánu etọn lẹ mẹ.   Mì dẹ́ do odò na* Jehovah to aṣọ́donu wiwe mẹ;* Mì sisọ to nukọn etọn, mì aigba lẹpo emi! 10  Mì lá to akọta lẹ ṣẹnṣẹn dọ: “Jehovah ko lẹzun Ahọlu!+ Aigba ko yin didoai gligli, e ma sọgan yin tẹnsẹna.* Ewọ na dawhẹ jijlọ* na gbẹtọ lẹ.”+ 11  Mì gbọ olọn lẹ ni hùnhomẹ, podọ aigba ni jaya; Mì gbọ ohù po nuhe tin to e mẹ lẹpo po ni dọnú di hẹviosò;+ 12  Mì gbọ ogle lẹ po nuhe tin to yé mẹ lẹpo po ni hùnhomẹ.+ To ojlẹ dopolọ mẹ, mì gbọ atin he tin to zungbo mẹ lẹpo ni yí ayajẹ do dawhá+ 13  To Jehovah nukọn, na ewọ ja,* Ewọ ja nado dawhẹna aigba. Ewọ na dawhẹna aigba to dodo mẹ+ Bo nasọ dawhẹna gbẹtọ lẹ po nugbonọ-yinyin po.+

Nudọnamẹ Odò Tọn

Kavi “Yẹyi.”
Kavi “basi sinsẹ̀n hlan.”
Kavi vlavo, “na whanpẹ daho wiwe-yinyin etọn tọn wutu.”
Kavi “ma sọgan dahli.”
Kavi “yí owhẹ̀ dọ.”
Kavi “ko wá.”