Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 80:1-19

NUHE E BẸHẸN LẸ

  • Lẹngbọhọtọ Islaeli tọn biọ hẹngọwa

    • “Jiwheyẹwhe E, hẹn mí gọwá” (3)

    • Islaeli, vẹntin Jiwheyẹwhe tọn (8-15)

Na anademẹtọ hànjitọ lẹ tọn; sọgbe hẹ nuhiho he nọ yin “Vounvoun Lẹ.” Nado flinnumẹ. Ohàn Asafi tọn.+ 80  Lẹngbọhọtọ Islaeli tọn E, dotoai, Hiẹ mẹhe to anadena Josẹfu taidi lẹngbọpa de.+ Hiẹ mẹhe sinai to ofìn ji to aga* kelubimi lẹ tọn,+ Họnwun jẹgbonu.*   To Eflaimi, Bẹnjamini po Manasse po nukọn, Do huhlọn towe hia;+ Wá whlẹn mí.+   Jiwheyẹwhe E, hẹn mí gọwá;+ Hẹn nukunmẹ towe sẹ́ do mí ji, na mí nido yin whinwhlẹngán.+   Jehovah Jiwheyẹwhe awhànpa lẹ tọn E, nawẹ hiẹ na gbẹkọ* odẹ̀ omẹ towe lẹ tọn go dẹnsọ?+   Hiẹ yí dasin do basi núdùdù yetọn, Bo nọ hẹn yé nado nù dasin gọ́ho.   Hiẹ dike bọ kọmẹnu mítọn lẹ nọ to nudọn gando mí go; Kẹntọ mítọn lẹ nọ to ṣinṣàn mí kò dile e jlo yé do.+   Jiwheyẹwhe awhànpa lẹ tọn E, hẹn mí gọwá; Hẹn nukunmẹ towe sẹ́ do mí ji, na mí nido yin whinwhlẹngán.+   Hiẹ hẹn vẹntin+ de tọ́nyi sọn Egipti. A yàn akọta lẹ sẹ̀ bo do e.+   Hiẹ jla tẹnmẹ do na ẹn, Bọ e doadọ̀do bosọ gọ́ aigba lọ ji.+ 10  Oyẹ̀ etọn ṣinyọ́n osó lẹ ji, Bọ alà etọn lẹ ṣinyọ́n kedali Jiwheyẹwhe tọn lẹ ji. 11  Alà etọn lẹ vùn kaka yì ohù lọ tó, Podọ alà-vú etọn lẹ yì Tọ̀sisa* lọ kọ̀n.+ 12  Naegbọn hiẹ do họ́ adó zannu tọn he lẹdo vẹngle lọ,+ Bọ aligbọntọ lẹpo nọ gbẹ̀n sinsẹ́n etọn lẹ?+ 13  Hànvẹẹ lẹ nọ wá sọn zungbo mẹ bo nọ gbà ẹ kija, Bọ e ko lẹzun núdùdù na gbekanlin danji tọn lẹ.+ 14  Jiwheyẹwhe awhànpa lẹ tọn E, jaale lẹkọwa. Pọ́n odò hlan sọn olọn mẹ bo doayi e go! Penukundo vẹntin ehe go,+ 15  Yèdọ atinvu* he adusilọ towe do,+ Bosọ pọ́n ovi* he hiẹ ko hẹn lodo na gigo towe wutu lọ hlan.+ 16  E ko yin sinsánliai bọ yè yí miyọ́n do mẹ̀ ẹn.+ Yé dọ̀n, na nugbẹnamẹ towe* wutu. 17  Na hiẹ ni gọalọna dawe lọ he to adusilọ towe mẹ, Yèdọ mẹlọ he hiẹ ko hẹn lodo na gigo towe wutu.+ 18  To whenẹnu, míwlẹ ma na lẹhlan apadopo sọn dè we. Hẹn mí dogbẹ̀, na mí nido nọ dawhá ylọ oyín towe. 19  Jehovah Jiwheyẹwhe awhànpa lẹ tọn E, hẹn mí gọwá; Hẹn nukunmẹ towe sẹ́ do mí ji, na mí nido yin whinwhlẹngán.+

Nudọnamẹ Odò Tọn

Kavi vlavo, “ṣẹnṣẹn.”
Kavi “De sisẹ́ towe hia.”
To paa mẹ, “duadi do.”
Enẹ wẹ, Euflate.
Kavi “atin tangan vẹntin lọ tọn.”
Kavi “alà.”
To paa mẹ, “nugbẹnamẹ nukunmẹ towe tọn.”