Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 85:1-13

NUHE E BẸHẸN LẸ

  • Odẹ̀ nado yin hinhẹngọwa

    • Jiwheyẹwhe na lá jijọho na nugbonọ lẹ (8)

    • Owanyi nugbo, nugbonọ-yinyin (10)

Na anademẹtọ hànjitọ lẹ tọn. Ohàn visunnu Kola tọn lẹ tọn.+ 85  Jehovah E, hiẹ ko do nukundagbe hia aigba towe;+ Hiẹ ko hẹn omẹ Jakọbu tọn he yin bibẹ yì kanlinmọgbenu lẹ gọwá.+   Hiẹ ko jo* nuṣiwa omẹ towe lẹ tọn na yé; Hiẹ jo ylando yetọn lẹpo na yé.+ (Sela)   Hiẹ ko hẹnalọdotena adi sinsinyẹn towe; Hiẹ jo homẹgble sinsinyẹn towe do.+   Hẹn mí gọwá,* Jiwheyẹwhe whlẹngán mítọn tọn E, Bo lilẹ́ homẹgble towe sọn mí ji.+   Be hiẹ na duadi do mí go kakadoi wẹ?+ Be hiẹ na dlẹnkanna homẹgble towe sọn whẹndo de mẹ jẹ devo mẹ wẹ?   Be hiẹ ma na gọ̀ huhlọn na mí whladopo dogọ, Na omẹ towe lẹ nido jaya to hiẹ mẹ wẹ?+   Do owanyi nugbo towe hia mí, Jehovah E,+ Bo whlẹn mí gán.   Yẹn na nọ dotoaina nuhe Jehovah Jiwheyẹwhe nugbo lọ nọ dọ lẹ, Na ewọ na lá jijọho na omẹ etọn lẹ,+ yèdọ na nugbonọ etọn lẹ, Ṣigba, a dike yé sọ dejido yedetiti go ba blo.+   E họnwun dọ whlẹngán etọn ma nọ dẹn do mẹhe nọ dibusi i lẹ,+ Na gigo etọn nido gbọṣi aigba mítọn ji. 10  Owanyi nugbo po nugbonọ-yinyin po na nọ yinuwa dopọ; Dodowiwa po jijọho po na nọ zọnpọ.+ 11  Nugbonọ-yinyin na tọ́nkun sọn aigba mẹ, Podọ dodowiwa na jẹte sọn olọn mẹ wá.+ 12  Mọwẹ, Jehovah na na nudagbe,*+ Bọ aigba mítọn na de sinsẹ́n etọn tọ́n.+ 13  Dodowiwa na nọ zinzọnlin to nukọn etọn+ Bo nasọ deali na afọdòmẹ etọn lẹ.

Nudọnamẹ Odò Tọn

To paa mẹ, “ṣinyọnnudo.”
Kavi “Bẹ mí pli lẹkọwa.”
Kavi “adọkun.”