Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 90:1-17

NUHE E BẸHẸN LẸ

  • Gbẹzan gbẹtọ tọn whègli

    • Owhe fọtọ́n taidi osọ he wayi (4)

    • Gbẹtọ nọ nọgbẹ̀ na owhe 70-80 (10)

    • ‘Plọn mí nado hia azán mítọn lẹ’ (12)

Odẹ̀ Mose, omẹ Jiwheyẹwhe nugbo lọ tọn.+ 90  Jehovah E, hiẹ wẹ fininọ*+ mítọn sọn whẹndo de mẹ jẹ devo mẹ.   Whẹpo osó lẹ do yin jiji Kavi whẹpo hiẹ do de aigba po aihọn po tọ́njẹgbonu,*+ Yèdọ sọn madopodo jẹ madopodo, hiẹ wẹ Jiwheyẹwhe.+   Hiẹ nọ hẹn gbẹtọ tata nado gọ̀ do kọ́gudu mẹ; Hiẹ dọmọ: “Mì gọ̀ do kọ́gudu mẹ, mì gbẹtọvi lẹ emi.”+   Na to nukun towe mẹ, owhe fọtọ́n nọ juwayi di osọ he wayi,+ Yèdọ taidi mimá* ozán tọn dopo poun.   Hiẹ zà yé sẹ̀;+ yé sọ busẹ di odlọ; To afọnnu, yé nọ taidi ogbé he tọ́nkun.+   To afọnnu, e nọ gbàsẹ́ bo nọ gọjẹ yọyọ, Ṣigba to whèjai, e nọ yọ́ bo nọ hú.+   Na homẹgble towe ko jizò do mí ji+ Bọ adi towe dobuna mí.   Hiẹ nọ ze nuṣiwa mítọn lẹ do nukọn towe;*+ Hinhọ́n nukunmẹ towe tọn ko de aṣli mítọn lẹ jẹ gbangba.+   Azán* mítọn nọ wá opodo vudevude, na homẹgble towe wutu; Podọ owhe mítọn lẹ nọ wá vivọnu kẹdẹdile agbọ́yíyí nọ whègli do. 10  Tedidi gbẹzan mítọn tọn yin owhe 70, Kavi 80,+ eyin mẹlọ tindo huhlọn vonọtaun niyẹn.* Ṣigba, yé nọ gọ́ na tukla po awubla po; Yé nọ juwayi bleun, bọ mí nọ busẹ plaun.+ 11  Mẹnu wẹ sọgan mọdona huhlọn homẹgble towe tọn? Adi towe nọ sinyẹn sọ budisi he a jẹna.+ 12  Plọn mí lehe mí sọgan hia azán mítọn lẹ do+ Na mí nido tindo ahun nuyọnẹn tọn. 13  Lẹkọ, Jehovah E!+ Nawẹ ehe na dẹnsọ?+ Wàlẹblanuna devizọnwatọ towe lẹ.+ 14  Yí owanyi nugbo+ towe do hẹn pekọ wá na mí to afọnnu, Na míwlẹ nido yí ayajẹ do dawhá bo jẹaglin+ to gbẹwhenu mítọn pete. 15  Hẹn mí nado jẹaglin, sọgbe hẹ sọha azán he hiẹ do sayana mí lẹ tọn,+ Yèdọ sọgbe hẹ owhe susu he nugbajẹmẹji do wá mí ji lẹ.+ 16  Dike devizọnwatọ towe lẹ ni mọ azọ́n towe, Na visunnu yetọn lẹ nisọ mọ whanpẹ daho towe.+ 17  Gbọ nukundagbe Jehovah Jiwheyẹwhe mítọn tọn ni tin to mí ji; Na hiẹ ni hẹn azọ́n alọ mítọn tọn tindo kọdetọn dagbe.* Mọwẹ, hẹn azọ́n alọ mítọn tọn tindo kọdetọn dagbe.*+

Nudọnamẹ Odò Tọn

Kavi vlavo, “fibẹtado.”
Kavi “tọ́njẹgbonu taidi to awufiẹsa ajipanu tọn mẹ.”
Mimá ozán tọn dopodopo nọ dite na nudi gànhiho ẹnẹ.
Kavi “Hiẹ yọ́n nuṣiwa mítọn lẹ.”
Kavi “Ogbẹ̀.”
Kavi “na nugopipe vonọtaun de wutu.”
Kavi “lodo gligli.”
Kavi “lodo gligli.”