Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 88:1-18

NUHE E BẸHẸN LẸ

  • Odẹ̀ nado yin whiwhla sọn okú si

    • “Yẹn ko tin to Yọdò tó” (3)

    • ‘Afọnnu lẹpo wẹ n’nọ hodẹ̀ hlan we’ (13)

Ohàn visunnu Kola tọn lẹ tọn.+ Na anademẹtọ hànjitọ lẹ tọn; sọgbe hẹ nuhiho Mahalati* tọn, nado yíhàn. Maskili* Hemani+ Ezlanu lọ tọn. 88  Jehovah E, Jiwheyẹwhe whlẹngán ṣie tọn,+ Yẹn nọ dawhá ylọ we to okle, Bo nọ wá nukọn towe to zánmẹ.+   Gbọ odẹ̀ ṣie ni wá dè we,+ Lẹ́ otó towe* hlan awhágbe ṣie na alọgọ.+   Na alindọn* ṣie gọ́ na nugbajẹmẹji,+ Bọ yẹn ko tin to Yọdò* tó.+   Yẹn ko yin hihia dogọ mẹhe to tejẹ yì odò* lọ mẹ lẹ;+ N’ko lẹzun agbátọnọ pete,*+   Bo yin jijodo oṣiọ lẹ ṣẹnṣẹn Taidi mẹkúkú he to aimimlọn to yọdò de mẹ, Yèdọ mẹhe hiẹ masọ to finflin ba Podọ mẹhe masọ tin to nukunpedomẹgo* towe glọ ba.   Hiẹ ko ze mi do odò he siso hugan lọ mẹ, To zinvlu mẹ, to odò mapote daho de mẹ.   Homẹgble towe pẹ̀n do ji e tlala,+ Hiẹ sọ nọ hẹn agbówhẹn towe he to zingidi ji lẹ gbaṣinyọ́n mi. (Sela)   Hiẹ ko yàn mẹyinyọnẹn ṣie lẹ dẹn do mi pete;+ A ko hẹn mi zun osùnú de to nukun yetọn mẹ. Yẹn ko jẹ omọ̀ mẹ bo ma sọgan họ̀ngán.   Agbọ́ ko pé nukun ṣie lẹ, na yajiji ṣie wutu.+ Jehovah E, yẹn nọ to awhádo ylọ we to azán lọ pete ji;+ Hiẹ wẹ yẹn nọ kẹ̀ alọ ṣie lẹ hlan. 10  Be hiẹ na wà azọ́njiawu lẹ do oṣiọ lẹ tamẹ wẹ? Be mẹhe ko lẹzun madogánnọ to okú mẹ lẹ sọgan fọ́n nado wá pà we wẹ ya?+ (Sela) 11  Be owanyi nugbo towe na yin lilá to yọdò mẹ wẹ, Kavi nugbonọ-yinyin towe to otẹn vasudo tọn* mẹ wẹ ya? 12  Be azọ́njiawu towe lẹ na yin yinyọnẹn to zinvlu mẹ wẹ Kavi dodowiwa towe to aigba mẹhe ko yin winwọn lẹ tọn ji wẹ ya?+ 13  Ṣigba, yẹn gbẹ́ to awhádo ylọ we na alọgọ, Jehovah E,+ Afọnnu lẹpo wẹ odẹ̀ ṣie nọ wá nukọn towe.+ 14  Jehovah E, naegbọn hiẹ do gbẹ́ mi* dai?+ Naegbọn hiẹ do whlá nukunmẹ towe do mi?+ 15  Sọn jọja whenu ṣie gbọ́n Wẹ yẹn ko to yaji bo ko dibla dọ̀n;+ Nuylankan he hiẹ dike bọ n’jiya etọn lẹ ko hẹn agbasa ṣie kúatli. 16  Homẹgble sinsinyẹn towe húagbọ́ mi;+ Budonamẹ towe lẹ hù mi sudo. 17  Yé nọ lẹdo mi pé taidi osin to azán lọ pete ji; Yé nọ glọn mi do sọn awà lẹpo ji.* 18  Hiẹ ko yàn họntọn ṣie lẹ po hagbẹ ṣie lẹ po dẹn do mi pete;+ Zinvlu wẹ lẹzun họntọn ṣie todin.

Nudọnamẹ Odò Tọn

Pọ́n Zẹm.
Pọ́n Zẹm.
Kavi “Dẹ́ hlan odò bo dotoai.”
Pọ́n Zẹm.
Kavi “Ṣeol,” enẹ wẹ, yọdò paa gbẹtọvi lẹ tọn. Pọ́n Zẹm.
Kavi “yọdò.”
Kavi “N’ko wá taidi madogánnọ.”
To paa mẹ, “alọ.”
Kavi “to Abadọni.”
Kavi “alindọn ṣie.”
Kavi vlavo, “to ojlẹ dopolọ mẹ.”