Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 9:1-20

NUHE E BẸHẸN LẸ

  • Azọ́njiawu Jiwheyẹwhe tọn lẹ lilá

    • Jehovah, fibẹtado he tindo hihọ́ (9)

    • Oyín towe yinyọnẹn wẹ nado dejido gowe (10)

Na anademẹtọ hànjitọ lẹ tọn; to Muti-labẹni* ji. Ohàn Davidi tọn. א [Alẹfi] 9  Jehovah E, yẹn na nọ yí ahun ṣie lẹpo do pà we; Yẹn na nọ dọho gando azọ́njiawu towe lẹpo go.+   Yẹn na nọ jaya bo nọ jẹaglin to hiẹ mẹ; Yẹn na nọ jihàn pipà tọn lẹ do pà oyín towe, hiẹ Gigogán E.+ ב [Bẹti]   To whenue kẹntọ ṣie lẹ na joagọyigodo,+ Yé na dahli bo busẹ sọn nukọn towe.   Na hiẹ yí owhẹ̀ ṣie dọ do dodo ji; Hiẹ sinai do ofìn towe ji bo to whẹda to dodo mẹ.+ ג [Gimẹli]   Hiẹ ko gbẹnuna akọta lẹ+ bo và mẹylankan lẹ sudo, Bosọ súnsún yinkọ yetọn sẹ̀ kakadoi podọ doidoi.   Kẹntọ ko yin huhusudo kakadoi; Hiẹ họ̀nadọna tòdaho yetọn lẹ, Oflin yetọn lẹpo wẹ nasọ zun winwọn.+ ה [He]   Ṣigba, Jehovah na to ofìn ji kakadoi;+ Ewọ ko do ofìn etọn ai gligli nado dawhẹ dodo.+   Ewọ na dawhẹna aigba to dodo mẹ;+ E na dawhẹ dodo na akọta lẹ.+ ו [Wau]   Jehovah na lẹzun fibẹtado he tindo hihọ́* de na mẹhe yè to kọgbidina,+ Yèdọ fibẹtado he tindo hihọ́ de to ojlẹ ayimajai tọn lẹ mẹ.+ 10  Mẹhe yọ́n oyín towe lẹ na nọ dejido gowe;+ Jehovah E, hiẹ ma na gbẹ́ mẹhe to dindin we lẹ dai gbede.+ ז [Zayini] 11  Mì jihàn pipà tọn lẹ hlan Jehovah, he nọ nọ̀ Ziọni; Mì hẹn azọ́n etọn lẹ zun yinyọnẹn to gbẹtọ lẹ ṣẹnṣẹn.+ 12  Na Mẹhe nọ yiahọsu ohùn yetọn tọn na flin yé;+ Ewọ ma na wọn awhágbe mẹhe yè to yasana lẹ tọn.+ ח [Hẹti] 13  Do nukundagbe hia mi, Jehovah E; pọ́n lehe mẹhe gbẹwanna mi lẹ to yasana mi do, Hiẹ mẹhe nọ fọ́n mi dote sọn họngbo okú tọn lẹ ji,+ 14  Na yẹn nido nọ lá azọ́n towe he jẹna pipà lẹ to họngbo viyọnnu Ziọni tọn lẹ ji,+ Bosọ nọ jaya to azọ́n whlẹngán tọn towe lẹ mẹ.+ ט [Teti] 15  Akọta lẹ ko tlọ biọ odò he yelọsu kùn mẹ; Odọ̀ he yé tá do nuglọ ko wle afọ yetọn titi.+ 16  Jehovah nọ do ede hia gbọn whẹdida he e nọ hẹnṣẹ lẹ dali.+ Mẹylankan ko jẹ omọ̀ he e yí alọ edetiti tọn do wleawuna mẹ.+ Higaiọni.* (Sela) י [Yodi] 17  Mẹylankan lẹ na joagọyigodo hlan Yọdò* mẹ, Yèdọ akọta he wọnji Jiwheyẹwhe go lẹpo. 18  Ṣigba, wamọnọ ma na nọ yin winwọn to whepoponu gba;+ Mọjanwẹ todido homẹmimiọnnọ lẹ tọn ma na sudo gbede do niyẹn.+ כ [Kafi] 19  Jehovah E, fọ́n! A dike gbẹtọ tata dudeji blo. Akọta lẹ ni yin whẹdana to nukọn towe.+ 20  Dobu homẹ na yé, Jehovah E,+ Dike akọta lẹ ni yọnẹn dọ gbẹtọvi tata wẹ yé. (Sela)

Nudọnamẹ Odò Tọn

Pọ́n Zẹm.
Kavi “ofi yiaga he tindo hihọ́.”
Pọ́n Zẹm.
Kavi “Ṣeol,” enẹ wẹ, yọdò paa gbẹtọvi lẹ tọn. Pọ́n Zẹm.