Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu 92:1-15

NUHE E BẸHẸN LẸ

  • Jehovah yin zizedaga kakadoi

    • Azọ́njiawu po linlẹn he siso etọn lẹ po (5)

    • ‘Dodonọ na vùn di atin’ (12)

    • Yọnhonọ lẹ na pò to sinsẹ́n detọ́n (14)

Ohàn de na Gbọjẹzan. 92  E yọ́n nado nọ dopẹna Jehovah+Bo nọ jihàn pipà tọn lẹ do pà oyín towe, hiẹ Gigogán E,   Nado nọ lá owanyi nugbo+ towe to afọnnuPodọ nugbonọ-yinyin towe to zánmẹ,   To hànjinu he tindo okàn ao po hànjinu devo po ji,Podọ to ajalẹn he tindo ogbè milomilo de ji.+   Na hiẹ ko yí azọ́n towe lẹ do hẹn homẹ ṣie hùn, Jehovah E;Yẹn nọ yí ayajẹ do dawhá, na azọ́n alọ towe tọn lẹ wutu.   Lehe azọ́n towe lẹ jiawu do sọ, Jehovah E!+ Lehe linlẹn towe lẹ siso taun do sọ!+   Wunvinọ depope ma sọgan yọ́n yé;Podọ nulunọ depope ma sọgan mọnukunnujẹ ehe mẹ dọ:+   Eyin mẹylankan tọ́nkun di ogbéBọ ylanwatọ lẹpo to vùnvùn,Na yé nido yin huhusudo kakadoi wutu wẹ.+   Ṣigba, hiẹ ko yin zizedaga kakadoi, Jehovah E.   Na nugbo tọn, jẹaglin do kẹntọ towe lẹ ji, Jehovah E,Pọ́n lehe kẹntọ towe lẹ na dọ̀n do;Ylanwatọ lẹpo wẹ yè na vúnvún pé.+ 10  Ṣigba, hiẹ na na mi huhlọn* dogọ di oyìnsú gbémẹ tọn de;Yẹn na sá amì+ awumiọnnamẹ tọn do agbasa. 11  Nukun ṣie lẹ na nọ jẹaglin do kẹntọ ṣie lẹ ji;+Otó ṣie lẹ na nọ sè gando aijijẹ mẹylankan he nọ yangbé ṣie lẹ tọn go. 12  Ṣigba, dodonọ na vùn di odétinBo na klo di kedali de to Lẹbanọni.+ 13  Yé yin dido do owhé Jehovah tọn gbè;Yé na nọ vùn to awánu Jiwheyẹwhe mítọn tọn lẹ mẹ.+ 14  Eyin yé tlẹ poyọnho,* yé na gbẹ́ nọ to sinsẹ́n detọ́n;+Yé na gbẹ́ tindo huhlọn* bo lodo,+ 15  Bo nasọ nọ lá dọ nugbonọ wẹ Jehovah. Ewọ wẹ Osé ṣie,+ mẹhe mẹ mawadodo depope ma tin te.

Nudọnamẹ Odò Tọn

To paa mẹ, “azò.”
Kavi “wú owhà.”
To paa mẹ, “ojó.”