Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 84:1-12

NUHE E BẸHẸN LẸ

  • Ojlo na gòhọtúntún gigonọ Jiwheyẹwhe tọn

    • Levinu de jlo nado taidi ohẹ̀ de (3)

    • “Azán dopo to awánu towe lẹ” (10)

    • ‘Owhè po awọ̀yinu po wẹ Jiwheyẹwhe’ (11)

Na anademẹtọ hànjitọ lẹ tọn; to Gititi* ji. Ohàn visunnu Kola tọn lẹ tọn.+ 84  Lehe yẹn yiwanna* gòhọtúntún gigonọ towe do sọ,+ Jehovah awhànpa lẹ tọn E!   N’tin* to jejeji, Mọwẹ, ojlo vẹkuvẹku he n’tindo Na awánu Jehovah tọn+ lẹ to hinhẹn mi dakú. Yẹn nọ yí ahun ṣie lẹpo po huhlọn ṣie lẹpo po do dawhá ayajẹ tọn hlan Jiwheyẹwhe ogbẹ̀nọ lọ.   Ohẹ̀ lẹ tlẹ nọ mọ adọ́ do finẹ Bọ agadawhlé nọ do adọ́ na ede do finẹ, Fie ewọ nọ penukundo ovi etọn lẹ go te, Yèdọ sẹpọ agbà gigonọ towe, Jehovah awhànpa lẹ tọn E, Ahọlu ṣie podọ Jiwheyẹwhe ṣie!   Ayajẹnọ wẹ mẹhe nọ nọ̀ ohọ̀ towe mẹ lẹ!+ Yé nọ to pipà we zọnmii.+ (Sela)   Ayajẹnọ wẹ mẹhe nọ mọ huhlọn yí to dè we lẹ,+ Mẹhe ze ayiha yetọn do alihogbó towe lẹ ji.   Whenue yé gbọn Agbàdo Baka tọn* mẹ wayi, Yé mọ ẹn di nọtẹn asisa lẹ tọn de; Jikun tintan sọ kọ̀n dona do e ji.*   Huhlọn yetọn na nọ jẹ e ji dile yé to zọnlinzin;+ Dopodopo yetọn nọ sọawuhia to Jiwheyẹwhe nukọn to Ziọni.   Jehovah Jiwheyẹwhe awhànpa lẹ tọn E, sè odẹ̀ ṣie; Dotoai, Jiwheyẹwhe Jakọbu tọn E. (Sela)   Pọ́n, hiẹ awọ̀yinu mítọn+ podọ Jiwheyẹwhe* mítọn, Pọ́n nukunmẹ mẹyiamisisadode towe tọn.+ 10  Na azán dopo to awánu towe lẹ mẹ pọnte hugan fọtọ́n to fidevo!+ Yẹn de nado nọ nọte to pèkán ohọ̀ Jiwheyẹwhe ṣie tọn ji Kakati nado nọ nọ̀ gòhọ mẹylankan lẹ tọn mẹ. 11  Na owhè+ po awọ̀yinu+ de po wẹ Jehovah Jiwheyẹwhe yin na mí; Ewọ nọ do nukundagbe hia bo nọ doyẹyigonamẹ. Jehovah ma na tẹ̀ nudagbe depope Mẹhe to zọnlinzin to tenọgli mẹ lẹ.+ 12  Jehovah awhànpa lẹ tọn E, Ayajẹnọ wẹ mẹhe nọ dejido gowe.+

Nudọnamẹ Odò Tọn

Pọ́n Zẹm.
Kavi “tindo owanyi sisosiso na.”
Kavi “Alindọn ṣie tin.”
Kavi “agbàdo zunkan baka tọn lẹ.”
Kavi vlavo, “Nuplọnmẹtọ lọ yí dona do bunúdo ede.”
Kavi vlavo, “Jiwheyẹwhe E, pọ́n awọ̀yinu.”