Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu 95:1-11

NUHE E BẸHẸN LẸ

  • Sinsẹ̀n-bibasi nugbo nọ zọnpọ hẹ tonusise

    • “Egbé, eyin mìwlẹ dotoaina ogbè etọn” (7)

    • ‘Mì hẹn ahun mìtọn sinyẹn blo’ (8)

    • “Yé ma na biọ gbọjẹ ṣie mẹ” (11)

95  Mì wá, bo gbọ mí ni yí ayajẹ do dawhá hlan Jehovah! Mì gbọ mí ni dawhá awhàngbigba tọn hlan Osé whlẹngán mítọn tọn.+   Mì gbọ mí ni wá nukọn etọn po pẹdido po;+ Mì gbọ mí ni jihàn bo dawhá awhàngbigba tọn hlan ẹn.   Na Jiwheyẹwhe daho de wẹ Jehovah, Yèdọ Ahọlu daho de do yẹwhe he pò lẹpo ji.+   Odò he siso lẹ tin to alọ etọn mẹ; Etọn sọ wẹ osó he yiaga lẹ.+   Etọn wẹ ohù, na ewọ wẹ dá ẹ,+ Podọ alọ etọn lẹ wẹ wleawuna aigba-klo.+   Mì wá, mì gbọ mí ni basi sinsẹ̀n bo dẹ́ do odò; Mì gbọ mí ni jẹklo to Jehovah, Mẹdatọ mítọn nukọn.+   Na ewọ wẹ Jiwheyẹwhe mítọn, Podọ míwlẹ wẹ omẹ etọn lẹ, Bọ ewọ nọ penukundo mí go di lẹngbọ lẹ to kanlindugbo de mẹ.+ Egbé, eyin mìwlẹ dotoaina ogbè etọn,+   Mì hẹn ahun mìtọn sinyẹn taidi to Mẹliba* blo,+ Taidi to azán Masa* tọn gbè to danfafa ji,+   Whenue tọgbo mìtọn lẹ whlé mi pọ́n;+ Yé tẹ́n mi pọ́n, mahopọnna dọ yé ko mọ azọ́n ṣie lẹ.+ 10  Yẹn gblehomẹ sinsinyẹn do whẹndo enẹ go na owhe 40 bo dọmọ: “Whepoponu wẹ ahun omẹ ehelẹ tọn nọ to dindanpe; Yé ma ko yọ́n aliho ṣie lẹ.” 11  Enẹwutu wẹ yẹn whlé to homẹgble ṣie mẹ dọ: “Yé ma na biọ gbọjẹ ṣie mẹ.”+

Nudọnamẹ Odò Tọn

Zẹẹmẹdo “Whẹgbè Dido.”
Zẹẹmẹdo “Mẹtẹnpọn; Mẹwhlepọn.”