Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 83:1-18

NUHE E BẸHẸN LẸ

  • Odẹ̀ to whenue yè pehẹ kẹntọ lẹ

    • “Jiwheyẹwhe E, a nabọẹ blo” (1)

    • Kẹntọ lẹ taidi ogbé húhú he to bibli (13)

    • Jiwheyẹwhe nọ yin Jehovah (18)

Ohàn Asafi tọn.+ 83  Jiwheyẹwhe E, a nabọẹ blo;+ Hiẹ Omẹ Huhlọnnọ lọ E, a gbọṣi abọẹ kavi whii blo.   Na, pọ́n! kẹntọ towe lẹ to zingidi ji;+ Mẹhe gbẹwanna we lẹ to nuyiwa po goyiyi po.*   Yé nọ gbọn ayiha gigẹdẹ dali blasé do omẹ towe lẹ go to nuglọ; Yé nọ dewé sọta mẹvivẹ* towe lẹ.   Yé nọ dọmọ: “Mì wá, na mí ni sukúndona akọta yetọn pete,+ Na oyín Islaeli tọn ma nado yin finflin gbede ba.”   Yé ko kàn ayiha wintinwintin de dopọ;* Yé ko basi alẹnu de sọta we+   Gòhọ Edomi tọn lẹ po Iṣmaelinu lẹ po, Moabi+ po Haglinu+ lẹ po,   Gebali, Amọni+ po Amalẹki po, Gọna Filisti+ podọ mẹhe nọ nọ̀ Tile lẹ.+   Asilia+ lọsu ko hopódona yé; Yé nọ nọgodona* visunnu Lọti tọn lẹ.+ (Sela)   Wà na yé kẹdẹdile a wà na Midiani do,+ Yèdọ kẹdẹdile a wà na Sisela po Jabini po to tọ̀sisa* Kiṣọni tọn kọ̀n do.+ 10  Yé yin huhusudo to Ẹn-dọli;+ Yé sọ taidi ogbó to kọmẹ. 11  Hẹn omẹ nukundeji yetọn lẹ nado taidi Olẹbi po Zeẹbi po+ Podọ ahọvi* yetọn lẹ nado taidi Zeba po Zalmuna po,+ 12  Na yé dọmọ: “Mì gbọ mí ni yí aigba lọ, fie Jiwheyẹwhe nọ nọ̀.” 13  Jiwheyẹwhe ṣie E, hẹn yé nado taidi ogbé húhú he to bibli,+ Yèdọ taidi zinkán he jẹhọn to fúfú pé. 14  Kẹdẹdi miyọ́n he nọ dù zungbo, Yèdọ taidi miyọ́n he to jiji bo nọ fiọ osó lẹ,+ 15  Mọ wẹ hiẹ ni yí jẹhọn-ahizi towe do dómọna yé do+ Bosọ yí yujẹhọn towe do dobuna yé.+ 16  Yí winyan do ṣinyọ́n* nukunmẹ yetọn, Na yé nido dín oyín towe, Jehovah E. 17  Dike yé ni duwinyan bo to budi kakadoi; Gbọ yé ni jẹflumẹ bo dọ̀n; 18  Gbọ gbẹtọ lẹ ni yọnẹn dọ hiẹ, mẹhe oyín towe nọ yin Jehovah,+ Hiẹ dopo kẹdẹ wẹ yin Gigogán to aigba lẹpo ji.+

Nudọnamẹ Odò Tọn

Kavi “to ota ze.”
To paa mẹ, “omẹ whiwhla.”
To paa mẹ, “Yé ko kọ̀n ahun dopọ nado dewé.”
To paa mẹ, “Yé ko lẹzun awà na.”
Kavi “agbàdo tọ̀sisa tọn.” Pọ́n Zẹm.
Kavi “nukọntọ.”
To paa mẹ, “gọ́.”