Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 86:1-17

NUHE E BẸHẸN LẸ

  • Yẹwhe de ma taidi Jehovah

    • Jehovah nọ wleawu nado jona (5)

    • Akọta lẹpo na sẹ̀n Jehovah (9)

    • “Plọn mi aliho towe” (11)

    • ‘Dibusi we po ahun lẹpo po’ (11)

Odẹ̀ Davidi tọn. 86  Lẹ́ otó towe* hlan mi, Jehovah E, bo siọ mi, Na yẹn yin yasana bosọ yin wamọnọ.+   Basi hihọ́na ogbẹ̀* ṣie, na nugbonọ wẹ yẹn.+ Whlẹn devizọnwatọ towe he to jidedo gowe, Na hiẹ wẹ Jiwheyẹwhe ṣie.+   Do nukundagbe hia mi, Jehovah E,+ Na yẹn nọ to awhádo ylọ we to azán lọ pete ji.+   Hẹn devizọnwatọ towe* jaya, Na hiẹ wẹ yẹn nọ lẹhlan,* Jehovah E.   Na hiẹ yọ́n+ bo nọ wleawu nado jonamẹ,+ Jehovah E; Hiẹ sù to owanyi nugbo mẹ hlan mẹhe nọ dawhá ylọ we lẹpo.+   Dotoaina odẹ̀ ṣie, Jehovah E; Sọ na ayidonugo ovẹ̀ ṣie lẹ na alọgọ.+   Yẹn na dawhá ylọ we to azán ayimajai tọn gbè,+ Na hiẹ na siọ mi.+   Yẹwhe depope ma tin to yẹwhe lẹ mẹ he taidi hiẹ, Jehovah E,+ Azọ́n depope ma tin he taidi towe lẹ.+   Akọta he hiẹ dá lẹpo Na nọ wá bo na nọ dẹ́ do odò to nukọn towe, Jehovah E,+ Yé nasọ nọ pagigona oyín towe.+ 10  Na hiẹ klo bosọ nọ wà nujiawu lẹ;+ Hiẹ wẹ Jiwheyẹwhe, yèdọ hiẹ dopo kẹdẹ.+ 11  Plọn mi aliho towe, Jehovah E.+ Yẹn na nọ zinzọnlin to nugbo towe mẹ.+ Hẹn mi nado nọ dibusi oyín towe po ahun lẹpo po.*+ 12  Jehovah Jiwheyẹwhe ṣie E, yẹn na nọ pà we po ahun ṣie lẹpo po,+ Bo nasọ nọ pagigona oyín towe kakadoi. 13  Na owanyi nugbo he hiẹ dohia mi sù taun, Hiẹ ko sọ whlẹn ogbẹ̀* ṣie sọn Yọdò* mẹ.+ 14  Jiwheyẹwhe E, saklanọ lẹ fọ́n do ji e;+ Ogbẹ́ danuwatọ lẹ tọn to okú* ṣie dín, Yé masọ tindo sisi depope na we.*+ 15  Ṣigba, Jehovah E, Jiwheyẹwhe lẹblanunọ podọ awuvẹmẹtọ* de wẹ hiẹ, Mẹhe nọ whleawu nado gblehomẹ bosọ gọ́ na owanyi nugbo po nugbonọ-yinyin* po.+ 16  Lilẹ́ ayidonugo towe hlan dè e bo do nukundagbe hia mi.+ Na huhlọn devizọnwatọ towe,+ Bo whlẹn visunnu afanumẹ yọnnu towe tọn. 17  Na mi ohia* dagbewà towe tọn, Na mẹhe gbẹwanna mi lẹ nido mọ bo duwinyan. Na Jehovah E, hiẹ wẹ alọgọtọ ṣie po homẹmiọnnamẹtọ ṣie po.

Nudọnamẹ Odò Tọn

Kavi “Dẹ́ hlan odò bo dotoai.”
Kavi “alindọn.”
Kavi “alindọn devizọnwatọ towe tọn.”
Kavi “yẹn nọ ze alindọn ṣie daga hlan.”
Kavi “Na mi ahun he ma má de nado nọ dibusi oyín towe.”
Kavi “alindọn.”
Kavi “Ṣeol,” enẹ wẹ, yọdò paa gbẹtọvi lẹ tọn. Pọ́n Zẹm.
Kavi “alindọn.”
Kavi “Yé masọ hẹn hiẹ tin to nukọn yede tọn.”
Kavi “mẹhe gọ́ na ojọmiọn.”
Kavi “nugbo.”
Kavi “kunnudenu.”