Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu 91:1-16

NUHE E BẸHẸN LẸ

  • Hihọ́ to fiwhiwhlá Jiwheyẹwhe tọn

    • Yin whinwhlẹn sọn hẹ̀hùtọ si (3)

    • Fibẹtado to awà Jehovah tọn glọ (4)

    • To hihọ́ glọ eyin fọtọ́n tlẹ jai (7)

    • Yè degbena angẹli lẹ nado basi hihọ́namẹ (11)

91  Mẹdepope he nọ nọ̀ fiwhiwhlá Gigogán lọ tọn+ Na nọ nọ̀ oyẹ̀ Ganhunupotọ lọ tọn glọ.+   Yẹn na dọna Jehovah dọmọ: “Hiẹ wẹ fibẹtado po figángán ṣie po,+ Yèdọ Jiwheyẹwhe ṣie, mẹhe go yẹn dejido.”+   Na ewọ na whlẹn we sọn omọ̀ hẹ̀hùtọ lọ tọn mẹ, Sọn azọ̀nylankan mẹvasudotọ lọ si.   Ewọ na ṣinyọ́n awàfún etọn lẹ ji we,* Bọ hiẹ na dín fibẹtado to awà etọn lẹ glọ.+ Nugbonọ-yinyin etọn+ na yin awọ̀yinu daho+ de po adó hihọ́-basinamẹ tọn* de po na we.   Hiẹ ma na dibuna nuhe nọ dobunamẹ to zánmẹ lẹ,+ Kavi na ogába he nọ zlọn to okle,+   Kavi na azọ̀nylankan he nọ bẹplamẹ to zinvlu mẹ, Kavi na vasudo he nọ hẹnnugble to owhè ṣádada mẹ.   Omẹ fọtọ́n na jai to adà towe mẹ Podọ omẹ fọtọ́n donu ao to adusilọ towe mẹ, Ṣigba, nuylankan ehelẹ depope ma na jọ do gowe.+   Hiẹ na yí nukun towe do mọ poun wẹ Dile hiẹ na to yasanamẹ* mẹylankan lẹ tọn pọ́n.   Na hiẹ dọmọ: “Jehovah wẹ fibẹtado ṣie,” Hiẹ ko yí Gigogán lọ do basi fininọ* towe;+ 10  Nugbajẹmẹji depope ma na wá ji we,+ Podọ azọ̀nylankan depope ma na sẹpọ gòhọ towe. 11  Na ewọ na degbena angẹli etọn lẹ+ na hiẹ tọn wutu, Nado nọ basi hihọ́na we to aliho towe lẹpo ji.+ 12  Yewlẹ na hẹn we do alọ yetọn lẹ mẹ,+ Na hiẹ nikaa klẹnafọ do zannu de go.+ 13  Hiẹ na tùnafọ kinnikinni winyanwinyan po lopa po ji; Hiẹ na tùnafọ kinnikinni asu po odàn daho po ji.+ 14  Jiwheyẹwhe dọmọ: “Na ewọ yiwanna mi* wutu, yẹn na whlẹn ẹn gán.+ Yẹn na nọ basi hihọ́na ẹn, na ewọ yọ́n oyín ṣie.+ 15  Ewọ na dawhá ylọ mi bọ yẹn na siọ ẹ.+ Yẹn na nọhẹ ẹ to ayimajai whenu.+ Yẹn na whlẹn ẹn bo doyẹyigona ẹn. 16  Yẹn na yí ogbẹ̀ gaa do hẹn pekọ wá na ẹn,+ Bo nasọ hẹn ẹn nado mọ azọ́n whlẹngán tọn ṣie lẹ.”*+

Nudọnamẹ Odò Tọn

Kavi “Ewọ na yí awàfún etọn lẹ do súali ma nado wá dè we.”
Kavi “figángán.”
To paa mẹ, “ahọsumẹ.”
Kavi vlavo, “figángán; fibẹtado.”
To paa mẹ, “ko kọ̀n ede dopọ hẹ mi.”
Kavi “mọ whlẹngán sọn dè e.”